تیرہویں سالگرہ پیراگراف کی تلخیص کریں اور مناسب عنوان تجویز کریں!
- صاحب لڑی نور وجدان
- تاریخ ابتداء
-
- ٹیگ
- نور سعدیہ شیخ
سید عمران
محفلین
ارے بہن جی۔۔۔نبیل بھیا اور سید عمران بھیا میں کانٹے دار مقابلہدیکھتے ہیں کہ پہلے کون جیتے گا
مقابلہ کوئی نہیں ہے۔۔۔
اگر ہے بھی تو ہم دست بردار ہوتے ہیں۔۔۔
مختلف انداز تحریر و افکار مختلف پھولوں کے رنگ و بو کی مانند ہوتے ہیں!!!
نیرنگ خیال
لائبریرین
یہ ایک مشکل اور خوبصورت سلسلہ ہے۔ اس کو چلنا چاہیے۔
نیرنگ خیال
لائبریرین
پیرگراف کی تلخیص کریں اور مناسب عنوان بھی تجویز کریں۔
لڑکو! تم بڑے ہو گے تو تمہیں افسوس ہوگا۔ جوں جوں تمہارا تجربہ بڑھتاجائے گا، تمہارے خیالات میں پختگی آتی جائے گی اور یہ افسوس بھی بڑھتا جائے گا۔یہ خواب پھیکے پڑتے جا ئیں گے۔ تب اپنے آپ کو فر یب نہ دے سکو گے۔بڑے ہو کر تمہیں معلوم ہو گا کہ زندگی بڑی مشکل ہے۔جینے کے لیئے مرتبے کی ضرورت ہے۔آسائش کی ضرورت ہےاور ان کے لیئے روپے کی ضرورت ہے۔اور روپیہ حاصل کرنے کے لیے مقابلہ ہوتا ہے۔مقابلے میں جھوٹ بولنا پڑتا ہے،دھوکا دینا پڑتا ہے،غداری کرنی پڑتی ہے۔یہاں کوئی کسی کی پرواہ نہیں کرتا۔دنیا میں دوستی ،محبت،انس،سب رشتے مطلب پر قائم ہیں۔محبت آمیز باتوں ،مسکراہٹوں،مہر بانیوں،شفقتوں--ان سب کی تہہ میں کوئی غرض پوشیدہ ہے۔یہاں تک کہ خدا کو بھی لوگ ضرورت پڑنے پر یاد کرتے ہیں۔اور جب خدا دعا قبول نہیں کرتا تو لوگ دہریے بن جاتے ہیں،اس کے وجود سے منکر ہو جاتے ہیں۔اور دنیا کو تم کبھی خوش نہیں رکھ سکتے۔اگر تم سادہ لوح ہوئے تو دنیا تم پر ہنسےگی،تمہارا مذاق اُڑاے گی۔اگر عقلمند ہوئے تو حسد کرے گی۔اگر الگ تھلگ رہے تو تمہیں چڑچڑا اور مکار گردانا جائے گا۔اگر ہر ایک سے گھل مل کر رہے تو تمہیں خوشامدی سمجھا جائے گا۔اگر سوچ سمجھ کر دولت خرچ کی تو تمہیں پست خیال اور کنجوس کہیں گے اور اگر فراخ دل ہوئے تو بیوقوف اور فضول خرچ۔ عمر بھر تمہیں کوئی نہیں سمجھے گا،نہ سمجھنے کی کوشش کرے گا۔تم ہمیشہ تنہا رہو گے حتی کہ ایک دن آئے گااور چپکے سے اس دنیا سے رخصت ہو جاؤ گے۔یہاں سے جاتے وقت تم متحیرہو گے کہ یہ تماشا کیا تھا۔ اس تماشےکی ضرورت کیا تھی۔یہ سب کچھ کس قدر بےمعنی اور بے سود تھا۔
از نیلی جھیل
کتاب: حماقتیں
مصنف: شفیق الرحمن
