"یاد" کے موضوع پر اشعار!

[زیرک]

آج جمیل الدین عالی جی کا یومِ وفات ہے، مرحوم کے ایصالِ ثواب کیلئے دعا کیجئے گا۔

عالی تیری یاد رہے اک مدت تک دیوانوں میں
ایسے وحشی کم دیکھے، جو رہ نہ سکے ویرانوں میں​

 

[زیرک]

آج جمیل الدین عالی جی کا یومِ وفات ہے، مرحوم کے ایصالِ ثواب کیلئے دعا کیجئے گا۔

حضور یاد ہے دیدارِ حشر کا وعدە
کہیں وہاں بھی نہ ہم دیکھتے ہی رە جائیں​

 

[زیرک]

آج جمیل الدین عالی جی کا یومِ وفات ہے، مرحوم کے ایصالِ ثواب کیلئے دعا کیجئے گا۔
ایک دوہا

بیتے دنوں کی یاد ہے کیسی ناگن کی پھنکار
پہلا وار ہے زہر بھرا اور دُوجا امرت دھار​

 

[زیرک]

یہی تھا چاند اور اس کو گواہ ٹھہرا کر
ذرا سا یاد تو کر تُو نے کیا کہا تھا مجھے​

آج خوشبو اور نازک احساسات کی ترجمان پروین شاکر کا جنم دن ہے

 

[زیرک]

چھپ کے ملتے ہیں تیری یادوں سے
شب کی تنہائی، چاندنی اور میں
حسن اختر جلیل​

 

[جان]

بد قسمتوں کا یاد نہ کرنے پہ ہے یہ حال
اللہ اگر وہ یاد ہی آئیں تو کیا کریں
اختر شیرانی

 

[جان]

راتوں کے دل میں یاد بسائیں کسی کی ہم
اخترؔ حرم میں وہ نہ بلائیں تو کیا کریں
اختر شیرانی

 

[زیرک]

ياد کرتا ہوں گاؤں کو اپنے
جب ترے شہر سے گزرتا ہوں

 

[زیرک]

میں نے بولا تھا یاد مت آنا
جھوٹ بولا تھا یاد آؤ مجهے

 

[جان]

جنہیں عمر بھر یاد آنا سکھایا
وہ دل سے تری یاد کیونکر بھلا دیں
اختر شیرانی

 

[جان]

چلو بانٹ لیتے ہیں اپنی سزائیں
نہ تم یاد آؤ نہ ہم یاد آئیں
سردار انجم

 

[زیرک]

یاد ہیں سارے چراغاں ناصر
دل کے بجھنے کا سبب یاد نہیں
ناصر کاظمی

 

[زیرک]

آنکھ رو رو کے تری راہ تکا کرتی تھی
دل تری یاد سے مغلوب رہا ہے کچھ دن

 

[زیرک]

نشے سے کم تو نہیں یادِ یار کا عالم
کہ لے اڑا ہے کوئی دوش پر ہوا کے مجھے
احمد فراز

 

[زیرک]

پھر سے تری یادیں میری چوکھٹ پہ کھڑی ہیں
وہی سردی، وہی بارش، وہی دلکش نومبر ہے

 

[زیرک]

پھر اس کی یاد میں دل بے قرار ہے ناصر
بچھڑ کے جس سے ہوئی شہر شہر رسوائی
ناصر کاظمی

 

[زیرک]

بچھڑ کے یاد نہیں کتنے ماہ و سال ہوئے
سیاہ لے کے چلے تھے، سفید بال ہوئے​

 

[زیرک]

سرد ہو سکتی نہیں ساجدؔ کبھی سینے کی آگ
دل جلانے کو ملا ہے، یاد کا ایندھن مجھے
اقبال ساجد

 

[زیرک]

دل پہ تو تِری یاد کے بادل کا ہے سایہ
سر پہ ہے کڑی دھوپ جسے جَھیل رہا ہوں
اشتیاق زین​

 

[زیرک]

تھا اور کون، جہاں بھر میں آشنا اپنا
تجھے بھی یاد نہ کرتے، تو اور کیا کرتے
اشتیاق زین​