ہر چند بستہ چشم رہا بستہ لب رہا - عبدالعزیز فطرت

[کاشفی]

غزل​

(عبدالعزیز فطرت)​

​

ہر چند بستہ چشم رہا بستہ لب رہا​

میں مدتوں نشانہء تیرِ غضب رہا​

​

غیروں پہ لطف کا بھی بتایا گیا جواز​

مجھ پر ترا ستم بھی مگر بے سبب رہا​

​

تونے جو کچھ دیا وہ دیا لطفِ خاص سے​

پابندِ آستیں مِرا دستِ طلب رہا​

​

اس بزم میں‌نگاہ پہ قابو نہ رکھ سکا​

ہاں مجھ کو اعتراف ہے میں‌بے ادب رہا​

​

سو بار تیرے غم نے دکھائی رہِ فنا​

سو بار تیری یاد میں مَیں جاں بلب رہا​

​

دل کی فسردگی نے یہ مجھ پر ستم کیا​

میں وقفِ انتظارِ اجل روز و شب رہا​

​

فطرت رموز شوق نہ کہہ گریہ کوش رہ​

"سب(1) کچھ کہا اُسی نے جو یاں بستہ لب رہا"​

(1) - شاد عظیم آبادی​

 

[فرخ منظور]

بہت عمدہ انتخاب ہے کاشفی صاحب۔ مقطع کا مصرع اول دیکھیے گا اس میں کچھ گڑبڑ لگ رہی ہے۔

 

[کاشفی]

بہت عمدہ انتخاب ہے کاشفی صاحب۔ مقطع کا مصرع اول دیکھیے گا اس میں کچھ گڑبڑ لگ رہی ہے۔

شکریہ سخنور صاحب۔۔۔

میرے پاس ایسے ہی لکھا ہوا ہے۔۔آپ تصحیح کردیں اگر کچھ گڑ بڑ ہے تو ۔۔آپ مجھ سے بہتر جانتے ہیں۔۔

 

[خوشی]

بہت خوب کاشفی جی بہت عمدہ

 

[کاشفی]

بہت خوب کاشفی جی بہت عمدہ

شکریہ خوشی جی۔۔بیحد شکریہ۔۔خوش رہیں۔۔

 

[کاشفی]

شکریہ امبرین صاحبہ! اور پیاسا صحرا صاحب!

 

[فاتح]

واہ خوبصورت انتخاب ہے۔ کیا کہنے

 

[محمد وارث]

شکریہ کاشفی صاحب خوبصورت غزل پوسٹ کرنے کیلیے۔

 

[کاشفی]

واہ خوبصورت انتخاب ہے۔ کیا کہنے

شکریہ فاتح الدین بشیر صاحب!

 

[کاشفی]

شکریہ کاشفی صاحب خوبصورت غزل پوسٹ کرنے کیلیے۔

شکریہ محمد وارث صاحب!