لڑکو! تم بڑے ہو گے تو تمہیں افسوس ہوگا۔ جوں جوں تمہارا تجربہ بڑھتاجائے گا، تمہارے خیالات میں پختگی آتی جائے گی اور یہ افسوس بھی بڑھتا جائے گا۔یہ خواب پھیکے پڑتے جا ئیں گے۔ تب اپنے آپ کو فر یب نہ دے سکو گے۔بڑے ہو کر تمہیں معلوم ہو گا کہ زندگی بڑی مشکل ہے۔جینے کے لیئے مرتبے کی ضرورت ہے۔آسائش کی ضرورت ہےاور ان کے لیئے روپے کی ضرورت ہے۔اور روپیہ حاصل کرنے کے لیے مقابلہ ہوتا ہے۔مقابلے میں جھوٹ بولنا پڑتا ہے،دھوکا دینا پڑتا ہے،غداری کرنی پڑتی ہے۔یہاں کوئی کسی کی پرواہ نہیں کرتا۔دنیا میں دوستی ،محبت،انس،سب رشتے مطلب پر قائم ہیں۔محبت آمیز باتوں ،مسکراہٹوں،مہر بانیوں،شفقتوں--ان سب کی تہہ میں کوئی غرض پوشیدہ ہے۔یہاں تک کہ خدا کو بھی لوگ ضرورت پڑنے پر یاد کرتے ہیں۔اور جب خدا دعا قبول نہیں کرتا تو لوگ دہریے بن جاتے ہیں،اس کے وجود سے منکر ہو جاتے ہیں۔اور دنیا کو تم کبھی خوش نہیں رکھ سکتے۔اگر تم سادہ لوح ہوئے تو دنیا تم پر ہنسےگی،تمہارا مذاق اُڑاے گی۔اگر عقلمند ہوئے تو حسد کرے گی۔اگر الگ تھلگ رہے تو تمہیں چڑچڑا اور مکار گردانا جائے گا۔اگر ہر ایک سے گھل مل کر رہے تو تمہیں خوشامدی سمجھا جائے گا۔اگر سوچ سمجھ کر دولت خرچ کی تو تمہیں پست خیال اور کنجوس کہیں گے اور اگر فراخ دل ہوئے تو بیوقوف اور فضول خرچ۔ عمر بھر تمہیں کوئی نہیں سمجھے گا،نہ سمجھنے کی کوشش کرے گا۔تم ہمیشہ تنہا رہو گے حتی کہ ایک دن آئے گااور چپکے سے اس دنیا سے رخصت ہو جاؤ گے۔یہاں سے جاتے وقت تم متحیرہو گے کہ یہ تماشا کیا تھا۔ اس تماشےکی ضرورت کیا تھی۔یہ سب کچھ کس قدر بےمعنی اور بے سود تھا۔
از نیلی جھیل
کتاب: حماقتیں
مصنف: شفیق الرحمن
فرقان احمد
محفلین
عنوان: رومان کی موت!
جیون تلخیوں سے عبارت ہے۔ زندگی پھولوں کا بستر نہیں، کانٹوں کی سیج ہے اور سہانا مستقبل محض اک خواب ہے۔ مادہ پرستی اور مسابقت کی دوڑ کبھی ختم نہیں ہو سکتی۔ انسان بالآخر شکست تسلیم کر لیتا ہے۔ دوستی اور رشتے داریاں نبھاتے نبھاتے انسان موت کی وادی میں اُتر جاتا ہے؛ دیکھا جائے تو حیات کا یہ سفر رائیگاں ہی معلوم ہوتا ہے۔
نور وجدان
لائبریرین
عنوان :سب مایا ہے
لڑکوں کی زندگی خوابوں سے بھرپور ہوتی ہے اور وقت دھیرے دھیرے حقیقت کی قینچی سے خواب کے پر کاٹ دیتا ہے تب مثالیت پسندی کے بجائے حقیقت میں رہنا پڑتا ہے ۔ ہم لوگوں کو خوش کرنے کے لیے مصلحت پسندی سے کام لیتے ہیں مگر دنیا کسی بھی حال میں جینے نہیں دیتی ہے اور نہ کسی کو سمجھ سکتی ہے ۔ عمر کی بیشتر منازل طے کرنے کے بعد تنہائی مقدر ہوجاتی ہے اور علم ہوتا کہ سب مایا ہے
