واصف کیہڑا کیہڑا رونا روئیے سارے روگ اولے نیں

[الف نظامی]

کیہڑا کیہڑا رونا روئیے سارے روگ اولے نیں
بے درداں نیں ساڈے گھر دے پرچھاویں وی ملے نیں

اس دنیا دی بھیڑ دے اندرجد میں سوچ وچاری اے
اک دوجے دے نیڑے وسدے ٹاپو اُنج اکلے نیں

جھلا جان کے چھڈ نہ جاویں ، گدڑی ویکھیں ہتھ نہ لاویں
لکھ سیانے تیرےو رگے راہ تے پائے جھلے نیں

جد دا درد لگایا ڈیرہ ،چن ستارے امبر میرا
شکر کراں میں لکھ لکھ واری دن خشیاں دے ڈھلے نیں

قاصد ویکھاں، چٹھی ویکھاں ،چنگا کیتا میریاں لیکھاں
موت سرہاندیں آکے بیٹھی ، ہن سنیہڑے گھلے نیں

چنگا ہندا ، کجھ نہ ہندا ، نہ او ہندے نہ میں ہندا
جنہاں لئی ایہہ دنیا چھڈی او ساہنوں چھڈ چلے نیں

اگ پرائی نہ پے سیکو ، جھاتی مارو ، اندو ویکھو
جو لگی اے اک گھر واصف ،سارے اُس وچ بلے نیں

(واصف علی واصف ، بھرے بھڑولے ، صفحہ ۷۰)

​

 

[نیرنگ خیال]

اس ردیف قافیے اچ میری وی اک پنجابی غزل ہے گی۔۔۔ واہ۔۔ میں واصف ہوراں دی غزل پہلی وار پڑھی ۔۔۔۔ زبردست۔۔۔ اعلی

 

[الف نظامی]

اس ردیف قافیے اچ میری وی اک پنجابی غزل ہے گی۔۔۔ واہ۔۔ میں واصف ہوراں دی غزل پہلی وار پڑھی ۔۔۔۔ زبردست۔۔۔ اعلی

ماشاء اللہ ، بہت خوب
محفل تے آپنی غزل شئیر کرو تا کہ اسی وی فیض حاصل کریئے

 

[گُلِ یاسمیں]

اگ پرائی نہ پے سیکو ، جھاتی مارو ، اندو ویکھو
جو لگی اے اک گھر واصف ،سارے اُس وچ بلے نیں

واہ۔۔۔ بہت ودھیا۔

 

[گُلِ یاسمیں]

اس ردیف قافیے اچ میری وی اک پنجابی غزل ہے گی۔۔۔ واہ۔۔ میں واصف ہوراں دی غزل پہلی وار پڑھی ۔۔۔۔ زبردست۔۔۔ اعلی

ہے گی تے پیش کرو جی۔۔۔ اساں واہ واہ کرنی۔

 

[نیرنگ خیال]

ماشاء اللہ ، بہت خوب
محفل تے آپنی غزل شئیر کرو تا کہ اسی وی فیض حاصل کریئے

ہے گی تے پیش کرو جی۔۔۔ اساں واہ واہ کرنی۔

پیش کر دتی۔۔۔ ہن بھانویں واہ واہ کرو یا ٹھا ٹھا کرو۔۔۔۔ اللہ بیلی