چھوٹی بحر میں کاوش۔ اصلاح کی منتظر

[محمد شکیل خورشید]

رات بھر سوچا نہ کر
بے سبب رویا نہ کر

وہ نہ واپس آئے گا
دیر تک جاگا نہ کر

فکر کی پرواز کو
اس قدر اونچا نہ کر

اپنے گھر کو لوٹ جا
یوں سڑک ناپا نہ کر

راستے کی دھول میں
منزلیں کھویا نہ کر

سچ سنا نہ جائے گا
سوچ لے، ایسا نہ کر

مِیچ لے آنکھیں شکیل
حسن کو رسوا نہ کر

 

[محمد شکیل خورشید]

الف عین محترم کی رہنمائی کے منتظر ہیں اشعار

 

[عظیم]

اصلاح کی کوئی ضرورت محسوس نہیں ہو رہی، بلکہ بہت عمدہ غزل ہے!
بس ایک مصرع میں 'نہ' کو بطور دو حرفی باندھا گیا ہے اس کو میرا خیال ہے کہ بدلنے کی ضرورت ہے
سچ سنا نہ جائے گا

 

[محمد شکیل خورشید]

اصلاح کی کوئی ضرورت محسوس نہیں ہو رہی، بلکہ بہت عمدہ غزل ہے!
بس ایک مصرع میں 'نہ' کو بطور دو حرفی باندھا گیا ہے اس کو میرا خیال ہے کہ بدلنے کی ضرورت ہے
سچ سنا نہ جائے گا

بہت اعزاز کا باعث ہیں یہ الفاظ میرے لیئے
تقطیع کے لیئے میں عروض کا سہارا لیتا ہوں، وہاں کوئی نشاندہی نہیں ہوئی، اس لیئے اس طرف دھیان نہیں گیا، اب بدلنے کی کوشش کرتا ہوں

 

[میم الف]

بہت عمدہ!
میں مصحح نہیں ہوں کہ آپ کے کلام کی تصحیح کروں لیکن ایک دو مقامات پر حک و اصلاح کی گنجایش ہے۔

 

[محمد شکیل خورشید]

بہت عمدہ!
میں مصحح نہیں ہوں کہ آپ کے کلام کی تصحیح کروں لیکن ایک دو مقامات پر حک و اصلاح کی گنجایش ہے۔

نشاندہی فرما دیں تو عین نوازش ہو گی
رہنمائی کا شکریہ

 

[الف عین]

عظیم سے متفق ہوں

 

[محمد شکیل خورشید]

عظیم سے متفق ہوں

عزت افزائی کا شکریہ محترم