میں نے اپنی غلط فہمی پر نہیں ، بلکہ آپ سےمسلسل بے مقصد بحث پر معذرت کی تھی ۔آپ پر اس پوسٹ میں جھنجھلاہٹ طاری ہے ۔ اس لیئے آپ کی چند آخری پوسٹ کے جوابات کے بعد آپ سے کسی بھی بحث کے لیئے ایک بار پھر معذرت ۔
میں اس معذرت کے زمینی حقائق اوپر بیان کرچکا ہوں ۔ مگر آپ کسی معذرت سے بہت خوش ہوتیں ہیں تو میں پھر معذرت کرتا ہوں ۔
شکریہ محمود احمد غزنوی صاحب ۔ ان صاحب کی اسی بات کو بلکہ باقاعدہ سرخ رنگ سے واضع کرکے یہی بات کہنے کی میں نے کوشش کی تھی ۔ مگر وہ غامدی اور دیگر غیر ضروری چیزوں کی طرف چلے گئے ۔ جب آپ کو معلوم ہی نہیں کہ موضوع کیا ہے ۔ کسی اور کی بات کا مفہوم کیا ہے تو پھر گفتگو کیسے چلے گی ۔ لہذا ان کے سوال اور پھر مسلسل اس کی تکرار کو نظرانداز کرکے ایک طرف ہوجانا پڑا ۔ ابھی انہوں جو پوسٹ کی ہے ۔ اس کا بھی جواب ہے مگر خاموشی ابھی بہرحال بہتر ہے کہ یہ سامنے والے کی بات سمجھنا تو درکنار ، سُننے کے لیئے بھی تیار نہیں ہے ۔ تو ایسی صورتحال میں کوئی گفتگو ہونہیں سکتی ۔وضاحت کیلئے شکریہ۔ چونکہ موضوع کا تعلق صحیح بخاری اور قرآن پاک کے درمیان مبینہ اختلافات سے تھا، اور آپ نے اجماع کی بات کی تو اس سے یہ وہم پیدا ہورہا تھا کہ کتاب صحیح بخاری کے بارے میں شائد علماء یا فقہاء کا اجماع منعقد ہوچکا ہے۔ دوسرے یہ کہ آپکی پہلی پوسٹ میں اجماع سے انحراف کو کفر بتایا گیا تھا لیکن آپکی اس پوسٹ سے بات کلئیر ہوگئی کہ یہ کفر نہیں بلکہ گمراہی ہے۔
وضاحت کیلئے شکریہ۔ چونکہ موضوع کا تعلق صحیح بخاری اور قرآن پاک کے درمیان مبینہ اختلافات سے تھا، اور آپ نے اجماع کی بات کی تو اس سے یہ وہم پیدا ہورہا تھا کہ کتاب صحیح بخاری کے بارے میں شائد علماء یا فقہاء کا اجماع منعقد ہوچکا ہے۔ دوسرے یہ کہ آپکی پہلی پوسٹ میں اجماع سے انحراف کو کفر بتایا گیا تھا لیکن آپکی اس پوسٹ سے بات کلئیر ہوگئی کہ یہ کفر نہیں بلکہ گمراہی ہے۔
کفر کرنا اور کافر ہوجانا دونوں میں فرق ہے۔ اکثر لوگوں کے عقائد میں بعض عقائد کفریہ ہوتے ہیں لیکن انہیں کھلا کافر نہیں کہا جاسکتا حتی کہ کوئی ایسی بات ہو جو انسان کو دائرہ اسلام سے خارج ہی کردے۔ تو اس رو سے اجماع سے انحراف بھی کفر ہی ہوا۔ یہی بات اس آیت کی تفسیر مکی میں بھی موجود ہے۔ امید ہے اب زیادہ واضح ہوگیا ہوگا 
اگر ہم اس بات سے بھی متفق نہیں تو معاف کیجئے گا اجماع امت یا اتباع ائمہ جیسی دلیلیں ایسی ہرگز نہیں کہ جن کی بنیاد پر اتحاد بین المسلمین ممکن ہو یا موجودہ دور میں مسلمانوں کے مسائل کا حقیقی حل سوچا بھی جا سکتا ہو۔
فرق پیندا اے پائی آن
