چکن الاکیو

[ماوراء]

چکن الا کیو​

آلو (ابلے ہوئے،درمیانے سائز کے) ۔۔۔ 2 عدد
چکن(ابلا ہوا)۔۔۔ 1 کپ
مسٹرڈ پوڈر۔۔ ½ چائے کی چمچ
انڈا ۔۔1 عدد
تیل ۔۔۔تین کپ
سیاہ مرچ۔۔ 1 چائے کا چمچ
بریڈکرامز۔۔2 کپ
نمک ۔۔۔1 چائے کا چمچ
مکھن۔۔۔
مرغی کی ٹانگوں کی ہڈیاں۔۔۔4۔6 عدد

ترکیب:-​

1 ۔ آلو ابال کر پیس (Mash)لیں۔ اور ان میں مرغی کے گوشت کو ہاتھوں سے باریک کر کے ملائیں۔نمک مرچ اور مسٹرڈ بھی ملا دیں۔
2 ۔ مرغی کی ٹانگ کی ہڈی کے موٹے سرے کے اطراف ہاتھ سے مکھن لگا کر گولا سا بنا دیں۔ پھر اس کے اطراف اور نیچے ہڈی کے آخر تک اس طرح آلو والا آمیزہ صفائی سے لگائیں کہ خوبصورت سی ٹانگ دکھائی دے۔
3 ۔ ان آلو لگی ٹانگوں کو انڈا پھینٹ کر اس میں Dip کر کے خشک بریڈ کرامز میں رول کریں۔
4 ۔ آئل کو درمیانہ گرم کر کے درمیانی آنچ پر “الاکیو“ کو تل تل کر گولڈن براؤن کر لیں۔ بالکل خستہ سی ہو جائیں۔
5 ۔ خوبصورت سی ڈش میں رکھ کر اطراف میں سلاد کے ساتھ پیش کریں۔

 

[تیلے شاہ]

نگوڑ مارا انڈہ۔۔۔۔۔
کوئی چیز تو انڈے کے بغیر بھی بنا لیا کرو

 

[ماوراء]

aww۔۔ایک تو آپ بھی نہ۔

اچھا اب کوئی دیکھوں گی انڈے کے بغیر۔۔۔

 

[تیلے شاہ]

شمشاد بھائی کے گھر جب دعوت پر جا رہا تھا تو ایک ہی دعا مانگ
رہا تھا کہ کوئی انڈے والی چیز نہ بنی ہو۔
اللہ نے کرم کیا کے سب کچھ میری پسند کا تھا
اور میٹھے چاول تو بہت مزے کے تھے
اس دن مجھے افسوس ہوا کہ آخر کیوں میں نے Microwave oven نہیں لیا

 

[ماوراء]

lol۔۔۔مائیکرو اوون اب ہماری بھابی ہی آ کر لیں گی۔ آپ کو تو کچھ نہیں بنانا آتا ہو گا نا۔
ہممم اس کا مطلب ہوا بھابی نے کھانے خوب بنائے تھے۔۔ اب شمشاد بھائی کو میں نے کہا کہ میں نے بھی دعوت پر آنا ہے تو انہوں نے صاف انکار کر دیا۔ کہ دعوت تو ہو بھی گئی۔ اور یہ شمشاد بھائی تو کہتے ہیں کہ وہ میٹھا کھاتے ہی نہیں ہیں۔

 

[تیلے شاہ]

ہاتھی کے دانت دکھانے کے اور کھانے کے اور۔۔۔۔
لگتا ہے بھابھی صاحبہ نے منع کیا ہوا ھے
مجھے اچھی طرح سے یاد ہے
میرے سامنے بڑی والی پلیٹ میں لیا تھا
ہاں مگر کولڈ ڈرنک نہیں لی

 

[شمشاد]

یہ اس کونے میں میرے خلاف کیا پروپیگنڈا ہو رہا ہے؟

ہاں میٹھا کبھی کبھار ہی کھاتا ہوں اور وہ بھی دوسروں کا ساتھ دینے کے لیئے۔ حالانکہ بعد میں دوائی کھانی پڑتی ہے، کیونکہ میرا خون میٹھے کے معاملے میں خود کفیل ہے۔

 

[فریب]

ارے شاہ جی آپنے دعوت کا مکمل حال بیاں کرنا تھا مگر ابھی تک کوئی بھی بیان نہیں گزرا نظر سے۔۔۔۔۔۔۔۔۔۔۔۔۔
ویسے شمشاد بھائی نے دعوت بہت ہی پر تکلف قسم کی دی تھی۔۔۔۔۔۔۔۔

 

[تیلے شاہ]

شعیب بھائی لکھنا تو بہت کچھ تھا مگر آجکل مصروفیات بڑھ گئی ہیں۔ نگوڑ ماری JAVA جان کو پڑ گئی ہے

 

[شمشاد]

۔۔۔۔۔۔۔ اور کل رات پاکستان بھی جانا ہے، وہاں تو فرصت نہیں ملے گی، اب تو واپس آ کر لکھیں گے شاہ جی۔

 

[تیلے شاہ]

اہو جی آج تو صبح سے ہی گانا گا رہا ہوں
لاڑ شا پیخاور تا کمستور ما لا راوڑا تازہ تازہ گُلوناں درے سلور ما لا راوڑا۔۔۔(پشتو میں)
ایک حسینہ اپنے محبوب کو کہہ رہی ھے کہ
جب پشاور جانا تو میرے لیے تین چار تازہ گُلاب کے پھول لانا

 

[شمشاد]

حالانکہ اس کو نسوار کا کہنا چاہیئے تھا۔۔۔

 

[تیلے شاہ]

 

[قیصرانی]

بہت خوب ماوراء