ڈیسک ٹاپ اطلاقیوں میں اردو کا حل

مکی نے 'متفرق سپورٹ' کی ذیل میں اس موضوع کا آغاز کیا، ‏مارچ 5, 2007

  1. مکی

    مکی معطل

    مراسلے:
    939
    بسم اللہ الرحمن الرحیم

    جب سے میں نے ڈیسک ٹاپ اطلاقیوں کا ترجمہ شروع کیا ہے تب سے ایک ہی مسئلہ سامنے آیا ہے کہ یہ اطلاقیے جب میرے کمپیوٹر سے کسی دوسرے کمپیوٹر میں منتقل ہوکر چلتے ہیں تو اردو کا ستیا ناس کردیتے ہیں اور اردو ایک "جناتی زبان" میں بدل جاتی ہے... اس سے پہلے شاید اس مسئلہ پر کسی نے غور نہیں کیا کیونکہ اب تک تقریباً ویب ایپلیکیشنز پر زیادہ کام ہوتا رہا ہے اور ڈیسک ٹاپ اطلاقیوں پر کسی نے کچھ اتنی خاص توجھ نہیں کی..

    بہرحال وجہ جو بھی رہی ہو یہ مسئلہ حل کرنا از حد ضروری ہے کیونکہ اس مسئلہ کے حل پر ہی مستقبل کے اردو ڈیسک ٹاپ اطلاقیوں کا انحصار ہے.. کیونکہ اگر یہ مسئلہ حل نہ کیا گیا تو کوئی بھی کسی بھی سوفٹ ویر کو اردوانے کے بارے میں قطعی نہیں سوچے گا..

    حقیقت میں یہ کوئی مسئلہ ہی نہیں ہے.. اصل میں یہ مسئلہ پہلے سے ہی حل شدہ ہے بات صرف اتنی ہے کہ ہم اردو بولنے کے "دعویدار" لوگ "ان پیج" کی تصویری اردو کے گرداب سے ابھی پوری طرح باہر ہی نہیں نکل سکے اور دل کو یہ تسلی دیے بیٹھے ہیں کہ بس سب انگلش ہی میں چلے گا اور اردو بیچاری کسی سوفٹ ویر میں سما ہی نہیں سکتی.. دوسری طرف دوسری زبانیں بولنے والے اپنی زبان کی راہ میں آنے والی ہر رکاوٹ کو ختم کر رہے ہیں.. میری ثقافت اور معلومات کی حد اور مصدر چونکہ عربی زبان ہے اس لئے میں اسی کی ہی مثال دوں گا کہ عربوں نے نہ صرف ہر قسم کے اطلاقیوں کو عربی رنگ دیا بلکہ اس سے آگے بڑھ کر "پروگرامنگ لینگویجز" کا بھی ترجمہ کرڈالا.. مثال کے طور پر Java اور PHP لینگویجز کی کوڈنگ اب عربی زبان میں بھی لکھی جاسکتی ہیں..!!

    سوال یہ تھا کہ میرے کمپیوٹر میں آخر یہ اطلاقیے درست اردو کیوں دکھاتے ہیں..؟؟ اور دوسرے کمپیوٹر میں یہی اطلاقیے اردو کیوں چھوڑ دیتے ہیں..؟! اس مسئلہ کی بابت میرا خیال یہی تھا کہ یہ سیدھا سیدھا ونڈوز کی سیٹنگ کا مسئلہ ہے اور کچھ نہیں اور مسئلہ حل کرنے کے لئے لازمی تھا کہ یہ اطلاقیے پہلے میرے پاس بھی خراب چلیں تاکہ انہیں درست کرنے کی سعی کی جاسکے.. اور اس کے لئے لازمی تھا کہ میں دل پر پتھر رکھ کر سسٹم کو فورمیٹ کروں اور دوبارہ ونڈوز بغیر کسی قسم کی عربی یا اردو سپورٹ کے انسٹال کروں جیسا کہ عام طور پر یہاں انسٹال کرنے کا رواج ہے.. اور پھر میں نے آج آخر ایسا کر ہی لیا.. سسٹم کو فورمیٹ مارا اور بغیر کسی قسم کی سپورٹ دئیے ونڈوز انسٹال کردی..

