چلتے ہو تو چین کو چلیے

[یاز]

دو سال قبل چین جانے کا اتفاق ہوا، ایک دفعہ شدید سردی میں اور دوسری مرتبہ گرمیوں میں (جن کو چین کے حساب سے شدید گرمی کہا جا سکتا ہے )۔ ان ٹرپس میں بیجنگ اورشنگھائی وغیرہ کی کچھ سیر کرنے کا بھی موقع ملا۔
چند تصاویر شاملِ حال ہیں۔
سب سے پہلی منزل تو گریٹ وال یعنی دیوارِ چین ہی تھی۔ فوگ، سموگ وغیرہ کے اثرات نمایاں ہیں۔

 

[یاز]

 

[یاز]

 

[یاز]

دیوارِ چین کے ساتھ ہی ایک ٹریک

 

[زیک]

یہ آلودگی کی وجہ سے تھا؟

 

[یاز]

یہ آلودگی کی وجہ سے تھا؟

ضروری نہیں کہ آلودگی ہی وجہ ہو، اور نہ ہی بیجنگ یا باقی چین میں کہیں زمینی و فضائی آلودگی دکھائی دی۔
میرے خیال میں شدید سردی میں اس طرح کا فینامینا ہونا قرین قیاس ہے۔

 

[یاز]

گریٹ وال سے اترے تو ایک میکڈونلڈز سے کچھ پیٹ پوجا وغیرہ کی۔

 

[یاز]

واپسی پہ سمر پیلس جانے کی کوشش کی، لیکن اس کے بند ہونے کا وقت قریب تھا تو اینٹری بند کر دی گئی تھی۔

 

[لاریب مرزا]

دو سال چین جانے کا اتفاق ہوا، ایک دفعہ شدید سردی میں اور دوسری مرتبہ گرمیوں میں (جن کو چین کے حساب سے شدید گرمی کہا جا سکتا ہے )۔ ان ٹرپس میں بیجنگ اورشنگھائی وغیرہ کی کچھ سیر کرنے کا بھی موقع ملا۔
چند تصاویر شاملِ حال ہیں۔
سب سے پہلی منزل تو گریٹ وال یعنی دیوارِ چین ہی تھی۔ فوگ، سموگ وغیرہ کے اثرات نمایاں ہیں۔

زبردست، Great Wall of China دیکھنا تو ہماری بھی خواہش ہے. آپ دیکھ آئے. زبردست!!

 

[لاریب مرزا]

یہ کیا؟ بس اتنی ہی تصاویر؟ کوئی دس بارہ تصاویر تو ہوتیں، جتنی گریٹ یہ دیوار ہے.

 

[سیما علی]

دیوارِ چین کے ساتھ ہی ایک ٹریک

?اتنا اجاڑ کیوں ہے

 

[یاز]

زبردست، Great Wall of China دیکھنا تو ہماری بھی خواہش ہے. آپ دیکھ آئے. زبردست!!

بہت نوازش لاریب مرزا
ویسے کافی پہلے بھی ایک دفعہ گریٹ وال کی زیارت کا موقع ملا تھا، لیکن بقول شاعر
ہے دیکھنے کی چیز اسے بار بار دیکھ

 

[یاز]

یہ کیا؟ بس اتنی ہی تصاویر؟ کوئی دس بارہ تصاویر تو ہوتیں، جتنی گریٹ یہ دیوار ہے.

اسی لڑی میں کچھ مزید تصاویر انشاء اللہ آگے آئیں گی، جب گرمیوں والے ٹرپ کی باری آئے گی۔

 

[یاز]

?اتنا اجاڑ کیوں ہے

تین وجوہات ۔
ایک تو شدید سردی کا موسم ہے، دوسرا ابھی تک کووڈ کی پابندیاں،
اور تیسری یہ کہ بیجنگ سے دیوار چین کی سیر کے دو بڑے axis ہیں۔ ایک کافی سرسبز ہے (جس کی تصاویر آگے آئیں گی), جبکہ یہ دوسرا ایکسس ہے جو اتنا سرسبز بھی نہیں، اوپر سے سردیوں میں رہی سہی کسر بھی نکل گئی۔

 

[یاز]

ہر شہر کے کوچے، گلیوں، سٹریٹس کی اپنی الگ ہی vibe ہوتی ہے ۔

 

[یاز]

کوئی بھی پاکستانی بھائی بیجنگ آئیں اور یہاں نہ آئیں (یا ڈیلیوری نہ منگوائیں)، ایسا شاذ ہی ہوتا ہے۔ خان بابا اگرچہ زیادہ بڑا ریسٹورنٹ نہیں ہے، لیکن پاکستانیوں کے لئے بیجنگ میں اس کا وہی مقام ہے جو کاغان ویلی میں مون ریسٹورنٹ (آخر مل ہی گیا!) یا ہنزہ میں کیفے ڈی ہنزہ کا ہے۔
ویسے مزنگ میں بھی خان بابا نام کا مشہور ریسٹورنٹ موجود ہے، تاہم ہمیں علم نہیں کہ دونوں کا آپس میں کیا تعلق ہے۔

 

[یاز]

پھر رات کو چائنیز سنگترے بھی کھانے کو ملے، جو شاید سنگتروں کی مائیکرو یا بونسائی بنوائی گئی تھی۔ اس بابت جنابہ مریم افتخار مزید روشنی ڈال پائیں گی کہ چینیوں نے ایسا کیوں کیا، کیسے کیا وغیرہ

 

[یاز]

لگے ہاتھوں ڈریگن فروٹ بھی تصویر بھی اپ لوڈ کر ڈالیں جو چند دن بعد کھانے کا اتفاق ہوا۔

 

[یاز]

ویسے ڈریگن فروٹ کافی پھیکا سا لگا، تاہم کھا ہی لیا کہ برادرم زیک اور دیگر کچھ احباب سے یہی سیکھا کہ کھانے پینے کے معاملے میں زیادہ xenophobic نہیں ہونا چاہئے۔ تاہم ابھی تک ایسا موقع نہیں آیا کہ فش یا ذبیحہ کے علاوہ کچھ کھانے کی مجبوری بنی ہو۔

 

[یاز]

اگلے دن شہرِ ممنوعہ یعنی فوربڈن سٹی کی سیر کو نکلے۔ سردیوں کے آغاز کی وجہ سے ہر طرف خزاں کے رنگ بکھرے پڑے تھے۔ دوسرے لفظوں میں بیجنگ شہر کے اندر autumn in hunza برپا تھی۔
بقول فراز
ہوا میں نشہ ہی نشہ فضا میں رنگ ہی رنگ
یہ کس نے پیرہن اپنا اچھال رکھا ہے