ہم کو نسبت نہ دو سمندر سے ۔۔۔۔ اقبال کوثر

[نوید صادق]

غزل

ہم کو نسبت نہ دو سمندر سے
بھائی! ہم ٹوٹتے ہیں اندر سے

کسی مسجد سے اور نہ مندر سے
اس سے رشتے ہیں دل کے اندر سے

جن کے دم سے ہے نامِ عشق بلند
وہ تو کچھ لوگ تھے قلندر سے

سارے ہنگامے اہلِ دل سے ہیں
کچھ ہوا بھی کسی مچھندر سے

کیا قلاباز ہیں سیاست کے
دیکھے کرتب بھی ان کے بندر سے

حجلہء شیخ میں سجی تھی جو
مورتی گم تھی میرے مندر سے

زندہ باہر سے دیکھتے ہو تم
لوگ تو مر رہے ہیں اندر سے

۔۔۔۔۔۔۔۔۔۔۔۔۔۔۔۔۔۔۔۔
شاعر: اقبال کوثر
۔۔۔۔۔۔۔۔۔۔۔۔۔۔۔
شکریہ: ماہنامہ بیاض، مارچ 2009ء

 

[فاتح]

خوبصورت انتخاب ہے جناب۔ خصوصاً درج ذیل اشعار تو کمال ہیں:

جن کے دم سے ہے نامِ عشق بلند
وہ تو کچھ لوگ تھے قلندر سے

زندہ باہر سے دیکھتے ہو تم
لوگ تو مر رہے ہیں اندر سے​

 

[محمد وارث]

واہ واہ واہ کیا خوبصورت غزل ہے، کیا لاجواب اشعار ہیں، بہت خوب!

 

[شاہ حسین]

بہت خوب جناب