جمال احسانی غزل ۔ اُس کو تو جیت دیکھنا یا ہار دیکھنا ۔ جمال احسانی

[محمداحمد]

غزل​

​

اُس کو تو جیت دیکھنا یا ہار دیکھنا​

مجھ کو مگر لڑائی کا معیار دیکھنا​

​

آوارگی کو چھوڑے زمانہ ہوا مگر​

آیا نہیں ابھی ہمیں گھر بار دیکھنا​

​

خلوت میں آنکھ بھر کے جسے دیکھنا محال​

ہر انجمن میں اس کو لگاتار دیکھنا​

​

لوگوں کو تیرے کوچے کی رونق پہ سوچنا​

ہم کو ترے مکان کی دیوار دیکھنا​

​

حبسِ خیال و فکر کے اس دور میں جمالؔ​

کیا گھر بنایا ہم نے ہوادار دیکھنا​

​

جمال احسانی​

 

[صائمہ شاہ]

خلوت میں آنکھ بھر کے جسے دیکھنا محال
ہر انجمن میں اس کو لگاتار دیکھنا

 

[محمداحمد]

خلوت میں آنکھ بھر کے جسے دیکھنا محال
ہر انجمن میں اس کو لگاتار دیکھنا

غالباً یہ شعر آپ کو پسند آیا ہے۔

 

[صائمہ شاہ]

غالباً یہ شعر آپ کو پسند آیا ہے۔

آپ کو کیسے پتہ چلا ؟؟

 

[محمداحمد]

آپ کو کیسے پتہ چلا ؟؟

پتہ تو نہیں چلا ۔۔۔۔! یونہی اٹکل سے کام چلایا ہے۔