کیا رات ہے، کیا رات ہے، کیا رات ہے واللہ

[ساقی۔]

امشب کسی کاکل کی حکایات ہے واللہ
کیا رات ہے، کیا رات ہے، کیا رات ہے واللہ​

دل چھین لیا اس نے دکھا دستِ حنائی
کیا بات ہے، کیا بات ہے، کیا بات ہے واللہ​

عالم ہے جوانی کا جو اُبھرا ہوا سینہ
کیا گات ہے، کیا گات ہے، کیا گات ہے واللہ​

دشنام کا پایا جو مزہ اس کے لبوں سے
صلٰوت ہے، صلٰوت ہے، صلٰوت ہے واللہ​

جرأت کی غزل جس نے سُنی اس نے کہا واہ
کیا بات ہے، کیا بات ہے، کیا بات ہے واللہ
​

شیخ قلندر بخش جرات

 

[سید عاطف علی]

@ساقی بھائی ۔میرے خیال میں ۔کہا۔ کے بجائے ۔دکھا۔ ہے۔یعنی۔۔۔۔دستِ حنائی دکھا کر۔
دل چھین لیا اس نے دکھا دستِ حنائی۔

 

[ساقی۔]

@ساقی بھائی ۔میرے خیال میں ۔کہا۔ کے بجائے ۔دکھا۔ ہے۔یعنی۔۔۔ ۔دستِ حنائی دکھا کر۔
دل چھین لیا اس نے دکھا دستِ حنائی۔

صحیح کہا آپ نے ۔ تصحیح کر دی ہے ۔ بہت شکریہ

 

[S.A.Sajjo-ایس .اے.سجوؔ]

دشنام کا پایا جو مزہ اس کے لبوں سے ۔۔۔۔۔۔۔۔
واھ واھ
کیا بات ھے کیا بات ھے

 

[نیاز حسین]

واہ واہ عمدہ