ہر گزرتا دن یہ پیغام دے گیا.............!!

[قرۃالعین اعوان]

بہت اچھا دھاگہ ہے سس، وقت نکال کر پورا دھاگہ پڑھتی ہوں۔

شکریہ سس!

 

[قرۃالعین اعوان]

بہت سے لوگ ہمارے آس پاس ایسے بکھرے ہوتے ہیں جن کی زندگی میں کوئی رنگ نہیں ہوتا انہیں اپنے رنگوں میں حصہ دار بنانے سے زندگی رنگارنگ بن جاتی ہے۔
21-10-2012

 

[قرۃالعین اعوان]

اپنی غلطی چھپانے کے لیئے طرح طرح کے حیلے بہانے کرتے ہوئے ہم ایک بات ہمیشہ فراموش کر دیتے ہیں کہ یہ حیلے بہانے دراصل ایک اور غلطی کرنے کے مترادف ہیں
ڈٹ کر اپنی غلطی کا اعتراف کر لینا ہمیشہ ہمیشہ کے لیئے اس غلطی کو ختم کردیتا ہے۔
لیکن ڈٹ کر اعتراف کرنے سے میری مراد ڈھٹائی ہرگز نہیں ہے
23-10-2012

 

[قرۃالعین اعوان]

نیت ول مراد۔۔۔۔۔!!
25-10-2012

 

[قرۃالعین اعوان]

اس دنیا میں انسان کا بدل کچھ نہیں اسے ہے سے تھے ہونے میں اک لمحہ لگتا ہے
احساسات،جذبات، بہت قیمتی ہوتے ہیں
اہم ہمیشہ رشتے اہم رہنے چاہئیں۔۔!
25-10-2012

 

[قرۃالعین اعوان]

دعائے نیم شب میں جو حلاوت محسوس ہو سکتی ہے وہ کسی اور وقت نہیں نا جانے وہ کیسا فسوں ہوتا ہے
میں ہی میں اور وہ ہی وہ۔۔۔!
26-10-2012

 

[قرۃالعین اعوان]

کر بھلا ہو بھلا۔۔۔!
کر برا ہو برا۔۔۔!
26-10-2012

 

[قرۃالعین اعوان]

باہر کے اجالے جب ماند دکھائی دینے لگیں تو اندر تلاشی ضرور لینی چاہیئے ۔
26-12-2012

 

[قرۃالعین اعوان]

کسی اپنے کے درد کی شکایت کسی غیر سے کرنا گویا مان چکنا چور کرنا ہے اور مان کی حفاظت کرنا بھی کیسا مشکل ہے
اللہ کی بھیجی ہوئی آزمائشوں کا اظہار دوسروں کے سامنے بطورِ شکایت کے کرنا ایسا ہی ہے جیسے اپنے کو اک دم پرایا بنا دینا
26-10-2012

 

[عسکری]

ایک ساتھ چھٹیاں ہو جائیں 3-4 تو کام کرنے والا بندہ بور فیل کرنے لگتا ہے

 

[قرۃالعین اعوان]

نظر کا زاویہ درست ہوجائے تو زندگی سے زیادہ کچھ سہل نہیں لگتا۔۔۔۔۔!
نظر ہی ٹیڑھی ہو تو راستوں کے الٹ پھیر کی کیا شکایت کرنا۔
26-10-2012

 

[قرۃالعین اعوان]

اللہ کی محبت میں جو مٹھاس جو حلاوت ہے اس کا کوئی مول نہیں
آنکھیں چمکتی ہیں
درد مسکراتے ہیں
روح چہچہاتی ہے
سرور کم ہی نہیں ہوتا
یہ دل مانگے ہی چلا جاتا ہے
26-10-2012

 

[قرۃالعین اعوان]

ہم اپنے پیاروں کے ساتھ بیتے لمحوں سے ہزاروں مسکراہٹیں اور خوشیاں کشید کرتے ہیں​

30-10-2012​

 

[مدیحہ گیلانی]

انسانی زندگی ایک ٹھوس حقیقت ہے لیکن اس سے کہیں زیادہ ٹھوس اور ناقابل تردید حقیقت موت کا وہ لمحہ ہے جس سے آدمی طوعاً و کرہاً گزرتا ہے۔
آج ایک بہت ہی خوفناک حادثہ اپنی آنکھوں کے سامنے ہوتے دیکھا ۔۔۔۔۔بس تب سے طبعیت بوجھل ہے۔۔۔۔۔۔ !

 

[قرۃالعین اعوان]

انسانی زندگی ایک ٹھوس حقیقت ہے لیکن اس سے کہیں زیادہ ٹھوس اور ناقابل تردید حقیقت موت کا وہ لمحہ ہے جس سے آدمی طوعاً و کرہاً گزرتا ہے۔
آج ایک بہت ہی خوفناک حادثہ اپنی آنکھوں کے سامنے ہوتے دیکھا ۔۔۔ ۔۔بس تب سے طبعیت بوجھل ہے۔۔۔ ۔۔۔ !

کیا آپ وہ واقعہ شئیر کرنا پسند کریں گی؟

 

[مدیحہ گیلانی]

کیا آپ وہ واقعہ شئیر کرنا پسند کریں گی؟

ٹریفک حادثہ جس میں 25 قیمتی جانیں ضایع ہو گیں۔۔۔۔ ہماری گاڑی ذرا ہی پیچھے تھی ۔۔۔۔ بس اللہ معاف کریں ۔ایسی حادثاتی موت سے سب کو محفوظ فرمایں۔آمین

 

[قرۃالعین اعوان]

ٹریفک حادثہ جس میں 25 قیمتی جانیں ضایع ہو گیں۔۔۔ ۔ ہماری گاڑی ذرا ہی پیچھے تھی ۔۔۔ ۔ بس اللہ معاف کریں ۔ایسی حادثاتی موت سے سب کو محفوظ فرمایں۔آمین

اللہ تعالی ناگہانی آفات سے محفوظ فرمائیں
آمین
واقعی زندگی پانی کا بلبلہ ہے

 

[قرۃالعین اعوان]

انسانوں کے دیئے گئے تمغوں کا کوئی اعتبار نہیں اس لیئے ان کی نظر میں معتبر ہونے کے لیئے اتنی محنت کرنے کے بجائے اللہ کی نظر میں معتبر ہونے کے لیئے محنت اور توجہ کرنی چاہیئے۔
2012۔10۔31

 

[قرۃالعین اعوان]

بات اور الجھے گی کاوشِ وضاحت میں
2-11-2012

 

[مدیحہ گیلانی]

زندگی یادوں کی مکڑی کے جالوں کے سوا کیا ہے۔۔۔
جس میں پھنسے ہم سب پھڑپھڑا رہے ہیں
لیکن اس جال کی لیسدار رطوبت کے لطف میں غرق بھی ہیں۔۔۔۔ ہمارے پر مکڑی کھا چکی ہے۔۔
اور اب اس جال سے کسی طور باہر نکل بھی گئے تو پرواز کے قابل نہ ہونے کے باعث زمین پر گر پڑیں گے اور کسی کے قدموں تلے کچلے جائیں گے
یا کسی اور حشرے کی خوراک بن جائیں گے ۔