    اور پھر فوراً ہی ایک اطلاقیے کو انسٹال کیا جس کا میں نے اردو ترجمہ کیا تھا اور صرف اس لئے جاری نہیں کیا کیونکہ مجھے معلوم تھا کہ یہ بھی درست طور پر نہیں چلے گا.. اور جیسا کہ مجھے توقع تھی اس اطلاقیے کی اردو شکل یہ تھی:

    [​IMG]

    مجھے یقین تھا کہ اگر میں اس اطلاقیے کو اردو میں جاری کرتا تو سب کے پاس اس کا یہی نتیجہ نکلتا اور پھر شکایتوں کا ایک لا متناہی سلسلہ شروع ہوجاتا.. چنانچہ میں نے اس مسئلہ کو حل کرنا شروع کیا اور مندرجہ ذیل شرح (یہ میں نے "ٹیوٹوریل" کا ترجمہ کیا ہے) لکھی.. سب سے پہلے آپ ونڈوز ایکس پی کی سی ڈی سی ڈی ڈرائیو میں ڈال دیں اور ونڈوز کے کنٹرول پینل میں پہنچ جائیں اور Regional and Language Options پر کلک کریں اور مندرجہ ذیل تصویر کے مطابق ترتیبات سیٹ کریں:

    [​IMG]

    سسٹم ونڈوز کی سی ڈی سے فائلیں کاپی کر رہا ہے:

    [​IMG]

    فائلیں کاپی کرنے کے بعد سسٹم آپ سے ری سٹارٹ کرنے کے لئے کہے گا اور آپ نے اسے ری سٹارٹ کر دینا ہے

    [​IMG]

    ری سٹارٹ کرنے کے بعد آپ دوبارہ کنٹرول پینل میں پہنچ کر Regional and Language Options پر پھر سے کلک کریں اور مندرجہ ذیل سیٹنگ کریں:

    [​IMG]

    [​IMG]

    اب پھر سے سسٹم ری سٹارٹ کرنے کے لئے کہے گا چنانچہ آپ ایک مرتبہ پھر اسے ری سٹارٹ کردیں

    [​IMG]

    ری سٹارٹ ہونے کے بعد ایک بار پھر سے کنٹرول پینل میں پہنچ جائیں اور پھر سے Regional and Language Options پر کلک کرکے مندرجہ ذیل تصویر کے مطابق سیٹنگ کریں جس پر پھر ری سٹارٹ کرنے کے لئے کہا جائے گا اور آپ نے پھر ری سٹارٹ کردینا ہے:

    [​IMG]

    نتیجہ:

    [​IMG]

    آپ نے ملاحظہ کیا ہوگا کہ اب اس اطلاقیے میں اردو بالکل درست نظر آرہی ہے اور یہی اس مسئلہ کا آسان سا حل تھا جس نے اب تک مجھے اور ہم سب کو پریشان کر رکھا تھا.. مجھے امید ہے کہ اب کوئی یہ نہیں کہے گا کہ فلاں سوفٹ ویر میں اردو نظر نہیں آرہی.. :D

    واللہ الموفق
     
  2. واجدحسین

    واجدحسین معطل

    مراسلے:
    678
    جھنڈا:
    Pakistan
    موڈ:
    Cool
    السلام علیکم

    بسم اللہ الرحمن الرحیم
    السلام علیکم
    جزاک اللہ آپ کی تجویز نے ایک مسئلہ حل کر دیا میرے پاس فاسٹ نوٹ تھا جو گاربج دیکھائی دیتا تھا لیکن جب اپ کی ھدایت نمبر 14، پر عمل کر کے ریسٹارٹ کیا تو اب کٹ ، کاپی حذف، سب سلیکت کیجیے وغیرہ نظر اتے ہیں


    واجد حسین
     
  3. دوست

    دوست محفلین

    مراسلے:
    13,075
    جھنڈا:
    Germany
    موڈ:
    Fine
    واہ جی واہ
    چھا گئے ہو
    کتنا سادہ سا حل تھا اور ہم ایویں پریشان ہوتے رہے
    گڈ ورک
     
  4. الف عین

    الف عین لائبریرین

    مراسلے:
    35,229
    جھنڈا:
    India
    موڈ:
    Psychedelic
    میں بھی سوچتا تھا کہ آخر اس باکس میں ٹک کرنے سے کیا ہوتا ہوگا۔۔Compatibility والا
     
  5. عبدالرحمٰن

    عبدالرحمٰن محفلین

    مراسلے:
    432
    الحمدللہ میرے پاس آپکے تمام اطلاقیے اردو میں‌صحیح طور پر دکھائی دے رہے تھے اس لئے کہ میں ہمیشہ سے اپنے سسٹم کو فارمیٹ کے بعد ان ھدایات پر عمل کرتا آیا ہوں۔ :lol:
     
