کتابوں کے شہر (Book Towns)

ایک طویل عرصہ قبل میں نے ریڈرز ڈائجسٹ میں پڑھا تھا کہ یورپ اور امریکہ میں کچھ گاؤں یا قصبے ایسے موجود ہیں جہاں استعمال شدہ کتب کی بڑی بڑی دکانیں پائی جاتی ہیں اور ان میں نایاب کتب بھی دستیاب ہیں۔ جس زمانے میں میں نے یہ مضمون پڑھا تھا تو اس کے بارے میں مجھے کافی فیسینیشن رہی تھی۔ کتابیں اور پرسکون جگہ مجھے ہمیشہ پسند رہی ہیں۔ آج یکبارگی میرے ذہن میں اس پرانے پڑھے ہوئے مضمون کا خیال آیا تو میں نے اس کے بارے میں معلومات اکٹھی کرنے کا سوچا۔

کتابوں کے شہر کا آئیڈیا پہلی مرتبہ ویلز کے رچرڈ بوتھ نے پیش کیا تھا اور انہوں نے ہی پہلا بک ٹاؤن سیٹ اپ کیا تھا۔ بک ٹاؤن بنیادی طور پر ٹورازم ڈیویلپمنٹ کا ایک ماڈل ہے اور اس کے ذریعے ایسی جگہوں کو زائرین کے لیے پرکشش بنایا جاتا ہے جہاں بصورت دیگر کوئی خاص روزگار کے مواقع دستیاب نہیں ہوتے ہیں۔ اس وقت دنیا بھر میں تقریباً 24 بک ٹاؤن موجود ہیں۔ ان بک ٹاؤنز میں استعمال شدہ (سیکنڈ ہینڈ) کتابوں کی دکانیں ہونے کے علاوہ یہاں ادبی نوعیت کی تقریبات منعقد کرنے کی سہولیات بھی فراہم کی جاتی ہیں۔

جرمنی میں بھی تین بک ٹاؤن موجود ہیں۔ کبھی موقع ملا تو ضرور کسی بک ٹاؤن کو دیکھنے جاؤں گا۔


حوالہ جات:
Book Town
The Complete Guide To: Book towns
International Organisation of Book Towns

 

شکریہ نبیل بھائی۔ دنیا میں جنت کا آئیڈیا دینے کا

 

میرے شہر میں ایک لائبریری میں لکھا ہوا ہے کہ لائبریری جنت کا ایک حصہ ہوگی۔
میں اس سے متفق بھی ہوں۔

 

جبکہ میرا ذاتی خیال ہے کہ جنت لائبریری کا ایک حصہ ہوتی ہے

 

تو کیا لائبریری کے ایک حصے میں دوزخ بھی پائی جاتی ہے؟

 

جی ہاں اس حصے میں جس میں بیوی کی رسائی ہو

 

مجھے اسی جواب کی امید تھی ۔ لیکن وارث صاحب یاد رکھیے کہ وہ آپ کی نصف بہتر ہیں۔ اس کا مطلب ہے آپ بھی کسی چھوٹی موٹی دوزخ سے کم نہیں۔

 

زبردست سخنور کیا کوب طرح لگائی ہے

 

جی آپ کہہ سکتے ہیں کیونکہ آپ بھی ایک بار اس 'دوزخ' میں جل چکے ہیں

 

یہ ''دوزخ'' ایسی ہے جہاں جلنے والا بھی روئے اور نہ جلنے والا بھی روئے ۔ تو کیوں نہ جل کر ہی رو لیا جائے

 

بجا کہا فیصل صاحب، لیکن میرا اشارہ اُس نصف بہتر دوزخ کی طرف نہیں بلکہ اِس نصف بدتر دوزخ کی طرف تھا جیسا کہ فرخ صاحب نے لکھا

 

ہا ہا اس دوزخ میں دوبارہ جلنے کے لئے کب سے بیقرار ہوں۔ مگر شاید آپ چاہتے ہیں کہ میں جنت میں ہی رہوں۔

 

اور جس حصے میں آپ بیوی کی رسائی نہ چاہتے ہوں وہ کیا ہے؟

 

آپ کو کتابوں میں مگن دیکھ کر حوروں کا دل چاہے گا کہ کتابوں کو آگ لگا دیں۔

 

تبصرہ کتابوں کے شہر پر ہورہا ہے کتابوں پر تبصرہ کیوں نہیں کرتے