السلام علیکم ! اب آپ شکیل احمد خان سے ایک واقعہ سنیے:
ایک زمانے میں کراچی یونیورسٹی کا ایم بی اے کیمپس یونیورسٹی سے دور شہر کے بیچ یعنی گارڈن میں واقع تھا اب بھی ہوگا ۔ایڈمیشن ٹیسٹ کے لیے جب میں وہاں پہنچاتو گڑبڑا گیا کہ ایگزیکٹ لوکیشن کیا ہے ۔ انتظامیہ نظمِ اوقات کو استوار رکھنے کے معاملے میں اِس قدر سخت ہے کہ پوچھیں مت ۔صبح کے آٹھ بجے گیٹ بند ہوجاتا ہے ۔ایک آدھ منٹ رہ گیا ہوگا میں نے ایک راہ گیر سے پوچھا ایم بی اے کیمپس کہاں ہے ۔ وہ بیچارہ ہکلا نکلا۔میری بات کو دہرایا۔۔۔۔اِاِاِیم۔۔۔۔بب ۔۔بب بی ۔۔۔اِ ے ۔۔۔۔کک ۔۔۔کک کمپس یہ کہہ کے اُس نے اشارہ کیا ۔۔۔۔۔۔۔۔ایم بی اے کیمپس عین پشت پر تھا مگر چوکیدار گیٹ بند کرکے چابیاں لہراتا اپنی کٹیا کو جارہا تھا:
یہ اک شجر کہ جس پہ نہ کانٹا نہ پھول ہے
سائے میں اس کے بیٹھ کے رونا فضول ہے
