گھر کا نقشہ کیسا ہو؟

آوازِ دوست

محفلین
تجاویز تو اتنی زبردست آ چکیں کہ مجھے کچھ کہنے کی ضرورت محسوس نہیں ہوتی۔ بس جاسمن صاحب کی تجاویز پڑھتے پڑھتے ایک خیال آیا کہ فرشوں کے لیولز کے بارے میں کوئی بات نہیں ہوئی کہ دھونے کے لئے لیول کیسا ہونا چاہیے؟ بالکل ایک دو انچ یا زیادہ۔ ویسے میں کچھ زیادہ کے حق میں ہوں تاکہ بعد میں فرش جلد خشک ہو سکے۔ پھر بارش کا پانی کہاں کہاں سے گھر کے اندر آئے گا اور کس ٹریک سے گزرے گا؟ باتھ رومز اور کمروں کے لیول کا فرق کتنا ہوگا۔ کچن کتنا اونچا یا نیچا ہوگا؟
جو چیز جس پر دس مرلے تک کے گھروں ہم کبھی بھی عمل کرنے کی کوشش نہیں کرتے وہ گورنمنٹ کے قوانین ہیں۔ آپ کے علاقے میں سامنے سے کتنے فٹ رقبے پر بلڈنگ نہیں بن سکتی۔ یعنی سامنے سے کتنا کھلا چھوڑنا ہے یا کل کتنا رقبہ کھلا چھوڑنا ہے؟ اس لیے اس پر تو کوئی رائے نہیں دینی چاہیے۔
لیکن آپ کی دو سائیڈز پر گھر بننے ہیں یا بن چکے ہیں ان کے فرش کس لیول پر ہیں؟ آپ ان کے ساتھ مشترکہ دیواریں بنائیں گے۔ یا اپنی علیحدہ بنائیں گے۔ ان کے گھروں کی نمی اپنے گھر میں آنے سے کیسے روکیں گے؟
محمد صابر صاحب شاملِ گفتگو ہونے کا شکریہ. میری معلومات کے مطابق سوائے باتھ رومز کچن, گیراج, لانڈری ایریا اور اوپن پیسجز کے تمام فرشوں کو زیرو لیول پر رکھا جاتا ہے. کبھی کمرے یا لاؤنج کے فرش کو دھونے کی ضرورت پیش آئے تو وائیپر سے پانی باہر نکالا جاتا ہے. دیواریں تمام کی تمام اپنی ہونی چاہییں خواہ ساتھ میں ہمسایہ کی دیوار موجود ہو. اپنی دیوار بناتے وقت اگر درمیان میں چھتوں پر ڈالنے والی پلاسٹک شیٹ استعمال کی جائے تو دونوں گھر ایک دوسرے کی نمی سے متاثر نہیں ہوں گے. مجھے ایک کام کی بات یہ بھی پتا چلی ہے کہ فرشوں کے لیول سے ڈی پی سی کا لیول اونچا ہونا چاہیے تاکہ فرشوں کی نمی دیواروں کو خراب نہ کر سکے. اگر کمروں کے فرش ڈھلوان ہوں گے تو دروازوں کے نیچے جھری پرابلم پیدا کرے گی. دروازہ پورا نہیں کھُلے گا یا زیادہ بڑی جھری بُری لگے گی. بارش کا پانی لانڈری ایریا اور دیگر چھوڑے گئے دو عدد اوپن پیسجز سے گھر میں آئے گا اور وہیں سیوریج میں شامل ہو کر نکل جائے گا. فرشوں کا لیول روڈ لیول سے کوئی اڑھائی سے تین فٹ اوپر ہوگا.
 
آخری تدوین:

squarened

معطل
صابر صاحب سورج گھر کے فرنٹ سے اُبھرتا ہے کہ یہ مشرق ہے پھر سائیڈ روڈ سے ہوتا ہوا پُشت پر غروب ہو جاتا ہے۔
مطلب ایسٹ اوپن مکان ہے، یہاں قبلہ مغرب کی طرف ہوتا ہے۔ اس حساب سے ڈبلیو سی کی سمت غلط نہیں ہے؟اسے شمالا ،جنوبا ہونا چاہیے
 

آوازِ دوست

محفلین
مطلب ایسٹ اوپن مکان ہے، یہاں قبلہ مغرب کی طرف ہوتا ہے۔ اس حساب سے ڈبلیو سی کی سمت غلط نہیں ہے؟اسے شمالا ،جنوبا ہونا چاہیے
جی آپ نے درست فرمایا احترام قبلہ کے پیشِ نظر اس بات کا خاص خیال رکھا جاتا ہے اور یہاں بھی یہ اہتمام کیا جائے گا۔
 

