پنجابی پسندیدہ اشعار

شمشاد خان نے 'پنجابی فورم' کی ذیل میں اس موضوع کا آغاز کیا، ‏اپریل 5, 2020

  1. گُلِ یاسمیں

    گُلِ یاسمیں لائبریرین

    مراسلے:
    3,674
    جھنڈا:
    Pakistan
    موڈ:
    Question
    روز ازل تُوں ننگے پِنڈے آندا ایس جہانے
    اِک کفن دی خاطر بندہ کِنّاں پینڈا کردا اے
     
    • پسندیدہ پسندیدہ × 1
    • معلوماتی معلوماتی × 1
  2. شمشاد

    شمشاد لائبریرین

    مراسلے:
    212,078
    جھنڈا:
    Pakistan
    موڈ:
    Relaxed
    ہو وے پئ تقصیر کسے دی دکھ پیا کوئی جردا اے
    بھل چک ہوندی اکھیاں کولوں دل جرمانے بھر دا اے

    چین کسے تھاں لین ناں دیوے چنگا چیتر چڑھیا اے
    دھپے چنگاں مارن لگدا چھانویں پنڈا ٹھر دا اے

    ملک عدم توں ننگے پنڈے آندے ایس جہانے
    بندہ اک کفن دی خاطر کناں پینڈا کردا اے

    منیاں میں اخلاص جئی ہن سستی چیز ناں کوئی
    اوہوں کجھ میں لے کے آیا جو کجھ مینوں سردا اے
     
    • دوستانہ دوستانہ × 2
    • پسندیدہ پسندیدہ × 1
  3. گُلِ یاسمیں

    گُلِ یاسمیں لائبریرین

    مراسلے:
    3,674
    جھنڈا:
    Pakistan
    موڈ:
    Question
    ایس دنیا دے میلے وچہ
    رنگ رنگ دے کھیڈ تماشے
    کوئی بُکاں بھر بھر رووے
    کسے دے ڈھلدے ہاسے
    کسے دوالے رونق چوکھی
    کوئی اے کلم کلّا
    کسے دا کھیسہ نوٹاں بھریا
    کسے دا خالی پلّا
     
    • پسندیدہ پسندیدہ × 2
    • دوستانہ دوستانہ × 1
  4. شمشاد

    شمشاد لائبریرین

    مراسلے:
    212,078
    جھنڈا:
    Pakistan
    موڈ:
    Relaxed
    سن کے تیرا فون وے ماہی
    ودھ جاندا اے خون وے ماہی

    بھانویں چر کا آیا فر وی
    میں تیری ممنوں وے ماہی

    کر کے مٹھیاں مٹھیاں گلاں
    دل نوں ملے سکون وے ماہی

    مارچ دا توں وعدہ کیتا
    لنگدا جاوے جون وے ماہی

    یار توں یار جدا ناں ہووے
    بن جئے کدی قانون وے ماہی

    سانوں غیراں دے وس پا کے
    جا وسیاں اے رنگون وے ماہی
     
    • پسندیدہ پسندیدہ × 2
    • زبردست زبردست × 1
    • دوستانہ دوستانہ × 1
  5. گُلِ یاسمیں

    گُلِ یاسمیں لائبریرین

    مراسلے:
    3,674
    جھنڈا:
    Pakistan
    موڈ:
    Question
    ڈھا کے صدراں دے محل مینارے اسی مُڑ وطناں توں دور چلے
    مار چُپ دی بُکل اپنا آپ لکویا ، اسی ہو کے ڈاہڈے مجبور چلے
     
    • پسندیدہ پسندیدہ × 1
    • دوستانہ دوستانہ × 1
  6. شمشاد

    شمشاد لائبریرین

    مراسلے:
    212,078
    جھنڈا:
    Pakistan
    موڈ:
    Relaxed
    سبھ توں سوہنا جگ توں وکھرا چیت بہاراں وانگوں
    میرے لئی تے پِنڈ سی میرا گوڑھے یاراں وانگوں

    وٹ تے ٹریاں انج لگدا سی جیوں جنتاں وچ آ گئے
    کھڑ کھڑ ہسدے پھل سرہوں دے جد مٹیاراں وانگوں

    کیہ تلواری نک تے قسمے پنڈ دی اک اک رُت دی
    سیباں ورگی ٹھوڑی سی تے دند اناراں وانگوں

    لہندے ولوں چڑھدے ٹر گئے‘ چڑھدے ولوں لہندے
    اک تھاں چوگاں چگدے سن جو رل کے ڈاراں وانگوں

