1. اردو محفل سالگرہ پانزدہم

    اردو محفل کی یوم تاسیس کی پندرہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

مجید امجد کیا روپ دوستی کا؟ کیا رنگ دشمنی کا؟ ۔ مجید امجد

فرخ منظور نے 'پسندیدہ کلام' کی ذیل میں اس موضوع کا آغاز کیا، ‏اکتوبر 18, 2019

  1. فرخ منظور

    فرخ منظور لائبریرین

    مراسلے:
    12,841
    جھنڈا:
    Pakistan
    موڈ:
    Cold
    کیا روپ دوستی کا؟ کیا رنگ دشمنی کا؟
    کوئی نہیں جہاں میں کوئی نہیں کسی کا

    اک تنکا آشیانہ، اک راگنی اثاثہ
    اک موسمِ بہاراں، مہمان دو گھڑی کا

    آخر کوئی کنارا اس سیلِ بےکراں کا؟
    آخر کوئی مداوا اس دردِ زندگی کا؟

    میری سیہ شبی نے اک عمرآرزو کی
    لرزے کبھی افق پر تاگا سا روشنی کا

    شاید اِدھر سے گزرے پھر بھی ترا سفینہ
    بیٹھا ہوا ہوں ساحل پر نے بلب کبھی کا

    اس التفات پر ہوں لاکھ التفات قرباں
    مجھ سے کبھی نہ پھیرا رخ تو نے بےرخی کا

    اب میری زندگی میں آنسو ہیں اور نہ آہیں
    لیکن یہ ایک میٹھا میٹھا سا روگ جی کا

    او مسکراتے تارو! او کھلکھلاتے پھولو!
    کوئی علاج میری آشفتہ خاطری کا

    (مجید امجد)



     
    • پسندیدہ پسندیدہ × 4
  2. محمد وارث

    محمد وارث لائبریرین

    مراسلے:
    26,150
    جھنڈا:
    Pakistan
    موڈ:
    Depressed
    اک تنکا آشیانہ، اک راگنی اثاثہ
    اک موسمِ بہاراں، مہمان دو گھڑی کا

    واہ واہ واہ، لاجواب۔
     
    • پسندیدہ پسندیدہ × 2
  3. ظہیراحمدظہیر

    ظہیراحمدظہیر محفلین

    مراسلے:
    2,975
    جھنڈا:
    Pakistan
    موڈ:
    Busy
    بہت خوبصورت!!
    فرخ بھائی ، بہت شکریہ اس اعلیٰ غزل میں شریک کرنے کا ۔ مجید امجد نے اس پائے کی غزل بھی لکھی ہے یہ معلوم نہ تھا ۔ میرا تعارف تو نظموں کی حد تک ہی تھا ۔
     
    • دوستانہ دوستانہ × 1
  4. سید عاطف علی

    سید عاطف علی محفلین

    مراسلے:
    9,140
    جھنڈا:
    SaudiArabia
    موڈ:
    Cheerful
    مجھ سے کبھی نہ پھیرا رخ تو نے بےرخی کا
    بہت خوب ۔ فرخ بھائی ، شاد رہیں ۔
     
    • دوستانہ دوستانہ × 1
  5. فرخ منظور

    فرخ منظور لائبریرین

    مراسلے:
    12,841
    جھنڈا:
    Pakistan
    موڈ:
    Cold
    جی ان کی غزلیں بھی بہت کمال ہیں۔ مجید امجد کی یہ غزل تو بہت مشہور ہے۔
     
    • پسندیدہ پسندیدہ × 1
    • متفق متفق × 1

اس صفحے کی تشہیر