جواب
جناب یہ بات تو سب کے سامنے عیاں ہے کہ بادِ مخالف نے پاکستان کے قیام کے لیے ایسا مسالہ تیار کیا جس نے قیام پاکستان کی بنیادوں کو مزید مضبوطی بخشی۔ جناب موتی لال نہرو کے مقابلے میں قائداعظم کے چودہ نکات ہندوستان کو بچانے کی میرے خیال میں آخری کوشش تھی۔ اس کے بعد واضح ہو گیا کہ کانگرس کسی صورت میں اقلیتوں کی بالا دستی نہیں چاہتی۔ پاکستان کے نام کو شہرت بخشنے میں سب سے بڑا ہاتھ ہندو پریس کا رہا جس نے قراردِ لاہور کا مزاق اڑاتے ہوئے اسے قرادادِ پاکستان لکھا۔ اور یہی مذاق آخر میں ایک سنجیدہ حقیقت بن کر سامنے آیا۔ پہلے ہی میں نے کہا تھا کہ پاکستان کا بننا ناگزیر تھا۔ خواہ وہ کسی بھی وقت ہوتا۔