    سوچ رہیا واں اِک دُوجے دے کسراں ویری ہو گئے
    ہسدے ہسدے نِت ملدے سن جو دل داراں وانگوں

    وسدا رہے پنجاب اساڈا جہدا اک اک واسی
    میرے لئی اے پِیراں ولیاں تے اوتاراں وانگوں

    جد وی آون سجناں لئی اے ہر ویلے ای سندھوؔ
    مسجد ورگی اکھ اساڈی دل درباراں وانگوں
    ارشاد سندهو
     
    • پسندیدہ پسندیدہ × 1
    • دوستانہ دوستانہ × 1
  7. عبدالقیوم چوہدری

    عبدالقیوم چوہدری محفلین

    مراسلے:
    18,509
    جھنڈا:
    Pakistan
    موڈ:
    Relaxed
    اُنج اینھوں ’پرمزاح‘ دی ریٹنگ ملنی چاہی دی سی۔ سواد آیا پڑھ کے۔
     
    • پسندیدہ پسندیدہ × 1
  8. سیما علی

    سیما علی لائبریرین

    مراسلے:
    18,099
    جھنڈا:
    Pakistan
    موڈ:
    Cool
    1. جہڑی بوٹی دل وچّ لائی
    جہڑی بوٹی دل وچّ لائی، اوہ بوٹی اج پھل گئی اے ۔
    رو رو کے جو لکڑی سکی، عشقَ دی اگّ وچّ بل گئی اے ۔
    لمیاں عمراں دے پینڈے وی، آخر نوں مکّ جاندے نے،
    کی ہویا جے تیری اک، جوانی ایتھے ڈھل گئی اے ۔

    میرا دوش نہیں اے کوئی، جد تکّ ہویا چپّ رہا،
    کنوں-کنیں لکدی-چھپدی، بھرے-بازار 'چ گلّ گئی اے ۔

    ایویں نہیں پئے دیوے بلدے، ایویں نہیں پئے جھنڈے جھلدے،
    روضیاں والیاں قبراں دے وچّ، تیرے عشقَ دی چھلّ گئی اے ۔

    چپ چپیتیاں زہر نوں پیتا، 'واصف نے بدنام نہ کیتا،
    مینوں دیکھ کے دنیاں دی گلّ، آپے تیرے ولّ گئی اے
     
    • پسندیدہ پسندیدہ × 1
  9. سیما علی

    سیما علی لائبریرین

    مراسلے:
    18,099
    جھنڈا:
    Pakistan
    موڈ:
    Cool
    سارے لوکی ٹر گئے لے گئی نال قضا
    گلیاں ہوکے بھردیاں روندی پھرے ہوا

    کندھیاں سنج مسنجیاں کوٹھے وانگ بلا
    کوکاں دین حویلیاں ساڈے ول نہ آ
     
    • پسندیدہ پسندیدہ × 2
  10. شمشاد

    شمشاد لائبریرین

    مراسلے:
    212,078
    جھنڈا:
    Pakistan
    موڈ:
    Relaxed
    کجھ بُغض دی رِیت وچ نئیں ملدا
    کجھ ہار تے جیت وچ نئیں ملدا

    مخلوقِ خُدا نال پیار تے کر
    رَب صرف مسیت وچ نئیں ملدا
     
    • زبردست زبردست × 1
    • دوستانہ دوستانہ × 1
  11. ام عبدالوھاب

    ام عبدالوھاب محفلین

    مراسلے:
    2,174
    جھنڈا:
    Pakistan
    موڈ:
    Busy
    اک دعا کیتی اے ۔آمین کہہ دیو۔
    ۔
    نبیﷺ دے روضے دا ویہڑہ اتے بدلاں دی چھاں ہووے
    سنہری جالیاں ہوون جنت جہئی ٹھنڈی تھاں ہووے
    زباں پڑھدی درود ہووے ،ہتھاں دے وچ قرآں ہووے
    سر سجدے چ ہووے تے،نکلدی میری جاں ہووے
    آمین
    ام عبدالوھاب
     
    آخری تدوین: ‏اپریل 8, 2021
    • پسندیدہ پسندیدہ × 2
    • دوستانہ دوستانہ × 1
  12. شمشاد

    شمشاد لائبریرین

    مراسلے:
    212,078
    جھنڈا:
    Pakistan
    موڈ:
    Relaxed
    بڑا عشق عشق توں کرنا ایں
    کدی عشق دا گُنجل کھول تے سعی