کیونکہ میں نے تو حدیث کا انکار نہیں کیا میں نے تو ائمہ حضرات سے ممکنہ غلطی کی حمایت یا بعد میں آنے والے فتنی ادوار کا رونا رویا ہے ، اور قران کا انکار کب اور کیسے ہو گیا ۔ اگر آپ اسی روایتی طریقے سے یہ کہنا چاہ رہے ہیں کہ میں قران یا حدیث کا انکار کر رہا ہوں تو گذارش ہے کہ محمود غزنوی اور ظفری کے اوپری مراسلے بالترتیب پھر پڑھیے۔
اپنا نقطہ نظر واضح کرنے کا بہت شکریہ طالوت ۔
میرا نہیں خیال کہ احادیث و اسناد کوئی ملتی جلتی چیزیں ہیں جن سے دھوکہ کھایا جا سکے ، لیکن میں یہ تسلیم کرتا ہوں کہ بقول آپ کے یہ چھ لاکھ احادیث نہیں بلکہ چھ لاکھ اسناد ہیں تو بھی خاتون بیان کے مطابق چھ لاکھ اسناد کے لئے دو رکعت نفل اور استخارہ کیا گیا ہے ، کیونکہ ایک مسلسل جملے میں پہلے حدیث سے مراد سند ہو پھر حدیث سے مراد روایت ہو تو یہ بات کچھ مناسب معلوم نہیں ہوتی ۔ اور میں یہ بھی بتانا چاہوں گا کہ میرے نوٹس کے مطابق یہ بیان صحیح بخاری جلد اول (نظر ثانی مولانا محمد داؤد راز) ناشر "مرکزی جمعیت اہلحدیث ، ہند " سے مختصرا نقل کیا ہے۔
انھی نوٹس میں ، میں نے کچھ یہ بھی لکھ رکھا ہے
"ابو عبداللہ محمد بن اسماعیل بخاری 13 شوال 194ہجری کو بخارا میں پیدا ہوئے اور قریبا 62 برس کی عمر پائی۔ دس برس کی عمر میں مکتبی تعلیم ختم کی اور حدیثیں یاد کرنے کا شوق چرایا اور سولہویں سال 210 ہجری میں حج کے لئے سفر کیا اور اس سفر سے پہلے ہی آپ کو 70،000 حدیثیں یاد تھیں بمعہ سلسلہ سند ، حالات رجال وغیرہ ۔ علاوہ ازیں اقوال صحابہ و تابعین کے بارے میں بھی علم رکھتے تھے کہ کن قرانی آیات و احادیث سے ماخوذ ہیں۔ اور رات کے آخری حصے میں 13 رکعت اور تہجد معمول رہا۔
بہرحال میرا مقصد یہاں کسی لمبی بحث سے نہیں بلکہ محض وہ باتیں بیان کرنا ہے جو ہماری نظر سے عموما نہیں گزرتیں۔ اس سارے معاملے کا آغاز فاروق سرور خان کے جس لنک سے ہوا بلاشبہ ایسی بہت سی کتب موجود ہیں اور ان کے جواب میں بھی بے شمار کتابیں لکھی گئیں بلکہ ایک ایک کتاب کے مقابلے میں پانچ پانچ کتب بھی لکھی گئیں اور کچھ پڑھنے کا اتفاق بھی ہوا ہے مگر مجھے یہ کہتے ہوئے افسوس ہوتا ہے کہ ان میں ، میں نے ایسی کوئی دلیل نہیں پائی کہ جسے معترض کے اعتراض پر مطمئن کر دینے والا جواب کہہ سکوں ۔ بلکہ میں تو ان کی صاف گوئی کی زیادہ قدر کرتا ہوں جو یہ کہتے پائے گئے ہیں کہ بھائی کچھ گڑ بڑ ضرور ہوئی ہے مگر ہم کتب روایت (خصوصا بخاری) پر یہ دروازہ (تنقید کا) نہیں کھول سکتے کہ اس سے صحیح احادیث پر بھی تنقید کا دروازہ کھل جائے گا اور یہ فتنے کا سبب ہو گا۔
