نہ دئیے لب کہ جو تقریر تلے شیشہء مُل
لے بہ اندازِ نگہہ تیر تلے شیشہء مُل

آج شب اِتنی پلا مے کہ بہک کر ساقی
لب پہ لوں شمع کو, گلگیر تلے شیشہء مُل

مے مجھے ایسے نہ دے پیرِ مُغاں
ھو مئے ناب کی تاثیر تلے شیشہء مُل

تیرے دیوانے کو ھاں ھاں میں ھوں
کہ مبادا ھلے زنجیر تلے شیشہء مُل

تیری آنکھوں کو تو بیمارِ ادب سے ساقی
وقتِ قارورہ نہ لیں کیر تلے شیشہء مُل

طفلِ قاضی سے ھو ھم چشم تو غالب ھے کہ لے
موجِ مے ذرّہء تاثیر تلے شیشہء مُل

یوں مے اُس چشم سے بہکے ھے کہ جوں
جیسے ھو اُس کی ھی تصویر تلے شیشہء مُل

گردن و سینہ ھے یوں اُس کی نگاہ پوشیدہ
جیسے ڈھانکے کوئی تصویر تلے شیشہء مُل

میرے گھر چل تُو وھی تجھ کو پلاؤن زاھد
نکلے حدّت سے جو مے چیر تلے شیشہء مُل

بسکہ خونخوار ھے رکھتا ھے ملا کر صیّاد
دھنِ زخم سے نخچیر تلے شیشہء مُل

کُشتہ کرنے کو ھے مَس غم کی یہ آتش کے عوض
جام کے بوتہء اکثیر تلے شیشہء مُل

ھم بقا رند ھیں گر ھوویں مریدِ زاھد
تو رکھیں توڑ کے اِس پیر تلے شیشہء مُل
بقاخان بقا
 
Top