پھول کے ساتھ کیا کیا جاتا ہے؟ (نظم برائے اصلاح)

[محمد اسامہ سَرسَری]

گلشن میں کھلایا جاتا ہے​

پودوں میں سجایا جاتا ہے​

​

زندوں پہ اُڑایا جاتا ہے​

قبروں پہ چڑھایا جاتا ہے​

​

مانگوں کو سجانے کی خاطر​

کہہ کہہ کے منگایا جاتا ہے​

​

محبوب کی دل جوئی کے لیے​

راہوں میں بچھایا جاتا ہے​

​

قسمت میں جدائی ڈالی گئی​

ڈالی سے ہٹایا جاتا ہے​

​

چوری نہیں سمجھی جاتی ہے​

جب اس کو چرایا جاتا ہے​

​

چٹکی میں مسلنے سے پہلے​

سینے سے لگایا جاتا ہے​

​

بنتا ہے ”گلستاں“ سرسری! جب​

تب ”گل“ کو ”ستایا“ جاتا ہے​

 

[محمد اسامہ سَرسَری]

یہ نظم میں نے اس مسکراتے نثر کلام سے اخذ کی ہے:

۔۔۔۔گلستان میں پھول کھلائے جاتے ہیں، کیاریوں میں پھول لگائے جاتے ہیں جبکہ گلدان میں یا بالوں میں پھول سجائے جاتے ہیں۔ اسی طرح مزار پر پھول چڑھائے جاتے ہیں جبکہ راہوں میں پھول بچھائے جاتے ہیں۔ گو کہ اس میں تھوڑی بہت رد و بدل کی گنجائش ہے اور اس سے ہٹ کر مثالیں مل جائیں گی۔

 

[الف عین]

خوب، لیکن مجھے لگا کہ یہ اس قرآن کی پیروڈی کی ہے جو کہتا ہے کہ ’طاقوں میں سجایا جاتا ہوں"

 

[محمد اسامہ سَرسَری]

خوب، لیکن مجھے لگا کہ یہ اس قرآن کی پیروڈی کی ہے جو کہتا ہے کہ ’طاقوں میں سجایا جاتا ہوں"

جی جناب! واقعی یہ تو میں نے بھی اب محسوس کیا، صرف اتنا فرق رہ گیا ہے کہ قرآن والی نظم میں ”ہوں“ ہے اور اس میں ”ہے“۔ اب تک اگرچہ میرے ذہن میں یہ بات نہیں آئی تھی، میں نے وہ نظم بہت بار سنی ہے پہلے کسی زمانے میں، غالبا اسی کا اثر ہے۔

 

[محمد اسامہ سَرسَری]

ٹیگ نامہ

 

[ملائکہ]

ہممم ٹھیک ہے۔۔۔

 

[عبد الرحمن]

بہت خوب اے گلستانِ سرسری کے مہکتے پھول! اللہ تعالی نظر بد سے بچائے۔

 

[مہدی نقوی حجاز]

خوب نظم ہے میاں۔
بس ایک چھوٹی سی ناآسودگی ہوئی مقطع پڑھتے ہوئے!
میرے خیال سے یہاں "سرسری" کے گرنے میں مزہ نہیں آ رہا۔ رسیدگی کیجے!

 

[محمد اسامہ سَرسَری]

ہممم ٹھیک ہے۔۔۔

اچھا؟

 

[محمد اسامہ سَرسَری]

بہت خوب اے گلستانِ سرسری کے مہکتے پھول! اللہ تعالی نظر بد سے بچائے۔

جزاکم اللہ خیرا!

 

[محمد اسامہ سَرسَری]

خوب نظم ہے میاں۔
بس ایک چھوٹی سی ناآسودگی ہوئی مقطع پڑھتے ہوئے!
میرے خیال سے یہاں "سرسری" کے گرنے میں مزہ نہیں آ رہا۔ رسیدگی کیجے!

بہت شکریہ پسند فرمانے اور رائے دینے کا۔
جزاکم اللہ خیرا۔

 

[ملائکہ]

اچھا؟

ہممممم

 

[محمد خلیل الرحمٰن]

بہت خوب صورت نظم ہے سرسری بھائی۔ داد قبول فرمائیے

 

[محمد اسامہ سَرسَری]

بہت خوب صورت نظم ہے سرسری بھائی۔ داد قبول فرمائیے

جزاکم اللہ خیرا جناب! دل کی گہرائی سے کیا جانے والا شکریہ قبول فرمائیے۔

 

[محمد علم اللہ]

بہت خوب بھائی جان طبیعت خوشی ہوئی الہم زد فزد۔

 

[محمد اسامہ سَرسَری]

بہت خوب بھائی جان طبیعت خوشی ہوئی الہم زد فزد۔

بہت شکریہ! آپ کی اس تعریف سے تو ہم سراپا خوش ہوئے۔
جزاکم اللہ خیرا۔

 

[شاہد شاہنواز]

بحر بھی وہی اور قافیہ بھی، لیکن ردیف الگ ہے قرآن والی نظم سے، سو یہ نظم اس کی پیروڈی نہیں کہلائے گی۔۔۔

 

[عمر سیف]

بہت اچھے۔

 

[محمد اسامہ سَرسَری]

بحر بھی وہی اور قافیہ بھی، لیکن ردیف الگ ہے قرآن والی نظم سے، سو یہ نظم اس کی پیروڈی نہیں کہلائے گی۔۔۔

ہمم ۔۔۔ یہ بھی ٹھیک ہے۔

 

[محمد اسامہ سَرسَری]

بہت اچھے۔

بہت شکریہ جناب!