ارے بھیا اس میں دھوکا ہے بھی نہیں ۔ آپ میری بات پر مت جائیے۔ اپنے پاس موجود مصطلح الحدیث کی کوئی عام سی کتاب دیکھ لیجیے : حدیث ، اور سند کے مختلف معنی اور ان کا اصطلاحی استعمال آپ کو مل جائے گا۔ زیادہ تفصیلی کتاب ہو تو یہ بھی مذکور ہو گا کہ متقدمین کی اصطلاح کیا ہے اور متاخرین کی کیا ہے ۔ان شاء اللہ آپ کو سمجھ آ جائے گا ۔
اگر اس جملے کی وجہ سے تو اس میں وضاحت سے ذکر ہے کہ یہ سلسلہ سند سمیت ہے ۔ اس میں مجھے کچھ وضاحت طلب نہیں لگا۔
صحیحین یا کتب ستہ پر تنقید عام لوگوں کی نظر سے نہ گزرتی ہو گی ہماری نظر سے تو ضرور گزرتی ہے بلکہ سلیبس میں شامل ہے ۔ محدثین کے ہاں کتب ستہ کو کبھی بھی تنقید سے بالاتر مقدس صحیفے نہیں مانا گیا ، کون نہیں جانتا کہ یہاں برصغیر میں کتب ستہ کو صحاح ستہ کہہ کر اس کی ہر حدیث کو تنقید سے بالاتر قرار دینے والے بھی تھے ۔ یہ برصغیر کے محدثین کی علمی امانت ہے کہ انہوں نے کتب ستہ کو صحاح نہیں بننے دیا ۔ رہی صحیحین تو ان پر تنقید ہوئی ہے اور مباحثے بھی جو آج تک جاری ہیں ۔ لیکن مجھ جیسی طالبہ علم بھی اس بات سے واقف ہے کہ امام دارقطنی کی تنقید اور احمد سعید ملتانی کی تنقید میں زمین آسمان کا فرق ہے ۔
اگر کسی نے ذاتی احتیاط کی خاطر ایسا کہا ہے تو اس کی اپنی مرضی لیکن محدثین کے ہاں یہ مباحث موجود ہیں اور جیسے میں نے کہا کہ کورس میں شامل ہیں۔ اس لیے میرے لیے یہ کوئی صہیونی پروٹوکولز جیسی پراسرار شے نہیں ہے جس کے متعلق بات کرنا منع ہو۔ البتہ یہ درست ہے کہ اس سطح کا مباحثہ علم حدیث و علوم حدیث کو ایک حد تک جاننے والوں میں ہی ممکن ہے ۔ ظاہر ہے جو ابتدائی باتیں بھی نہ جانتا ہو وہ ائمہ کے فن پر کیا تنقید کرے گا؟ آپ دنیا کے کسی علم کی مثال لے لیں : علم عروض و قوافی سے نابلد انسان سے آپ کسی ماہر شاعر کے کلام پر کیا بحث کریں گے؟ جو عربی کی نحو نہیں سمجھتا اس سے قرآن کی بلاغی باریکیوں پر کیا تبادلہ خیال ہو گا ؟
وہ تو مولانا سعید احمد کے تعارف میں بات آگئی ۔ اب کی حکمت یہیں تک کام کرے تو میں کیا کر سکتا ہوں ۔اگر آپکو موضوع سے وابستگی اتنی ہی عزیز تھی ، تو یہ حیاتی اور مماتی کی غیر متعلقہ پخ کس حکمت کے تحت لگائی
اس قسم کے اندازِ کلام کی اب مزید کوئی گنجائش نہیں۔
طالوت یہ عام طور پر پائی جانے والی ایک اور غلط فہمی ہے کہ صرف اللہ کی کتاب کی حفاظت کا وعدہ کیا گیا ہے ۔ فی الحقیقت یہ وعدہ پوری شریعت اسلامیہ کے لیے ہے ۔
یہ سرخ کردہ جملہ میں نے اپنی پوسٹ کی تدوین میں نکال دیا تھا ، واپس کیسے آیا اور پھر اس پر وارننگ کیسے وارد ہوئی ؟ جو چاہے آپ کا حسن کرشمہ ساز کرے !
تو بسم اللہ کیجئے! ایک "مومن" کو انکار سے بچانے کے لیے اگر کسی "مومنہ" کے پاس کوئی حل موجود ہے تو لایئے