"یاد" کے موضوع پر اشعار!

[عیشل]

اجالے اپنی یادوں کے ہمارے ساتھ رہنے دو
نہ جانے کس گلی میں زندگی کی شام ہو جائے

 

[شمشاد]

قریب تھا تو کسے فُرصت محبّت تھی
ہُوا ہے دُور تو اُس کی وفائیں یاد آئیں
(نوشی گیلانی)

 

[نوید صادق]

قریب تھا تو کسے فُرصت محبّت تھی
ہُوا ہے دُور تو اُس کی وفائیں یاد آئیں
(نوشی گیلانی)

شمشاد بھائی!!

لگتا ہے نوشی کا یہ شعر آپ کو کچھ زیادہ ہی پسند آ گیا ہے۔
یہی شعر آپ نے صفحہ 49 پر بھی درج کیا تھا۔۔خیر

یاد کے حوالے سے رام ریاض کا ایک شعر

یادوں کے دریچوں کو ذرا کھول کے دیکھ
ہم لوگ وہی ہیں کہ نہیں ، بول کے دیکھو

شاعر: رام ریاض

 

[شمشاد]

آپ بھی صحیح کہہ رہے ہیں نوید بھائی، وہ واقعی دور ہے یعنی کہ وہ پاکستان میں ہے اور میں یہاں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گھر چھوڑنے لگے تو کوئی یاد آگیا
آنسو نکل پڑے تو کوئی یاد آگیا
(فاخرہ بتول)

 

[نوید صادق]

یاد اتری صفتِ خامہء مانی دل پر
بن گئی پھر وہی تصویر پرانی دل پر

شاعر: خورشید رضوی

 

[شمشاد]

یاد کے دریچوں سے گر ہوا نہیں آتی
حبسِ ہجر میں گُھٹ کر ہم کبھی کے مر جاتے
(ناہید ورک)

 

[عیشل]

عمر ِ رواں کے رخت میں ایسا نہیں کوئی
جو پل تمہاری یاد سے باہر بسر ہوا
امجد اگر وہ دورِ جنوں جا چکا تو پھر
لہجے میں کیوں یہ فرق کسی کے نام پر ہوا

 

[شمشاد]

ہاتھ کی لکیروں سے کس طرح نکالوں میں
تیری یاد کے موسم تیرے نام کی آہٹ
(ناہید ورک)

 

[عیشل]

خیال ِ جوش ِ وحشت کس قدر خود دار ہے ساحر
وہ مجھ کو یاد کرتے ہیں میں ان کو بھول جاتا ہوں

 

[شمشاد]

تری یاد میں رہے دل مرا بے قرار کب تک
مری منزلوں کی رِہ میں تری رِہ گزار کب تک
(ناہید ورک)

 

[عمر سیف]

اب بھی ان یادوں کی خوشبو ذہن میں محفوظ ہے
بار ہا ہم جن سے گلزاروں کو مہکانے گئے

 

[شمشاد]

مجبور ہے دل کتنا ترے ہجر کے ہاتھوں
ڈھونڈھے ہے تری یادوں کے اُس پار کا موسم
(ناہید ورک)

 

[عمر سیف]

یاد ہے میں کیا تھا‘ پر اب جانے کیا ہو گیا
آئینے میں شکل دیکھے زمانہ ہو گیا

 

[شمشاد]

میری سنگت میں گزری ہوئی ساعتیں
تُو کرے یاد شاید گماں کی طرح
(ناہید ورک)

 

[عمر سیف]

آتی رہیں گی یاد میشہ یہ صحبتیں
ڈھوندا کریں گے ہم تجھے فصلِ بہار میں

 

[شمشاد]

شام ہو سویرا ہو، دھوپ ہو اندھیرا ہو
کھائی ہے قسم تیری یاد نے ستانے کی!
(ناہید ورک)

 

[عمر سیف]

ہستی کے مسائل نے تیری یاد بھلا دی
یوں تجھ کو بھلانے کا ارادہ تو نہیں تھا

 

[شمشاد]

چاند گھٹتا ہی گیا جتنا تجھے یاد کیا
درد بڑھتا ہی گیا جتنا تجھے یاد کیا
(فاخرہ بتول)

 

[عمر سیف]

مجھ کو معلوم تھا اک روز چلا جائے گا
وہ میری عمر کو یادوں کے حوالے کر کے

 

[شمشاد]

چبھن یاد کی ہے یہ میری جسے تم
’’ہے کچھ آنکھ میں پڑ گیا‘‘ کہہ رہے ہو
(ناہید ورک)