پھر نیا عشق کر لیا جائے

[محمود احمد غزنوی]

شاعری ایسی کیا ضروری ہے
کیوں نہ کچھ اور کرلیا جائے

 

[ناصر علی مرزا]

بھائی جان شاعری شاعری ہے یہ مضمون کہاں سے آتے ہیں کیسے آتے ہیں یہ ایک راز اور لمبی بحث ہے، اور پڑھنے والے پر بھی منحصر ہے کہ وہ کس شعر کو کیا سمجھتا ہے، پلیز آپ پہلے شاعری کو سجھیں کہ شاعری ہے کیا ؟ معذرت کیساتھ عرض۔

جناب عالی میں معذرت خواہ ہوں مفہوم کو بیان کرنے میں صحیح الفاظ کے انتخاب میں کامیاب نہیں ہوسکا -میری بات کا مقصد کچه اور تها -

 

[ایم اے راجا]

شاعری ایسی کیا ضروری ہے
کیوں نہ کچھ اور کرلیا جائے

چھوڑنے سے یہ چھوٹتی کب ہے
شاعری بھی شراب جیسی ہے

 

[ایم اے راجا]

استاد محترم الف عین صاحب کچھ مصرعے ذہن میں آئے ہیں دیکھیئے گا۔​

پہلا مصرعہ یو ںسوجھا ہے،
منزلِ عشق دور ہے کافی
زادِ رھ سر پہ دھر لیا جائے

منزلِ عشق دور ہے کافی
ساتھ زادِ سفر لیا جائے
( مگر سفر کا قافیہ ایک اور شعر میں بھی ہے)
منزلِ عشق دور ہے کافی
ساتھ اک ہمسفر لیا جائے

منزلِ عشق دور ہے کافی
چلنے کو اب سنور لیا جائے

منزلِ عشق دور ہے کافی
کیوں نہ اک ہمسفر لیا جائے

منزلِ زیست دور ہے کافی
کیوں نہ اک ہمسفر لیا جائے

منزلِ زیست دور ہے کافی
ساتھ اک ہمسفر لیا جائے

منزلِ عشق دور ہے کافی
کچھ تو زادِ سفر لیا جائے

مگر میرے خیال سے یہ شعر بہتر ہے،
منزلِ عشق دور ہے کافی
زادِ رھ سر پہ دھر لیا جائے

ایک صورت اور بھی ہو سکتی ہے، تیز چلنے کی معنی میں،
منزلِ عشق دور ہے کافی
سر پہ پاؤں کو دھر لیا جائے

مقطع یو ںسوجھا ہے،
وہ رخِ ماہتاب ہے راجا
اس سے کیفِ نظر لیا جائے

وہ رخِ ما ہتاب ہے راجا
کیوں نہ کیفِ نظر لیا جائے​

استاد محترم الف عین صاحب ذرا دیکھیئے گا پلیز

 

[ایم اے راجا]

استاد محترم الف عین صاحب ذرا یہاں تشریف لائیے گا پلیز

پھر نیا عشق کر لیا جائے
آنکھ میں حسن بھر لیا جائے

وہ ملے یا نہیں ملے لیکن
شہر میں اُس کے گھر لیا جائے

روز کے مرنے سے تو بہتر ہے -- روز مرنے سے لاکھ بہتر ہے ( سر ان دونوں میں سے کون سا زیادہ بہتر مصرع ہے)
ایک ہی روز مر لیا جائے

منزلِ عشق ہے بہت ہی دور
زادِ رھ سر پہ دھر لیا جائے

زندگی آگ کا سمندر ہے
جتنا جلدی - اس سےجلدی گذر لیا جائے ( سر ان دونوں میں سے کون سا زیادہ بہتر مصرع ہے)

کون رہبر ہے راہِ ویراں میں
کس سے اِذنِ سفر لیا جائے

سب بنے پھرتے ہیں یہاں استاد
کیا کسی سے ہنر لیا جائے

وہ رُخِ ما ہتاب ہے راجا
اُس سے - کیوں نہ کیفِ نظر لیا جائے​

 

[الف عین]

