گھر سے نکلے تھے حوصلہ کرکے

[ظفری]

گھر سے نکلے تھے حوصلہ کرکے
لوٹ آئے ، خدا خدا کرکے

دردِ دل پاؤگے وفا کرکے
ہم نے دیکھا ہے تجربہ کرکے

زندگی تو کبھی نہیں آئی
موت آئی ذرا ذرا کر کے

لوگ سنتے رہے دماغ کی بات
ہم چلے دل کو رہنما کرکے

کس نے پایا سکون دنیا میں
زندگانی کا سامنا کرکے ​

 

[زونی]

کس نے پایا سکون دنیا میں
زندگانی کا سامنا کرکے


بہت خوب ظفری بھائی ،ویری نائس۔

 

[شمشاد]

بہت اچھی غزل ہے۔

بس ذرا دوسرے شعر کے دوسرے مصرعے میں پہلے حرف ' ہم' کے بعد ' نے ' کا اضافہ کر لیں جو کہ آپ لنچ پر جانے سے پہلے ہی کھا گئے ہیں۔

 

[محمد وارث]

گھر سے نکلے تھے حوصلہ کرکے

لوٹ آئے ، خدا خدا کرکے ​

زندگی تو کبھی نہیں آئی
موت آئی ذرا ذرا کر کے ​

بہت خوب، لا جواب

 

[محسن حجازی]

درد دل پاؤ گے وفا کر کے۔۔۔۔
ہم نے دیکھا ہے تجربہ کر کے۔۔۔

واہ۔۔۔ یہ بھی جگجیت نے بہت عمدہ گائی ہے۔

جب کسی سے کوئی گلہ رکھنا
سامنے اپنے آئینہ رکھنا۔۔۔۔

مسجدیں ہیں نمازیوں کے لیے۔۔۔
تم اپنے گھر میں خدا رکھنا۔۔۔

 

[تلمیذ]

لوگ سنتے رہے دماغ کی بات
ہم چلے دل کو رہنما کرکے

نہایت عمدہ شعر ہے اور اہلِ دل کی ترجمانی کرتا ہے۔

 

[شمشاد]

کیا بات ہے داد وصول کرنے آئے ہی نہیں۔

 

[عمار ابن ضیا]

بہت عمدہ غزل ہے۔۔۔۔ جگجیت سنگھ نے گائی بھی بہت عمدہ ہے۔۔۔۔۔۔۔۔۔۔!

 

[ظفری]

کیا بات ہے داد وصول کرنے آئے ہی نہیں۔

شمشاد بھائی ۔۔۔ اس غزل کو پوسٹ کرنے کے بعد میں محفل پر کل پھر واپس نہیں آسکا تھا ۔ اس لیئے داد کل نہیں سمٹ سکا ۔
بہرحال آج میں داد سمیٹے ہوئے بالترتیب زونی ، وارث بھائی ، محسن بھائی ، تلمیذ صاحب اور راہبر کا شکریہ ادا کرنے کے ساتھ میں آپ کا بھی بہت ممنون ہوں کہ آپ نے داد کے علاوہ میری غلطی کی طرف بھی توجہ مبذول کروائی ۔