کون ہے جو محفل میں آیا ---40ویں لڑی

[ابن سعید]

گویا آپ اتنی کم گو ہیں کہ گاہے گاہے ہی گویا ہوتی ہیں؟

 

[خوشی]

جی آُپ نے ٹھیک پہچانا ویسے‌آُپ کو پتہ کیسے چلا میرے کم گو ہونے کا

 

[ابن سعید]

گاہے گاہے آپ کی گفتگو گوش گذار ہوتی رہتی ہے ناں۔

 

[خوشی]

میں نے آج غور سے پڑھا تو علم ہوا کہ آُپ کا نام سعود ھے

 

[ابن سعید]

جی میرا نام سعود عالم ہے اور والد صاحب قبلہ کا نام سعید احمد ہے۔

جب ہم قصہ پارینہ بن چکے ہونگے تو تاریخ یا ہماری سیرت کی کتابوں میں ہمارا نام غالباً کچھ یوں ہوگا۔

غریب الغرباء فقیر الفقراء قدوۃ المساکین الشیخ سعود عالم خان ابن الحاج قبلہ سعید احمد خان الہندی عفی عنہ

 

[خوشی]

ماشا ءاللہ


یہ سارا نام آپ کا ہی ھے کیا

اللہ آپ کو صحت والی لمبی عمر سے نوازے

 

[ابن سعید]

نام تو پتا نہیں میرا ہے یا نہیں ہے اور پتا نہیں مکمل بھی ہے یا ابھی کچھ القابات رہتے ہیں۔ پر دعا آپ نے اتنی مکمل دی ہے کہ اسے حفظ کر لینے کو جی کر رہا ہے تاکہ دوسروں کے لیئے دہرا سکوں۔

 

[خوشی]

میں دعا گو ہوں اس میں شک نہیں اور دوسروں سے بھی ہمیشہ دعا کی درخواست کرتی ہوں کہ جانے خدا کس کی دعا میرے حق میں قبول فرما لے

 

[ابن سعید]

جی وہی کہہ رہا تھا کہ اتنے حسین پیرائے میں بات کہی اپ نے۔ واقعی طویل عمر بلا صحت عذاب سے کم نہیں۔

 

[خوشی]

درست کہا آپ نے
ہمیں‌یہ دعا بھی مانگنی چاھیئے کہ خدا ہمیں‌کسی کا محتاج نہ کرے کبھی

 

[ابن سعید]

اللہ ہمیں اپنی امان میں رکھے صحت و معاش کی نعمتوں سے نوازتا رہے نیز ہماری عزت نفس اور خود داری کا سر بالا رکھے۔

 

[خوشی]

خوددار انسان کئی بار اپنی‌خود داری کی وجہ سے نقصان بھی اٹھاتا ھے

 

[شمشاد]

ماشاء اللہ کیا زبردست گفتگو جاری ہے۔

خوشی آپ کی عید کیسی گزری؟

اور سعود بھائی آپ کی پردیس میں عید کیسی گزری؟

 

[ابن سعید]

بٹیا پر کیا کریں یہ انسانی کردار کے خواص ہیں جن میں جو خاصیتیں ہوتی ہیں انھیں کے ساتھ جیتے ہیں

 

[خوشی]

کیسی عید شمشاد جی
اس بار جانے کیسی عید آئی ھے ، آج تو کام پہ ہی وقت گزرا صبح منائیں گے باقی عید

 

[ابن سعید]

شمشاد بھائی ہم رمتا جوگی بہتا پانی لوگ ہیں عید کا کیا ہے کئی بار گھر سے دور رہ کر کی ہے ایک بار اور سہی۔ باقی الحمد للہ سب بخیر ہے۔

 

[خوشی]

خودار ہونا اچھی بات ھے مگر دوستی میں اناپرستی کو بالائے طاق رکھ دینا چاھیئے

 

[شمشاد]

سعود بھائی یقیناً آپ نے گھر سے باہر عید پہلے بھی منائی ہو گی لیکن پردیس میں پہلی بار منائی ہو گی۔

 

[ابن سعید]

جی بٹیا پر اچھے دوست تو ایک دوسرے کی انا اور ناموس کی حفاظت کے لئے کمربستہ ہوتے ہیں۔

 

[ابن سعید]

شمشاد بھائی یہ دوسری بار ہے۔ آج سے دو ماہ دس دن قبل بھی۔۔۔