"یاد" کے موضوع پر اشعار!

[زیرک]

کیف پردیس میں مت یاد کرو اپنا مکاں
اب کے بارش نے اسے توڑ گرایا ہو گا
کیف بھوپالی​

 

[زیرک]

ہجر کے پیڑ سے جب یاد کا پھل گِرتا ہے
دل میں پھر درد کے انبار سے لگ جاتے ہیں​

 

[زیرک]

کہیں ہے آس کا بادل کہیں یادوں کی بوندیں ہیں
مچلتی خواہشوں کا ہے، یہ موسم بارشوں کا ہے​

 

[زیرک]

آنکھ کے ریگستان کو تیری یاد کا بادل
چھو جائے تو پل میں جل تھل کر دیتا ہے​

 

[زیرک]

بچھڑ کے یاد نہیں کتنے ماہ و سال ہوئے
سیاہ لے کے چلے تھے، سفید بال ہوئے
جون ایلیا​

 

[زیرک]

بوندیں گریں تو آنکھ میں آنسوبھی آ گئے
بارش کا اس کی یاد سے رشتہ ضرور ہے​

 

[رباب واسطی]

ہر لمحہ تیری یاد کی خوشبو ہے میرے پاس
اس شہر میں تنہا ہوں مگر تو ہے میرے پاس

 

[زیرک]

خزاں کے زرد پتوں کا وہ منظر یاد کرتا ہے
اسے کہنا اسے اب بھی دسمبر یاد کرتا ہے​

 

[زیرک]

آفتِ جاں ہوئی اس روئے کتابی کی یاد
راس آیا نہ مجھے حافظِ قرآں ہونا
حیدر علی آتش​

 

[زیرک]

ہم اگر روز بھی اک یاد بھلانے لگ جائیں
تیری یادوں کو بھلانے میں زمانے لگ جائیں
رحمان فارس​

 

[خالق داد]

نہیں آتی تو یاد ان کی مہینوں تک نہیں آتی ؎

مگر جب یاد آتے ہیں تو اکثر یاد آتے ہیں
حسرتؔ

 

[زیرک]

یاد کرنے پہ بھی دوست آئے نہ یاد
دوستوں کے کرم یاد آتے رہے
خمار بارہ بنکوی​

 

[زیرک]

یاد میری سنبھال کر رکھنا
میرا کیا میں رہا رہا نہ رہا
نشاط شہادوی​

 

[زیرک]

پھر اٹھا یاد کے آنگن سے اداسی کا دھواں
کس نے طاقوں میں جلا کر مِری شامیں رکھ دیں
ناظر وحید​

 

[عبدالرحمن آزاد]

کیا ستم ہے کہ اب تری صورت
غور کرنے پہ یاد آتی ہے
جوں ایلیا

 

[عبدالرحمن آزاد]

کیا ستم ہے کہ وہ ظالم بھی ہے محبوب بھی ہے
یاد کرتے نہ بنے اور بھلائی نہ بنے
کلیم عاجز

 

[زیرک]

تھک گیا میں کرتے کرتے یاد تجھ کو
اب تجھے میں یاد آنا چاہتا ہوں
قتیل شفائی​

 

[جاسمن]

تمہاری یاد کے چرکوں سے لخت لخت ہے جی
کہ خنجروں سے کسی نے بدن کو قاشا ہے
عامر سہیل

 

[جاسمن]

رائیگاں ہو رہی تھی تنہائی
تیری یادوں کا کاروبار کیا
یاسمین حمید

 

[جاسمن]

جناب شیخ سے اک بار سامنا ہو جائے
کرے گا یاد کسی سرپھرے سے باتیں کیں
(عدنان محسن)