یاد کی چڑیاں بولتی ہيں۔ صغریٰ صدف

[فرحت کیانی]

یاد کی چڑیاں بولتی ہيں
ہم ہيں چُپ خاموش اُداس

تن من دھن سب ہار دیا
ہاری ناہیں تیری آس

ہم جانیں ہیں دنیا کو
ہم نے کا ٹا ہے بَن باس

جِند نمانی سوکھی ڈال!
پیار تھا تیرا بیل آکاس

بستی میں کیوں آن بسا
بَن بیلے کا خوف ہراس

ہم نہيں آئے تُو آئے
من پاگل میں سو وسواس

ایک حویلی کے باسی !
غالب ،ملٹن، کالی داس

فہمی ،اپنا جیون کیا؟
برف کے نیچے سوکھی گھاس

صغریٰ صدف

 

[محمد وارث]

ایک حویلی کے باسی
غالب، ملٹن، کالی داس

واہ واہ۔

شکریہ فرحت شکیئر کرنے کیلیئے۔

 

[سارہ خان]

بہت اچھا انتخاب فرحت ۔۔ بہت خوب ۔۔

 

[ملائکہ]

واہ بہت اچھا کلام ہے

 

[فرخ منظور]

صغریٰ صدف تو شاید پنجابی میں بھی لکھتی ہیں - بہت شکریہ فرحت اگر یہ پنجابی میں بھی لکھتی ہیں تو ان کا پنجابی کلام بھی پوسٹ کیجیے گا -

 

[مرک]

بہت خوب۔۔۔