کیوں بھلا ایسے در بدر ہوتے :: غزل از:: محمد حفیظ الرحمٰن

[محمد حفیظ الرحمٰن]

غزل
محمد حفیظ الرحمٰن

کیوں بھلا ایسے در بدر ہوتے
ہم کسی کام کے اگر ہوتے

جو گزرتے تمہارے ساتھ وہ دن
جیسے فردوس میں بسر ہوتے

کاش اِس راہ سے گزرتے تٰم
اور ہم گردِ رہ گزر ہوتے

زیر ہو بھی گئے تو کیا، کہ انہیں
دیر لگتی نہیں زبر ہوتے

سحر کو سامنے دعاؤں کے
ہم نے دیکھا ہے بے اثر ہوتے​

 

[محمد خلیل الرحمٰن]

خوبصورت غزل!

کاش اِس راہ سے گزرتے تٰم
اور ہم گردِ رہ گزر ہوتے

واہ!

 

[Pervez Baqi]

اس بار حفیظ صاحب نے چھوٹی بحر میں طبع آزمائی کی ہے اور کیا خوبصورت غزل کہی ہے کہ ہر شعر سادگی اور پرُکاری کی مثال ہے۔

 

[محمد احسن سمیع راحلؔ]

ماشاء اللہ ۔۔۔ خوب غزل ہے جناب حفیظ صاحب ۔۔۔ مزا آیا پڑھ کر

 

[امین شارق]

غزل
محمد حفیظ الرحمٰن

کیوں بھلا ایسے در بدر ہوتے
ہم کسی کام کے اگر ہوتے

جو گزرتے تمہارے ساتھ وہ دن
جیسے فردوس میں بسر ہوتے

کاش اِس راہ سے گزرتے تٰم
اور ہم گردِ رہ گزر ہوتے

زیر ہو بھی گئے تو کیا، کہ انہیں
دیر لگتی نہیں زبر ہوتے

سحر کو سامنے دعاؤں کے
ہم نے دیکھا ہے بے اثر ہوتے​

خوبصورت غزل۔

مختصر اچھی غزل ہے مگر مزہ آتا
چند اشعار اور اگر ہوتے

 

[ظہیراحمدظہیر]

واہ! بہت خوب! اچھے اشعار ہیں حفیظ الرحمٰن بھائی!
امید ہے کہ کلام عنایت کرتے رہیں گے۔

 

[سید عاطف علی]

کاش اِس راہ سے گزرتے تٰم
اور ہم گردِ رہ گزر ہوتے

واہ خوب ،

 

[محمد شکیل خورشید]

بہت ہی خوب ماشا اللہ،