حسرت موہانی ::::::ہم بندگانِ درد پہ مشقِ جَفا ہے کیا :::::Hasrat -Mohani

طارق شاہ

محفلین

غزل
مولانا حسرتؔ موہانی
ہم بندگانِ درد پہ مشقِ جَفا ہے کیا
دِل جوئیِ وُفا کا یہی مُقتضا ہے کیا

محرُومیوں نے گھیر لِیا ہے خیال کو
اے عشقِ یار! تیری یہی اِنتہا ہے کیا

شوقِ لقائے یار کہاں ، میں حَزیں کہاں
اے جانِ بےقرار ! تجھے یہ ہُوا ہے کیا

ہو جائے گی کبھی نہ کبھی جان نذرِ یار
بیمارِ عِشق ہم ہیں، ہماری شفا ہے کیا

لاکھوں کو جِس نے صبر سے بیگانہ کردِیا
کیا کہیے، آہ! وہ نِگہِ آشنا ہے کیا

گروِیدہ اِس قدر ہے جو محرُومِیوں سے دِل
اے دردِ یار! تیری اِسی میں بقا ہے کیا

سودائے عِشق یارِ ملامت کی جا نہیں!
حسرتؔ کو، پِیرِ عقل یہ سمجھا رہا ہےکیا

حسرتؔ موہانی

 
Top