کیسی سستی یہ جان ہے صاحب

[ظفری]

کیسی سستی یہ جان ہے صاحب
زندگی امتحان ہے صاحب

کل کو آئے تھے کل کو جانا ہے
بس یہی داستان ہے صاحب

اسکی ہر بات دل دکھاتی ہے
کتنی میٹھی زبان ہے صاحب

پھر کوئ زخم ملنے والا ہے
آج وہ مہربان ہے صاحب

یہ جو چھوٹا سا اک ٹھکانا ہے
گھر نہیں ، بس مکان ہے صاحب

صبح و شام سانس لینا بھی
زندگی کا لگان ہے صاحب​

 

[عمار ابن ضیا]

پھر کوئ زخم ملنے والا ہے
آج وہ مہربان ہے صاحب

یہ جو چھوٹا سا اک ٹھکانا ہے
گھر نہیں ، بس مکان ہے صاحب​

واہ واہ۔۔۔ کیا بات ہے۔۔۔۔!

 

[محمد وارث]

واہ واہ کیا خوبصورت اور رواں غزل ہے، شکریہ ظفری بھائی شیئر کرنے کیلیئے

 

[فرخ منظور]

کیسا اچھا کلام ہے صاحب
لیکن کسکا کلام ہے صاحب؟