گاجر کے فوائد

[عندلیب]

گاجر کے فوائد

ماہرین نے کئی سال کی تحقیق کے بعد اس بات کا دعویٰ کیا ہے کہ گاجر کا استعمال نہ صرف کینسر کی گھٹلیاں بننے کے عمل کو روکتا ہے بلکہ اس کا مسلسل استعمال سرطان کے موذی مرض پر قابو پانے میں بھی ممدومعاون ثابت ہوا ہے ۔
گاجر کے جوس میں وٹامن "اے " کا بہت بڑا ذخیرہ موجود ہوتا ہے ۔ جو نہ صرف پیٹ کے کیڑے ختم کرنے کے لئے مفید ہوتا ہے بلکہ اس کے استعمال سے استسقاء کے مرض سے بھی چھٹکارا مل جاتا ہے ۔

 

[ابن سعید]

اپیا آپ غائب کہاں ہو جاتی ہیں وہ بھی بغیر اطلاع دیئے؟

 

[شمشاد]

بہت شکریہ عندلیب شریک محفل کرنے کا۔

کہنے والے کہتے ہیں کہ گاجر غریب آدمی کے سیب جتنے فوائد والی سبزی ہے۔

یہاں تو گاجر ویسے بھی بہت سستی مل جاتی ہے۔

مجھے یہ معلوم کرنا ہے کہ گاجر کچی، پکی ہوئی یا اس کا جُوس نکال کر پینا ذیابیطس کے مریضوں کے لیے کیسا ہے؟

 

[mfdarvesh]

آج کل تو پیلے والی گاجر ملتی لال گاجر تو سیزن ختم ہے۔ یہ بھی مفید ہے؟

 

[محمد وارث]

مجھے یہ معلوم کرنا ہے کہ گاجر کچی، پکی ہوئی یا اس کا جُوس نکال کر پینا ذیابیطس کے مریضوں کے لیے کیسا ہے؟

شمشاد بھائی، ذیابیطس کے مرٰیضوں کو عام طور پر کسی بھی قسم کے جوس پینے سے منع کیا جاتا ہے کیونکہ جوس نکلانے میں پھلوں کی اچھی خاصی تعداد استعمال ہوتی ہے، لیکن سوائے آم، انگور، کیلا اور کجھور کے علاوہ کسی قسم کے پھل کھانے سے منع نہیں کیا جاتا۔

میرے خیال میں گاجر کا بھی یہی مسئلہ ہے، کیونکہ گاجر کا ایک گلاس جوس حاصل کرنے کیلیے کئی عدد گاجروں کی ضرورت پڑتی ہے سو اس سے تو پرہیز ہی بہتر ہے لیکن کچی یا پکی ہوئی گاجر کو کھانے میں یقیناً کوئی حرج نہیں ہے۔