کون ہے جو محفل میں آیا-(23)

[سیدہ شگفتہ]

السلام علیکم شمشاد بھائی ، آپ سب کو عید مبارک ! بھابھی نے کیا کچھ بنایا عید اہتمام میں

 

[سارہ خان]

السلام علیکم ۔۔۔۔۔

سب کو عید مبارک ۔۔۔۔۔۔

 

[سیدہ شگفتہ]

السلام علیکم سارہ ، عید مبارک ایک بار پھر ، ابھی حجاب سے بات ہوئی ، آج تو فون لائنز سب مصروف ہیں ۔ میسجز بھی کافی نہیں پہنچ پائے ۔

 

[شمشاد]

ارے میرا بھی پیغام ملا کہ نہیں؟

اور بنانے کو یہاں پر زیادہ تر مرغے کی شامت آتی ہے۔

 

[سارہ خان]

وعلیکم السلام ۔۔ واقعی نیٹ ورک تو سب بزی ہو جاتے ہیں ایسے موقعوں پر ۔۔ کیا کر رہی تھی حجاب ۔۔ میری صبح بات ہوئی تھی اس سے ۔۔۔۔۔ بعد میں تو سیل دیکھنے کی فرصت بھی نہیں ملی ۔۔

 

[سیدہ شگفتہ]

سارہ ، حجاب کو مہمان مسلسل مصروف رکھے ہوئے ہیں اور نیند بہت آ رہی تھی اور تھکن بھی کافی ہو رہی تھی ۔ جب میں حجاب کا نمبر ملایا تھا تب بھی مصروف اور ابھی جب بات ہو رہی تھی تو پھر سے مہمان آ گئے وہاں

 

[سارہ خان]

ھمم ۔۔ عید تو ایسی ہی گزرتی ہے ۔۔ آپ نے کیا کیا شگفتہ صبح سے ۔۔ کیسے منائی عید ؟

ابھی باجو کی بھی کال ائی تھی ۔۔ لیکن آواز اتنی کٹ کٹ کے آ رہی تھی کہ زیادہ بات نہیں ہو پائی ۔۔

 

[سیدہ شگفتہ]

ارے میرا بھی پیغام ملا کہ نہیں؟

اور بنانے کو یہاں پر زیادہ تر مرغے کی شامت آتی ہے۔

شمشاد بھائی ، پاکستان سے باہر سے تو صرف فرحت کا میسج پہنچ پایا اور بس ۔ کال بھی فورا نہیں مل رہی ۔ میری جس جس سے بات ہو رہی ہے فون پر تقریبا سب یہی کہہ رہے ہیں ۔

 

[شمشاد]

ارے تو میرا پیغام ضائع گیا۔ ویسے میں نے سبکو ہی ایس ایم ایس کئے تھے۔ یہاں تو سب اچھا کی رپورٹ آ گئی تھی، اب معلوم نہیں کن کن کو ملے اور کن کن کو نہیں۔

 

[سیدہ شگفتہ]

سارہ ، امی کے بغیر تو عید منانے کا بالکل بھی مزہ نہیں ، لگ ہی نہیں رہا کہ عید ہے ، گھر میں یہاں سب کو امی کی کمی محسوس ہو رہی ہے امی نہیں ، فمزا نہیں ۔ پہلا دن تو گھر میں ہی گزرتا ہے ، دوسرے دن تیسرے دن نکلنا ہوتا ہے ۔ اس بار بھتیجے بھی سب کی طبیعت خراب ہو رہی ہے ، اریب کو اتنا تیز بخار ہے کہ اسے ڈاکٹر کے پاس لے کے گئے ابھی دوپہر کو۔ باقی وہی معمول کی مصروفیت البتہ اس بار مصروفیت کچھ کم ہے آج کے دن یعنی عید کے دن دور دراز کے مہمان بھی نہیں پہنچے آج اب کل اور پرسوں متوقع ہیں ۔ اہتمام بھی سادہ رہا بچوں کی وجہ سے ۔ میں شیر خرما ابھی کچھ دیر پہلے ہی کھایا ، کچھ میٹھا کھانے کو دل نہیں چاہ رہا آج

 

[سیدہ شگفتہ]

ارے تو میرا پیغام ضائع گیا۔ ویسے میں نے سبکو ہی ایس ایم ایس کئے تھے۔ یہاں تو سب اچھا کی رپورٹ آ گئی تھی، اب معلوم نہیں کن کن کو ملے اور کن کن کو نہیں۔

شمشاد بھائی بہت شکریہ ، عید کے موقع پر نیٹ ورک مصروف ہو جانے سے ایسا ہو جاتا ہے ۔

 

[شمشاد]

ارے کوئی ہے بھئی، کہ سب ہی عید منا کر سو گئے اور نیندیں پوری کر رہے ہیں۔

 

[فہیم]

السلام علیکم

میں‌ ہونا شمشاد بھائی
ابھی ابھی ناشتے سے فارغ ہوا ہوں

 

[شمشاد]

یہ دوپہر بعد بھی ناشتہ ہوتا ہے کیا؟
ویسے یہ اراکینِ محفل ہیں کہاں؟

 

[فہیم]

یہ دوپہر بعد بھی ناشتہ ہوتا ہے کیا؟
ویسے یہ اراکینِ محفل ہیں کہاں؟

سو کر اٹھنے کے بعد جو کچھ بھی کھایا جائے میں اسے ناشتہ ہی کہتا ہوں
اور آج میری صبح ہی دوپہر کے بعد ہوئی تھی

 

[شمشاد]

یہ بھی صحیح ہے۔
تو عید کی چھٹیوں سے لطف اندوز ہوا جا رہا ہے۔

 

[فہیم]

یہ بھی صحیح ہے۔
تو عید کی چھٹیوں سے لطف اندوز ہوا جا رہا ہے۔

جناب

خود مجھے بھی حیرت ہے کہ پورے 12 گھنٹے کی نیند لی میں نے
جبکہ میں عام طور پر 7 سے 8 گھنٹے ہی سوتا ہوں۔

 

[شمشاد]

کوئی بات نہیں، چھٹیوں میں ایسا ہو ہی جاتا ہے۔

 

[الف عین]

حاضر ہوں میں بھی مع ہوش و ہواسِ خمسہ۔۔۔۔
عید آج صبح منائی یعنی عید کی نماز پڑھ کر سب سے مل لئے، پھر دو پہر کھانا کھا کر اور چائے پی کر حیدر آباد کے لیے واپس نکل گیا، یہاں آ کر یہاں محلے میں عید ملتا رہا۔ اب دیر رات کو فرصت ملی ہے انٹر نیٹ کھولنے کی۔

 

[شمشاد]

ہماری تو آج بھی چھٹی ہے اور کل بھی چھٹی ہے بلکہ ہفتے کو بھی تعطیل ہی ہے۔ یہاں پر ابھی گھنٹہ بھر کے بعد آتشبازی کا زبردست مظاہرہ ہونے والا ہے، تو وہ دیکھنے کے لیے نکل رہے ہیں۔