یوں

[عیشل]

پھر بو رہا ہوں آج انہیں ساحلوں پہ پھول
پھر جیسے موج میں یہ سمندر نہ آئے گا
یوں پھر رہا ہے کانچ کا پیکر لیئے ہوئے
غافل کو یہ گماں ہے کہ پتھر نہ آئے گا

 

[شمشاد]

اشکِ الفت کا یہ انجام؟ خُدا خیر کرے!
اور وہ بھی یوں سرِ عام؟ خُدا خیر کرے!
(سرور)

 

[عیشل]

یوں کہ عبارت کی زباں اور ہے کوئی
کاغذ میری تقدیر کا سادہ بھی نہیں ہے
کس موڑ پہ لے آیا ہمیں ہجر مسلمل
تا حد ِ نگاہ وصل کا وعدہ بھی نہیں ہے​

 

[شمشاد]

ی۔وں آفتاب چھپا ش۔امِ غ۔م کی چ۔ادر میں
کہ جیسے نبض کوئی ڈوب جائے کیا کہئے
(سرور)

 

[عیشل]

ہوئی مدّت کہ غالب مر گیا پر یاد آتا ہے
وہ ہر ایک بات پر کہنا کہ یوں ہوتا تو کیا ہوتا

 

[شمشاد]

یوں ہو چلا ہوں محرم اسرار زندگی
اب دل کو کوئی کاوش سود و زیاں نہیں
(سرور)

 

[عمر سیف]

یوں تو اے بزمِ جہاں دلکش تھے ہنگامے تیرے
اک ذرا افسردگی تیرے تماشائیوں میں تھی

 

[شمشاد]

بازار وفا یوں ہوا اخلاص سے خالی
اس جنس کا اب کوئی خریدار نہیں ہے
(سرور)

 

[عمر سیف]

ہم اپنے آپ میں‌ یوں گُم ہوئے ہیں مدت سے
ہمیں تو جیسے کسی کا بھی انتظار نہیں
کسی کو ٹوٹ کر چاہیں یا چاہ کر ٹوٹیں
ہمارے پاس تو اتنا بھی اختیار نہیں

 

[شمشاد]

بھولنا مجھ کو ترا یوں تو بجا ہے لیکن
بھول کر یاد اگر آیا تو پھر کیا ہو گا؟
(سرور)

 

[عیشل]

کبھی یوں بھی ہو تیرے روبرو میں نظر ملا کے یہ کہہ سکوں
میری حسرتوں کو شمار کر میری خواہشوں کا حساب دے
یہ جو خواہشوں کا پرند ہے اسے موسموں سے غرض نہیں
یہ اڑے گا اپنی ہی موج میں اسے آب دے کہ سراب دے

 

[عمر سیف]

یوں ترے دھیان سے لرزتا ہوں
جیسے پتے ہوا سے ڈر جائیں

 

[شمشاد]

خدا جانے رہِ الفت میں یوں ہوتا تو کیا ہوتا!
ک۔ہ آنکھیں بند ہوتیں اور تی۔را س۔امنا ہ۔۔وت۔ا
(سرور)

 

[عیشل]

خندہ لب رہتا ہوں یوں سامنے ان کے حاصل
دل میں وہ یہ نہ سمجھ لیں کہ خفا ہوں میں بھی​

 

[شمشاد]

خود آگاہی مجھے یوں راس آئی
خدا سے گفتگو ہے اور میں ہوں
(سرور)

 

[نوید صادق]

ہجر جاں کا زیاں، وصل مرگِ جنوں
جیتے رہنے کا امکان یوں ہے نہ یوں

شاعر: ضیاء جالندھری

 

[شمشاد]

کہتے ہوئے ساقی سے، حیا آتی ہے ورنہ
ہے یوں کہ مجھے ُدردِ تہِ جام بہت ہے
(چچا)

 

[نوید صادق]

زہے کرشمہ کہ یوں دے رکھا ہے ہم کو فریب
کہ بن کہے ہی انہیں سب خبر ہے، کیا کہیے

شاعر: غالب

 

[شمشاد]

یوں بعدِ ضبطِ اشک پھروں گرد یار کے
پانی پیے کسو پہ کوئی جیسے وار کے
(چچا)

 

[ہما]

کبھی یوں بھی تو ہو
دریا کا ساحل ہو
پورے چاند کی رات ہو
اور تُم آؤ

کبھی یوں بھی ہو
پریوں کی محفل ہو
کوئی بات تُمہاری ہو
اور تُم آؤ