روز مرنے سے لاکھ بہتر ہے
رواں ہے زیادہ
دھر لیا جائے تو پسند نہیں آیا، نکال ہی دو اسے
اس سے کیفِ نظر۔۔ بہتر ہے
آگ کا سمندر میں تیزی سے گزرنے کی بات کی جائے تو بہتر ہو شاید۔

 

[ایم اے راجا]

روز مرنے سے لاکھ بہتر ہے
رواں ہے زیادہ
دھر لیا جائے تو پسند نہیں آیا، نکال ہی دو اسے
اس سے کیفِ نظر۔۔ بہتر ہے
آگ کا سمندر میں تیزی سے گزرنے کی بات کی جائے تو بہتر ہو شاید۔

پھر نیا عشق کر لیا جائے
آنکھ میں حسن بھر لیا جائے

وہ ملے یا نہیں ملے لیکن
شہر میں اُس کے گھر لیا جائے

روز مرنے سے لاکھ بہتر ہے
ایک ہی روز مر لیا جائے

زندگی آگ کا سمندر ہے
اس سےجلدی گذر لیا جائے

کون رہبر ہے راہِ ویراں میں
کس سے اِذنِ سفر لیا جائے

سب بنے پھرتے ہیں یہاں استاد
کیا کسی سے ہنر لیا جائے

وہ رُخِ ما ہتاب ہے راجا
اُس سے کیفِ نظر لیا جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سر مجھے آپ کی بات اس شعر سے متعلق سمجھ نہیں آئی کیا یہ یوں ہی بہتر ہے
زندگی آگ کا سمندر ہے
اس سےجلدی گذر لیا جائے
یا یوں زیادہ اچھا ہے
زندگی آگ کا سمندر ہے
جتنی جلدی گذر لیا جائے ​

 

[عظیم]

زندگی آگ کا سمندر ہے
جلد ہی پار کر لیا جائے

آیئے یہ بهی ایک مجه سا ہے
آیئے یہ بهی دهر لیا جائے

 

[ایم اے راجا]

پھر نیا عشق کر لیا جائے
آنکھ میں حسن بھر لیا جائے

وہ ملے یا نہیں ملے لیکن
شہر میں اُس کے گھر لیا جائے

روز مرنے سے لاکھ بہتر ہے
ایک ہی روز مر لیا جائے

زندگی آگ کا سمندر ہے
اس سےجلدی گذر لیا جائے

کون رہبر ہے راہِ ویراں میں
کس سے اِذنِ سفر لیا جائے

سب بنے پھرتے ہیں یہاں استاد
کیا کسی سے ہنر لیا جائے

وہ رُخِ ما ہتاب ہے راجا
اُس سے کیفِ نظر لیا جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سر مجھے آپ کی بات اس شعر سے متعلق سمجھ نہیں آئی کیا یہ یوں ہی بہتر ہے
زندگی آگ کا سمندر ہے
اس سےجلدی گذر لیا جائے
یا یوں زیادہ اچھا ہے
زندگی آگ کا سمندر ہے
جتنی جلدی گذر لیا جائے ​

سر الف عین صاحب ایک نظر دوبارہ ادھر کو پلیز

 

[nazar haffi]

وہ ملے یا نہیں ملے لیکن
شہر میں اُس کے گھر لیا جائے

شاید زاد راہ اسی لئے چاہیے

 

[الف عین]

اس کا مجھے بھی کچھ نہیں سوجھ رہا ہے۔ لیکن یہاں ’تیزی سے یا تیز تیز کا محل ہے۔ کچھ سوچو۔ اور مل جائے تو بہتر، ورنہ ’اس سے جلدی‘ ہی قبول کر لیا جائے۔

 

[ایم اے راجا]

اس کا مجھے بھی کچھ نہیں سوجھ رہا ہے۔ لیکن یہاں ’تیزی سے یا تیز تیز کا محل ہے۔ کچھ سوچو۔ اور مل جائے تو بہتر، ورنہ ’اس سے جلدی‘ ہی قبول کر لیا جائے۔

جتنی جلدی گذر لیا جائے
کیا یہ مصرع ٹھیک نہیں ہو گا تیزی سے گذرنے کے لیئے ؟