الوداعی تقریب ہمارے محفلین کی آخری خواہش

[اے خان]

ہم نے مانا کہ تغافل نہ کرو گے لیکن خاک ہو جائیں گے ہم تم کو خبر ہونے تک

 

[اے خان]

خبر کر دیں جنہیں کر سکیں اور اپنی آخری خواہش بھی ریکارڈ کرائیں!

آخری دن کب ہے محفل کا؟

 

[مریم افتخار]

آخری دن کب ہے محفل کا؟

جولائی کے اختتام تک زندہ ہے غالبا۔ اس کے بعد عالم برزخ میں چلی جائے گی۔

 

[اے خان]

جولائی کے اختتام تک زندہ ہے غالبا۔ اس کے بعد عالم برزخ میں چلی جائے گی۔

کافی وقت ہے پھر تو ،دل کو بے وجہ تکلیف دی

 

[مریم افتخار]

کافی وقت ہے پھر تو ،دل کو بے وجہ تکلیف دی

جب کسی کا جانا طےہو جائے تو دل کی تکلیف بے وجہ تو نہیں ہوتی!

 

[ظفری]

میری آخری خواہش کا ابھی وقت نہیں آیا مگر محفل کے حوالے سے میری خواہش ہے کہ نبیل بھائی کو ایک خواب آئے ۔ اس خواب میں وہ دیکھیں کہ اللہ روزِ حشر ان سے استفار کررہا ہے کہ اردو محفل صدقہ جاریہ تھی۔ اسے بند کیوں کیا ۔

 

[مریم افتخار]

میری خواہش ہے کہ نبیل بھائی کو ایک خواب آئے ۔ اس خواب میں وہ دیکھیں کہ اللہ روزِ حشر ان سے استفار کررہا ہے کہ اردو محفل صدقہ جاریہ تھی۔ اسے بند کیوں کیا ۔

گل ودھ کے خواب اور روز محشر تک اپڑ گئی اے!👩‍🦯😅

 

[اے خان]

جب کسی کا جانا طےہو جائے تو دل کی تکلیف بے وجہ تو نہیں ہوتی!

 

[مریم افتخار]

آنسو پونچھ لیں کیونکہ ہم آنسہ اردو محفل کی رخصتی کو چڑیوں کے چنبے کی طرح یادگار بنانے والے ہیں!

سرگوشی

جیسے پنجابی ٹپے ہوتے ہیں ایسے پشتو کے لوک گیتوں کو کیا کہتے ہیں؟ ایسا کوئی مقابلہ شروع کریں اگر آپ اب ریگولرلی آیا کریں گے تو!

 

[اے خان]

آنسو پونچھ لیں کیونکہ ہم محفل کی رخصتی کو چڑیوں کے چنبے کی طرح یادگار بنانے والے ہیں!

ایسا ہی ہو گا

 

[مریم افتخار]

ایسا ہی ہو گا

سرگوشی دیکھ لیں تاکہ اس رخصتی پر کوئی لوک گیتوں کا فنکشن رہ نہ جائے!

 

[یاز]

گل ودھ کے خواب اور روز محشر تک اپڑ گئی اے!👩‍🦯😅

غنیمت جانیں کہ بھائی نے ابھی یہ نہیں فرما دیا کہ ایک دن محفل اس بات کا بھی حساب مانگے گی کہ "مجھے کیوں نکالا"

 

[عبداللہ محمد]

اچھا ہوں، اللہ کا فضل ہے، اب تو دو بچے ہیں الحمدللہ

تے ہن آرام جے یا ہلے وی کیڑا باقی اے؟

 

[یاز]

تے ہن آرام جے یا ہلے وی کیڑا باقی اے؟

جواب کے لئے تین چار آپشن بھی تو دیں۔ جیسے،
-- ابھی تو پارٹی شروع ہوئی ہے
-- ہمارے دل سے مت کھیلو، کھلونا ٹوٹ جائے گا
-- بلبل کو باغبان نہ صیاد سے گلہ
-- none of the above

 

[عبداللہ محمد]

جواب کے لئے تین چار آپشن بھی تو دیں۔ جیسے،
-- ابھی تو پارٹی شروع ہوئی ہے
-- ہمارے دل سے مت کھیلو، کھلونا ٹوٹ جائے گا
-- بلبل کو باغبان نہ صیاد سے گلہ
-- none of the above

5th: a,b,c all three are true

 

[سعادت]

میری خواہش ہے کہ محفل کی رحلت سے پہلے اردو لائبریری پروجیکٹ کے تحت کیے جانے والے کام کا مکمل اِنڈیکس (index) مرتّب کیا جائے، تاکہ سند رہے اور بوقتِ ضرورت کام آئے۔

 

[جاسمن]

مجھے کبھی کبھی علی وقار صاحب پہ فرقان بھائی ہونے کا گمان ہوتا ہے۔ عین ممکن ہے کہ یہ محض گمان ہی ہو، شاید یہ اس وجہ سے بھی ہے کہ مجھے فرقان بھائی بہت پسند تھے۔ اِن کے اور اُن کے طرزِ تحریر میں میرے مشاہدے میں کافی مماثلت پائی جاتی ہے۔

اچھا!!!
یہ تو انکشاف ہے۔
انکشافات کی نئی لڑی منتظمین کی نظروں سے بچ بچا کے کھول ہی لی جائے۔
میرے سمیت بہت سے محفلین کو فرقان بھائی بہت پسند ہیں اور علمی وقار بھی۔

 

[جاسمن]

سارے معطل محفلین عارف کریم آواز دوست......

