چائے تو رسم عام ہے ساقی شراب لا!

[مہدی نقوی حجاز]

معزز محفلین، ہمارے ساتھ پیالی بھر چائے پینے کا شرف حاصل کیجیے!

 

[محمد اسامہ سَرسَری]

چائے ٹھنڈی تو نہیں ہوگئی؟

 

[مہدی نقوی حجاز]

چائے ٹھنڈی تو نہیں ہوگئی؟

حضور ابھی گرم ہے۔ لے آئیں آپ کے واسطے؟

 

[محمد اسامہ سَرسَری]

چائے اور پوچھ پوچھ۔۔۔

 

[مہدی نقوی حجاز]

جناب چائے حاضر ہے۔ قند اپنی طبع کے مطابق اضافہ کر کے انڈیل لیجیے!

 

[محمد اسامہ سَرسَری]

اوکے۔۔۔۔

 

[عندلیب]

اکیلے اکیلے چائے پی جا رہی ہے ہمیں بھی شامل کر لیں ۔ ہم تو عنوان دیکھ کرہی ڈر گئے تھے ۔

 

[مہدی نقوی حجاز]

عندلیب صاحبہ چائے ذرا دیکھ کر پیجیے گا، ایسا نہ ہو کہ عنوان سچ نکلے۔ پھر قلندریوں کی چائے میں یہاں تو بھنگ ہوتی ہے، کیا خبر شاعر شراب ملا دیتے ہوں!

 

[عندلیب]

پھر تو اس لڑی سے بھاگ لینے میں ہی عافت(عافیت) ہے ۔

 

[مہدی نقوی حجاز]

اس وقت ہماری ضمانت میں پی لیجیے۔ گناہگار نہیں کریں گے!

 

[محمد اسامہ سَرسَری]

ہمیں تو کباب پسند ہیں

چائے کی رسم ہوچکی بھائی کباب لا

 

[مہدی نقوی حجاز]

چائے کی رسم ہوچکی بھائی کباب لا

کھائے بہت کباب ہیں ساقی شراب لا

 

[محمد اسامہ سَرسَری]

چائے کی رسم ہوچکی بھائی کباب لا

کھائے بہت کباب ہیں ساقی شراب لا

جنت ميں ہم کہیں گے فرشتے سے لا شراب
دنیا میں ہم رکے ہیں ، یہاں بے حساب لا

 

[مہدی نقوی حجاز]

جنت ميں ہم کہیں گے فرشتے سے لا شراب
دنیا میں ہم رکے ہیں ، یہاں بے حساب لا

دنیا میں پی کے جاؤ کہ اپنے حساب میں
شاید لکھا عذاب ہے ساقی شراب لا

 

[محمد اسامہ سَرسَری]

دنیا میں پی کے جاؤ کہ اپنے حساب میں
شاید لکھا عذاب ہے ساقی شراب لا

میزانِ عدل پر ہے جو مامور ، اس کی سن
اعمال نامہ اپنا نہ اتنا خراب لا

 

[زبیر مرزا]

معزز محفلین، ہمارے ساتھ پیالی بھر چائے پینے کا شرف حاصل کیجیے!

جی جناب ضرور لیکن ہم ایک پیالی پر اکتفا نہیں کرتے ساتھ زیرے کے بسکٹ ، باقرخانی اور کیک رس بھی ہوں

 

[مہدی نقوی حجاز]

جی جناب ضرور لیکن ہم ایک پیالی پر اکتفا نہیں کرتے ساتھ زیرے کے بسکٹ ، باقرخانی اور کیک رس بھی ہوں

جی تین پیالیاں تو آپ نے ہمیں بھی انڈلوا دی تھیں! بس زیرے کے بسکٹ اور مخلفات کا بھی اہتمام ہے! تو میں بھر رہا ہوں آپ کے حصے کی!

 

[مہدی نقوی حجاز]

میزانِ عدل پر ہے جو مامور ، اس کی سن
اعمال نامہ اپنا نہ اتنا خراب لا

اعمال نامہ لاؤں میں بہتر کہاں سے اب
مانا یہ شے حرام ہے ساقی شراب لا

 

[محمد اسامہ سَرسَری]

اعمال نامہ لاؤں میں بہتر کہاں سے اب
مانا یہ شے حرام ہے ساقی شراب لا

نیکی کا شوق پائیں گناہوں سے ہم بچیں
وعدوں کی اور وعیدوں کی ایسی کتاب لا

 

[مہدی نقوی حجاز]

نیکی کا شوق پائیں گناہوں سے ہم بچیں
وعدوں کی اور وعیدوں کی ایسی کتاب لا

ایسی کتاب رندوں کے گھر میں کہاں سے ہو
کیوں ہم پہ التزام ہے ساقی شراب لا