  6. شارق مستقیم

    شارق مستقیم محفلین

    مراسلے:
    894
    چیزیں منتشر

    مکی بھائی آپ بہت اچھا کام کر رہے ہیں۔ میری ایک تجویز ہے کہ آپ اپنے تمام ترجمہ شدہ پروگرامز کی ایک انڈیکس بنائیے ۔ ۔ ۔ اس کے لیے بھلے سے کسی فری ہوسٹ کا انتخاب کر لیجیے۔ اس کے ساتھ ساتھ جو لوگ آپ کے پروگرامز کو اتار رہے ہوں انہیں جلی حروف میں مطلع فرمائیے کہ آپ کے سسٹم پر اردو سپورٹ انسٹال ہونی چاہیے (جس کا طریقہ آپ نے مفصل پیش کیا اور یہاں [http://www.boriat.com/urduinst/winxp.php] بھی ایک طریقہ ہے) اس انڈیکس کو اپ ٹو ڈیٹ رکھیے ۔ ۔ ۔ فورم پر مسئلہ یہ ہوتا ہے کہ چیزیں منتشر ہو جاتی ہیں ۔ ۔ ۔
     
  7. دوست

    دوست محفلین

    مراسلے:
    13,075
    جھنڈا:
    Germany
    موڈ:
    Fine
    بس یہ وکی پر ٹیوٹوریل سیکشن بن جائے تو سب کچھ وہاں شفٹ کردینا ہے
     
  8. نبیل

    نبیل محفلین

    مراسلے:
    16,748
    جھنڈا:
    Germany
    موڈ:
    Depressed
    شارق، ہم آپ کا بتایا ہوا کام پہلے ہی کر رہے ہیں۔ مکی جو بھی اطلاقیے فراہم کرتے رہتے ہیں، ہم انہیں یہاں کے ڈاؤنلوڈ سیکشن میں شامل کرتے رہتے ہیں۔
     
  9. مکی

    مکی معطل

    مراسلے:
    939
    بسم اللہ الرحمن الرحیم

    اردوائے گئے اطلاقیوں کی فہرست کے حوالے سے میں نے پہلے سے ہی بندوبست کیا ہوا ہے اور اپنے فورم ميں ڈیسک ٹاپ اطلاقیوں کا الگ اور ویب اطلاقیوں کا الگ سے فورم بنا رکھا ہے، اس طرح دونوں قسم کے اطلاقیوں کی فہرست از خود مرتب ہوتی جائے گی..

    ویسے نبیل بھائی میرے اردوائے گئے اطلاقیوں کی تعداد تقریباً آٹھ ہے جبکہ ڈاونلوڈ سیکشن میں صرف چار اطلاقیے دستیاب ہیں..

    واللہ الموفق
     
  10. AMERICAN

    AMERICAN محفلین

    مراسلے:
    318
    واہ جی واہ میں بھی اسے استعمال کرتا ہوں اسے
     
  11. دوست

    دوست محفلین

    مراسلے:
    13,075
    جھنڈا:
    Germany
    موڈ:
    Fine
    آپ نے محفل پر خود سے کتنے اطلاقیے پوسٹ کیے ہیں؟ :evil:
    فری فائل ہوسٹ پر رکھنے منظور ہیں اردو ویب پر نہیں۔
    :?
     
  12. نبیل

    نبیل محفلین

    مراسلے:
    16,748
    جھنڈا:
    Germany
    موڈ:
    Depressed
    السلام علیکم،

    مکی بھائی، معذرت چاہتا ہوں آپ کا پیغام دیر سے دیکھا۔ :oops:
    دراصل فورم کے تمام رجسٹرڈ ارکان ڈاؤنلوڈ سیکشن میں فائلیں اپلوڈ کرنے کے مجاز ہیں۔ میرا کام محض اپروو کرنا ہوتا ہے۔ اگر آپ خود سے فائلیں اپلوڈ کر دیا کریں تو یہ کام کچھ آسان ہو جائے گا۔ اب پلیز مجھے نشاندہی کر دیں کہ کون کون سے سوفٹویر اپلوڈ ہونے رہ گئے ہیں۔

    والسلام
     
  13. مکی

    مکی معطل

    مراسلے:
    939
    بسم اللہ الرحمن الرحیم

    دوست بھائی میں پہلے ایک دفعہ عرض کرچکا ہوں کہ محفل کا اپلوڈنگ سکرپٹ میرے پاس کچھ درست کام نہیں کرتا.. میں نے پہلے کئی دفعہ فائلیں اپلوڈ کرنے کی کوشش کی ہے مگر لمبی چوڑی تفصیلات لکھنے کے بعد اگلا صفحہ منہ چڑا رہا ہوتا ہے.. جبکہ فورشیرڈ میں کوئی مسئلہ نہیں ہوتا..

    نبیل بھائی ان اطلاقیوں کی فہرست یہ ہے:

    اردو ريڈر
    اردو نیوز انجن
    اردو فليش پليئر
    اردو ڈاونلوڈ انجن

    واللہ الموفق
     
  14. نبیل

    نبیل محفلین

    مراسلے:
    16,748
    جھنڈا:
    Germany
    موڈ:
    Depressed
    السلام علیکم،

    مکی بھائی، یہ سوفٹویر بھی اپلوڈ‌کر دیے گئے ہیں۔

    والسلام
     

اس صفحے کی تشہیر