آواز دوست۔ بالکل۔ بہت اچھے محفلین تھے۔ ان سے بہت کچھ سیکھنے کو ملا۔

 

[جاسمن]

اک ہور ویاہ کھڑکا لیا جے؟

ماشاءاللہ۔ عبداللہ محمد کی حاضر جوابی پہ رشک آتا ہے۔ بہت ذہین، حاضر جواب اور پیارے دل کا مالک۔ سدا شاد و آباد رہے۔ آمین!

 

[خورشیداحمدخورشید]

محفل کو لانچ کرنے والوں کا نقطہ نظر شاید یہ تھا کہ جدید دنیا سےاردو کو ہم آہنگ کرنے کے لیے سافٹ وئیر ٹولز بنائے جائیں یا ایکسپلور کیے جائیں اور اردو سے محبت رکھنے والوں کو ان سےمتعارف کرایا جائے۔ شاید وہ سمجھتے ہیں کہ ان کا مقصد پورا ہوچکا ہے اس لیے اب محفل کی ضرورت نہیں رہی۔میرا خیال ہے کہ ایسا نہیں ہے۔ جدید دنیامیں ہر نیادن ایک نئی جہت کےساتھ طلوع ہو رہا ہے۔اور مستقبل اپنے ساتھ کیا کیا چیلنجز لے کر آتا ہے اس کا آج اندازہ کرنا بہت مشکل ہے۔ ہر آنے والے دن میں نئی ٹیکنالوجی کے ساتھ اردو اور اردو بولنے والوں کو ہم آہنگ کرنا اس کی ضرورت آنے والے وقت میں بھی رہے گی۔
یہ تو تھا محفل کو وجود میں لانے والوں کا نقطہ نظر لیکن محفلین اردو محفل کے حوالے سےاور بھی بہت کچھ سوچتے ہیں :
1- محفل موجودہ افراتفری کے دور میں ایک سنجیدہ پلیٹ فارم ہے جہاں گلوب کے مختلف حصوں میں رہنے والوں کو اردو کے حوالے سے ایک دوسرے سے ملنے کا موقع ملتا ہے۔مختلف موضوعات پر بات چیت ہوتی ہے ۔مثبت بحث و مباحثہ ہوتا ہے۔ ایک دوسرے کا نقطہ نظر سمجھنے کا موقع ملتا ہے۔
2-محفل اردو سے محبت رکھنے والے طالب علموں کے لیے درس گاہ ہے جہاں نثر نگاری اور شعروشاعری پر اساتذہ کرام دستیاب ہوتے ہیں اور اردو کے نام پر فی سبیل اللہ راہنمائی کرتے ہیں۔
3-غرض کہ نیٹ پر دستیاب دوسرے بہت سے پلیٹ فارمز سے اکتا کر اردو سے محبت کرنے والوں کے لیے ایک گوشہ عافیت و سکون کا نام محفل ہے۔
اس لیے منتظمین سے گذارش ہے کہ اسے بند کرنے کا حتمی فیصلی لینے سے پہلے ایک دفعہ نظر ثانی ضرور کریں۔
مختلف لڑیوں میں محفلین کی طرف سے دی گئی تجاویز محفل کو چلانے میں معاون ثابت ہو سکتی ہیں۔

اگر واقعی محفل بند ہونے جارہی ہے۔ تو بند ہونے سے پہلے کچھ ہستیوں کا تہہ دل سے شکریہ مجھ پر واجب ہے۔ میں نےشاعری کے حوالے سے محفل کے اساتذہ سے بہت زیادہ استفادہ کیا ہے۔ میں جب شاعری پوسٹ کرتا تھا تو شروع میں یہ درج کرتا تھا

محترم اساتذہ کرام سے اصلاح کی درخواست ہے-
الف عین ، ظہیراحمدظہیر ، سید عاطف علی ، محمد احسن سمیع راحلؔ ، یاسر شاہ

میں ان تمام اساتذہ کا خاص طور پر جناب @الف عین صاحب کا دل کی گہرائیوں سے شکریہ ادا کرنا چاہتا ہوں۔ میرے جہالت پر مبنی سوالوں کا انہوں نے ہمیشہ شفقت سے جواب دیا اور میری راہنمائی کرتے رہے۔

محفل کے حوالے سے یہی میری آخری خواہش ہے۔