لڑکوں کی زندگی خوابوں سے بھرپور ہوتی ہے اور وقت دھیرے دھیرے حقیقت کی قینچی سے خواب کے پر کاٹ دیتا ہے تب مثالیت پسندی کے بجائے حقیقت میں رہنا پڑتا ہے ۔ ہم لوگوں کو خوش کرنے کے لیے مصلحت پسندی سے کام لیتے ہیں مگر دنیا کسی بھی حال میں جینے نہیں دیتی ہے اور نہ کسی کو سمجھ سکتی ہے ۔ عمر کی بیشتر منازل طے کرنے کے بعد تنہائی مقدر ہوجاتی ہے اور علم ہوتا کہ سب مایا ہے
نیرنگ خیال
لائبریرین
میرے بہت ہی عزیز بھائی کی طرف سے بھی عنوان اور تلخیص
عنوان: آگہی کا عذاب
تلخیص:
عجیب لطف تھا نادانیوں کے عالم میں
سمجھ میں آئیں تو باتوں کا وہ مزہ بھی گیا
نیرنگ خیال
لائبریرین
یہاں پر کوئی اور رکن کوئی پیرگراف پیش کرے گا؟ یہ اتنا کٹھن کام تو نہیں۔ یا پھر میں ہی یہ کام دوبارہ کروں؟
محمد تابش صدیقی
منتظم
اب معراج فیض آبادی کو نیا شعر لکھنا پڑے گا۔
نیرنگ خیال
لائبریرین
تلخیص کیجیے۔ عنوان بھی دیجیے۔
ہم دیکھ رہے ہیں کہ مدتوں سے ہمارے شہروں میں دانش و فن سے معاندانہ بیگانگی اختیار کر لی گئی ہے۔ ہمیں چاروں طرف سے ایک ہجوم گھیرے ہوئے ہے۔ ایک ہجوم جو نہ سنتا ہے نہ سمجھتا ہے۔ ہماری بستیوں میں ایک عجیب و غریب نسل پیدا ہوگئی ہے۔ اس نسل کے پاس نہ حافظہ ہے اور نہ تخیل۔ جو ماضی کے قابل ہے اور نہ مستقبل کے شایان۔ اس کا مقدر یہ ہے کہ صرف حال میں معلق رہے۔ اس نسل کا وجود بالکل غیر طبعی ہے۔ ان کے سامنے اگر علوم و فنون کا ذکر کیا جائے تو ان کے چہرے متغیر ہوجاتے ہیں۔ ان میں سے بعض ایسے ہیں جو سوال کرتے ہیں کہ علوم و فنون کا ذائقہ کیا ہوتا ہے؟ یہ لوگ ادب، فلسفہ اور شاعری کو عام زندگی کی اشیائے ضرورت اور اسباب تعیّشات کی نسبت سے جانچتے ہیں۔
جون ایلیا
دسمبر 1958
ہم دیکھ رہے ہیں کہ مدتوں سے ہمارے شہروں میں دانش و فن سے معاندانہ بیگانگی اختیار کر لی گئی ہے۔ ہمیں چاروں طرف سے ایک ہجوم گھیرے ہوئے ہے۔ ایک ہجوم جو نہ سنتا ہے نہ سمجھتا ہے۔ ہماری بستیوں میں ایک عجیب و غریب نسل پیدا ہوگئی ہے۔ اس نسل کے پاس نہ حافظہ ہے اور نہ تخیل۔ جو ماضی کے قابل ہے اور نہ مستقبل کے شایان۔ اس کا مقدر یہ ہے کہ صرف حال میں معلق رہے۔ اس نسل کا وجود بالکل غیر طبعی ہے۔ ان کے سامنے اگر علوم و فنون کا ذکر کیا جائے تو ان کے چہرے متغیر ہوجاتے ہیں۔ ان میں سے بعض ایسے ہیں جو سوال کرتے ہیں کہ علوم و فنون کا ذائقہ کیا ہوتا ہے؟ یہ لوگ ادب، فلسفہ اور شاعری کو عام زندگی کی اشیائے ضرورت اور اسباب تعیّشات کی نسبت سے جانچتے ہیں۔