    تینون مٹی وچ نہ رول دیوے
    دو پیار دے بول - بول تے سعی

    سُکھ گھٹ تے درد ہزاراں ملن
    کدی عشق نوں تکڑی تول تے سعی

    تیری ہسدی اکھ وی پجھ جاوے
    کدی سانوں اندروں پھول تے سعی
    (وارث شاہ)
     
    • دوستانہ دوستانہ × 1
  13. شمشاد

    شمشاد لائبریرین

    مراسلے:
    212,078
    جھنڈا:
    Pakistan
    موڈ:
    Relaxed
    کم دی گل اے سن کن لا کے
    کج نئیں لبھدا دور وی جا کے

    اوہ سدا لئی کھجل ہویا
    ورثہ جیہڑا گیا بھلا کے

    پنڈاں وچوں پٹے ڈیرے
    شہراں دے وچ گھر بنا کے

    الف انار دی پٹی بھل گئے
    اے،بی،سی دے قاعدے چا کے

    شہراں تیری پگ وی لا لئی
    بیٹھا رو ہن مان ونجا کے

    تینوں کنک دا رنگ وی بھلیا
    ملاں والا آٹا کھا کے

    کسے نئیں اوتھے دکھ ونڈانا
    دیس پرائے بیٹھا جا کے

    ایتھے چاچے،تائے تے پھوپھیاں
    اوتھے دس ہاں کوئی بنا کے

    صاف شفاف ہوا توں گیوں
    انجن والا دھواں کھا کے

    کم نوں سارے ملدے تینوں
    ویکھ لویں پاویں آزما کے

    سڑکاں کولوں لکھ سہانیاں
    پنڈ دیاں گلیاں ویکھ لے آکے

    پیپسی،کوک،تے فانٹا کج نئیں
    کھوئی دے پانی اگے آ کے

    ناز میں تیریاں راہوں ویکھاں
    بوہڑ دی چھاویں منجا ڈھا کے
     
    • زبردست زبردست × 2
  14. شمشاد

    شمشاد لائبریرین

    مراسلے:
    212,078
    جھنڈا:
    Pakistan
    موڈ:
    Relaxed
    اکھیاں نیں کشکول وے سجنا
    در درشن دا کھول وے سجنا

    تکڑی دے وچ رکھ جفا نوں
    ہنجو میرے تول وے سجنا

    عشق ترے دی لگّی بولی
    میں وکی بن مول وے سجنا

    ہتھ نے غیر دے ہتھاں وچ
    انج نہ سانوں رول وے سجنا

    اکھیاں دے وچ لکھّاں طعنے
    کُجھ تے مونہوں بول وے سجنا

    پَنڈ غماں دی سر تے چا ئی
    گل پیا وجّے ڈھول وے سجنا

    آخری ہچکی لگّی مینوں
    ہُن تے آجا کول وے سجنا
     
    • پسندیدہ پسندیدہ × 1
    • دوستانہ دوستانہ × 1
  15. شمشاد

    شمشاد لائبریرین

    مراسلے:
    212,078
    جھنڈا:
    Pakistan
    موڈ:
    Relaxed
    سبھ توں سوہنا جگ توں وکھرا چیت بہاراں وانگوں
    میرے لئی تے پِنڈ سی میرا گوڑھے یاراں وانگوں

    وٹ تے ٹریاں انج لگدا سی جیوں جنتاں وچ آ گئے
    کھڑ کھڑ ہسدے پھل سرہوں دے جد مٹیاراں وانگوں

    کیہ تلواری نک تے قسمے پنڈ دی اک اک رُت دی
    سیباں ورگی ٹھوڑی سی تے دند اناراں وانگوں

    لہندے ولوں چڑھدے ٹر گئے‘ چڑھدے ولوں لہندے
    اک تھاں چوگاں چگدے سن جو رل کے ڈاراں وانگوں

    سوچ رہیا واں اِک دُوجے دے کسراں ویری ہو گئے
    ہسدے ہسدے نِت ملدے سن جو دل داراں وانگوں

    وسدا رہے پنجاب اساڈا جہدا اک اک واسی
    میرے لئی اے پِیراں ولیاں تے اوتاراں وانگوں

    جد وی آون سجناں لئی اے ہر ویلے ای سندھوؔ
    مسجد ورگی اکھ اساڈی دل درباراں وانگوں
    ارشاد سندهو
     