آوازِ دوست

محفلین
جی آپ نے درست فرمایا احترام قبلہ کے پیشِ نظر اس بات کا خاص خیال رکھا جاتا ہے اور یہاں بھی یہ اہتمام کیا جائے گا۔ ویسے قریب موجود مسجد میں محراب کی سمت مغرب سے پندرہ ڈگری بائیں طرف ہے۔ میری ذاتی سوچ کے مطابق تو اس صورتِ حال میں مغرب کی گنجائش نکل بھی سکتی ہے لیکن شائد بحیثیتِ مجموعی مغرب کو احتراما" قبلہ کی سمت قرار دیا جاتا ہے اور ایسا کرنا قابلِ تعریف نہ ہوگا۔
 

squarened

معطل
جی آپ نے درست فرمایا احترام قبلہ کے پیشِ نظر اس بات کا خاص خیال رکھا جاتا ہے اور یہاں بھی یہ اہتمام کیا جائے گا۔
اس کا حکم باقاعدہ حدیث میں موجود ہے
حضرت ابو ایوب انصاری رضی اللہ عنہ فرماتے ہیں کہ جنابِ رسول اللہ صلی الله علیہ وسلم نے ارشاد فرمایا کہ جب تم میں سے کوئی پیشاب کرنے کے لیے آئے تو قبلے کی طرف نہ چہرہ کرے اور نہ ہی پشت کرے۔

ویسے قریب موجود مسجد میں محراب کی سمت مغرب سے پندرہ ڈگری بائیں طرف ہے۔ میری ذاتی سوچ کے مطابق تو اس صورتِ حال میں مغرب کی گنجائش نکل بھی سکتی ہے لیکن شائد بحیثیتِ مجموعی مغرب کو احتراما" قبلہ کی سمت قرار دیا جاتا ہے اور ایسا کرنا قابلِ تعریف نہ ہوگا۔

علماء کرام احتیاطا ٤٥ ڈگری انحراف کا حکم بتاتے ہیں، پھر بھی آپ کہیں سے پوچھ لیں۔اصولا تو ٤ افراد کے گھر میں ٤ ایل-ای.ڈی کی پوزیشنز کا خیال رکھنے والے ماہر آرکٹیکٹ کو اس کا خیال رکھنا چاہیے
 

آوازِ دوست

محفلین
احباب سے گذارش ہے کہ بُنیادوں کی بہتر تعمیر کے حوالے سے اپنے علم و تجربہ سے مستفید فرمائیں۔ بالخصوص دیواروں کو سیم یا زیرِ زمین نمی سے محفوظ رکھنے کے لیے جو بھی تجاویز میسر ہوں براہِ کرم مہیا کی جائیں۔
 

squarened

معطل
احباب سے گذارش ہے کہ بُنیادوں کی بہتر تعمیر کے حوالے سے اپنے علم و تجربہ سے مستفید فرمائیں۔ بالخصوص دیواروں کو سیم یا زیرِ زمین نمی سے محفوظ رکھنے کے لیے جو بھی تجاویز میسر ہوں براہِ کرم مہیا کی جائیں۔
یہ ایک مفید لڑی ہے گھر بنانے سے متعلق
https://www.zameen.com/forum/discus...ials/house_construction_for_dummies-7525.html
 

جاسمن

مدیر
آپ نے خود ہی بتایا ہے کہ دیواروں کو نمی سے بچانے کے لئے پلاسٹک شیٹ استعمال کرنی ہے۔اور دیواریں ذاتی ہوں گی۔
دیمک سے بچاوءکے لئے تو پورا ٹریٹمنٹ ہوتا ہے۔
 

آوازِ دوست

محفلین
آپ نے خود ہی بتایا ہے کہ دیواروں کو نمی سے بچانے کے لئے پلاسٹک شیٹ استعمال کرنی ہے۔اور دیواریں ذاتی ہوں گی۔
دیمک سے بچاوءکے لئے تو پورا ٹریٹمنٹ ہوتا ہے۔
جی حاصل معلومات کے مطابق دیمک کی طرح نمی کی کیمیکل ٹریٹمنٹ بھی کی جاتی ہے۔ پلستر، تارکول کا استعمال، ڈبل ڈی پی سی ،ورٹیکل ڈی پی سی، پلاسٹک شیٹ اور ماربل لئیر سے بھی روک تھام کی جاتی ہے۔ بس بہتر موثر اور کم خرچ آپشن تلاش کرنے ہیں۔
 
آخری تدوین:
Top