جون ایلیا
دسمبر 1958
محمد تابش صدیقی
منتظم
مطالعۂ کتب کے شوقین کہاں غائب ہیں؟
مسلسل مطالعۂ کتب کرنے والے یہ کام احسن انداز سے کر سکتے ہیں۔
مسلسل مطالعۂ کتب کرنے والے یہ کام احسن انداز سے کر سکتے ہیں۔
سید عمران
محفلین
’’علوم و فنون کی روح سے عاری معاشرہ‘‘
ایک زمانے تک علوم و فنون کی ناقدری کرنے والا معاشرہ۔۔۔
جو آج مادّہ پرستی کی اس انتہائی پستی تک پہنچ گیا کہ۔۔۔
علم و ہنر کا مقابلہ گارے مٹی سے کھڑے محلات اور زبان کی چاٹ کو تسکین دیتے کھانوں سے کرنے لگا۔۔۔
گویا انسانیت سے بھرپور معاشرے کی روح نکل گئی ۔۔۔
اور وہ ایک بے روح زندہ لاش کی مانند ہوگیا ۔۔۔
جو مٹی چٹنی چاٹنے کو زندگی کا اہم ترین مقصد سمجھ بیٹھا!!!
نیرنگ خیال
لائبریرین
ازراہِ تفنن: اس طرح تو ہم ہیڈنگز لکھتے تھے الگ سے تاکہ پیپر میں دھیان سے آگے خود سے تفصیل لکھ سکیں۔
م حمزہ
محفلین
عیش پسندی اوراسکا نتیجہ:
موجودہ نسل تساہل اور عیش پسندی کا شکار ہوگئی ہے۔ عملی و علمی دنیا سے فرار ان کا مشغلہ بن گیا ہے۔ جس کے نتیجے میں یہ کند ذہن ہوگئے ہیں۔ ان کے لئے علم و ادب کی باتیں جو کہ زندگی کا اصل سرمایہ ہیں محض ایک بھاری بھرکم بوجھ ہے جس سے چھٹکارا پانا ان کی سب سے بڑی خواہش ہے۔
فرقان احمد
محفلین
عنوان: زوال علم و فن
علم و دانش سے بیگانگی کے باعث ایک بے روح معاشرہ تشکیل پا چکا ہے اور اس بے روح معاشرے سے علوم و فنون کے فروغ کی توقع رکھنا بے کار ہے۔
La Alma
لائبریرین
وہ تو فاتحہ بھی پڑھ چکے۔ اب گڑھے مردے کون اکھاڑےمطالعۂ کتب کے شوقین کہاں غائب ہیں؟
مسلسل مطالعۂ کتب کرنے والے یہ کام احسن انداز سے کر سکتے ہیں۔
نیرنگ خیال
لائبریرین
کوئی بھی اکھاڑ سکتا ہے۔ محفل میں اس کام کے لیے ابھی باقاعدہ عہدہ اعلان نہیں کیا گیا۔وہ تو فاتحہ بھی پڑھ چکے۔ اب گڑھے مردے کون اکھاڑے
La Alma
لائبریرین
پھر ٹھیک ہے۔ جو اکھاڑ سکتا ہے اکھاڑ لے۔کوئی بھی اکھاڑ سکتا ہے۔ محفل میں اس کام کے لیے ابھی باقاعدہ عہدہ اعلان نہیں کیا گیا۔
محمداحمد
لائبریرین
عنوان : نئی نسل کی بد ذوقی کا نوحہ
تلخیص :
نہیں اب تو اہلِ جنوں میں بھی، وہ جو شوق شہر میں عام تھا
وہ جو رنگ تھا کبھی کو بہ کو، سرِ کوئے یار بھی اب نہیں
جون
نیرنگ خیال
لائبریرین
ہائے۔۔۔۔ ایسی تلخیص کسی آپ جیسے ظالم سے متوقع تھی۔ واہ۔۔۔۔