عثمان رضا
محفلین
سالٹا…چمپئینز چیلنج ہاکی ٹورنامنٹ میں پاکستان نے جنوبی افریقا کو چار ایک سے شکست دے کر سیمی فائنل کیلئے کوالیفائی کرلیا۔جہاں اس کا مقابلہ روایتی حریف بھارت سے ہوگا ۔ارجنٹائن کے شہر سالٹا میں جاری ایونٹ کے اہم میچ میں پاکستان نے جنوبی افریقا کو ایک کے مقابلے میں چار گول سے ہرادیا۔ پاکستان کی جانب سے میچ کے20ویں منٹ میں سہیل عباس نے گول بنایا جسے33ویں منٹ میں لوئڈ نوریس نے برابر کردیا۔ وقفے پر میچ ایک ایک گول سے برابر تھا ،لیکن دوسرے ہاف میں گرین شرٹس نے عمدہ کھیل پیش کیا۔شکیل عباسی،حسیم خان اور اختر علی کے گولز کی بدولت پاکستان نے چار ایک سے فتح سمیٹ کر سیمی فائنل میں جگہ بنالی، جہاں ہفتے کو ان کا مقابلہ روایتی حریف بھارت سے ہوگا ۔دوسرے کھیلے گئے میچز میں بھارت نے بلجیم کو چار دو جبکہ کینیڈا نے میزبان ارجنٹائن کو تین دو سے اپ سیٹ شکست دے دی۔چین اور نیوزی لینڈ کا میچ دو دو گول سے برابر رہا
