کیا زندگی ہے فخرِ زمانہ - حرماں خیر آبادی

[کاشفی]

غزل​

(حرماں خیر آبادی)​

​

کیا زندگی ہے فخرِ زمانہ​

دل عاشقانہ، جی والہانہ​

​

پوچھو نہ ربطِ حسن و محبت​

کچھ سب پہ ظاہر، کچھ غائبانہ​

​

یاد آرہے ہیں اک ایک کر کے​

پچھلی محبت، اگلا زمانہ​

​

دیکھوتو دو ہیں، سمجھو تو یکساں​

اُن کی کہانی، اپنا فسانہ​

​

دل کو مٹا دے یا حسرتوں کو​

سمجھوں گا تو نے بخشا خزانہ​

​

آنکھوں سے دل تک آتا ہے کوئی​

گہہ خاص ہو کر ، گہہ عامیانہ​

​

پھر سن رہا ہوں سونی فضا میں​

دلچسپ نغمے، دلکش ترانہ​

​

دل ہے ، کہ مثلِ سیماب لرزاں​

اُن کی نظر تھی، یا تازیانہ​

​

کیا بات حرماں تیرے سخن کی​

جو بات لکھی، سو شاعرانہ​

 

[فرخ منظور]

غزل شریکِ محفل کرنے کا شکریہ کاشفی صاحب۔ اس شعر میں شاید "کر" کی بجائے "کہ" ہونا چاہیے۔
آنکھوں سے دل تک آتا ہے کوئی
گہہ خاص ہو کر ، گہہ عامیانہ

 

[کاشفی]

سخنور صاحب اور فاتح صاحب۔۔آپ دنوں کا بیحد شکریہ۔۔خوش رہیں۔۔

سخنور صاحب ! شعر ایسے ہی ہے۔۔۔
آنکھوں سے دل تک آتا ہے کوئی
گہہ خاص ہو کر ، گہہ عامیانہ