  16. شمشاد

    شمشاد لائبریرین

    مراسلے:
    212,078
    جھنڈا:
    Pakistan
    موڈ:
    Relaxed
    تھاں تھاں رب دی رحمت وسدی کِردا نور سویرے
    اج وی آؤندا ساڈے پِنڈ وچ ویکھ سرور سویرے

    میں سُنیا جد پتراں پڑھیاں پاک نبی دیاں نعتاں
    اللہ اللہ کردا سی ہر رُکھ دا بور سویرے

    اوہدا وِرد پکاؤندے پنچھی چوگاں لئی اُڈ جاندے
    اوہدی آس تے ٹُر پیندے نیں سبھ مزدور سویرے

    قسمے اِک اِک گھر تے قسمے اِک ویڑھے اندر
    روز توحیدی تپدا ڈِٹھا میں تندور سویرے

    میری جنتی ماں سی قسمے روز مصلّےاُتوں
    اُٹھدی پاک دروداں والا بھر کے پور سویرے

    آ کے ویکھ نمازاں پڑھدے اج وی اِک مسیتے
    ساڈے پنِڈ دے تگڑے ماڑے تے مجبور سویرے

    رب سلامت رکھے سندھو چانن ساڈے پِنڈ دا
    رب کرے نہ ہون کدی وی ساتھوں دور سویرے
     
  17. شمشاد

    شمشاد لائبریرین

    مراسلے:
    212,078
    جھنڈا:
    Pakistan
    موڈ:
    Relaxed
    مُک گئیاں نے ساہواں ہاواں رہ گئیاں
    یاداں چُکدیاں چُکدیاں باہواں رہ گئیاں

    باؤ سارے شہراں دے وچ جا وسّے
    پنڈاں دے وچ کَلیاں ماواں رہ گئیاں

    میماں پنڈ دے مُنڈے اپنے کر لے سن
    ہائے مسیریں تکدیاں راہواں رہ گئیاں

    پپل، ٹاہلی، بوڑھ نہ ڈھارا بوٹے دا
    ناں اوہ سنگنے رُکھ نہ چھاواں رہ گئیاں

    لَسی ساگ تے مکھن توے دی روٹی تے
    لاڈ وراگ تے نہ اوہ چاہواں رہ گئیاں

    جاندی واری پُتر مِل کے نئیں ٹُریا
    میریاں باہواں وچ دعاواں رہ گئیاں

    جتھے بہہ کے سارے دُکھ ونڈاندے سی
    کتھے یار صغیر اوہ تھاواں رہ گئیاں
    (صغیر احمد صغیر)
     
    • دوستانہ دوستانہ × 1
  18. شمشاد

    شمشاد لائبریرین

    مراسلے:
    212,078
    جھنڈا:
    Pakistan
    موڈ:
    Relaxed
    ساڈا کومل دل توڑ كے تینوں کی ملیا
    ایس پھل نوں مروڑ كے تینوں کی ملیا

    میرا دل تے کچ وانگوں نازک سی
    اے بے سہارہ چھوڑ كے تینوں کی ملیا

    اسی تے تینوں پلکان طے بٹھای رکھیا
    ساڈے تو مکھ موڑ كے تینوں کی ملیا

    سانو پتہ نیئں کس دی نظر کھا گئی
    ساڈی جوڑی توڑ كے تینوں کی ملیا

    غماں دی گھمن گیری چ بیڑی پھسا كے
    مینوں عشق سمندر کلا چھوڑ كے تینوں کی ملیا
    (محمد اصغر میر پوری)
     
    • پسندیدہ پسندیدہ × 1
  19. شمشاد

    شمشاد لائبریرین

    مراسلے:
    212,078
    جھنڈا:
    Pakistan
    موڈ:
    Relaxed
    پاٹا چولا لیر و لیر سیں لیندا اے درزی
    دل دا محرم کوئی نہ ملیا، جو ملیا سو غرضی
     
    • زبردست زبردست × 1
  20. شمشاد

    شمشاد لائبریرین

    مراسلے:
    212,078
    جھنڈا:
    Pakistan
    موڈ:
    Relaxed
    تُوں لکھ بُھلا کے ویکھ سانوں
    اسیں یاری فیر وی نبھاواں گے

    تُوں پانی پی پی تھک جا سیں
    اسیں ہچکیاں بن بن آواں گے
     
    • پسندیدہ پسندیدہ × 1

اس صفحے کی تشہیر