پروگرامنگ پروگرامنگ میں رہنمائی

اشتیاق علی نے 'پروگرامنگ' کی ذیل میں اس موضوع کا آغاز کیا، ‏ستمبر 10, 2012

  1. اشتیاق علی

    اشتیاق علی لائبریرین

    مراسلے:
    10,994
    جھنڈا:
    Pakistan
    موڈ:
    Breezy
    اصل میں یہ دھاگہ پہلے ایک ذاتی پیغام تھا مگر اس کے بارے میں رائے ملی کہ اس کا بھی دھاگہ کھولا جانا چاہئے تاکہ دوسرے اراکین بھی اس سے استفادہ حاصل کر سکیں۔
    میں چونکہ ڈیزائننگ کے شعبہ سے منسلک ہوں اور 2005ء سے اب تک اسی پیشے سے منسلک ہوں اور وقتا فوقتا ویب ڈیزائننگ کے سلسلہ میں بھی کام کرنے کی ضرورت پڑتی رہتی ہے۔ چونکہ ڈیزائننگ کے علاوہ میں کسی بھی ویب لینگوئج کے بارے میں نہیں جانتا تھا۔ اس کے لیے ایچ ٹی ایم ایل سے شروعات کی ۔ ایچ ٹی ایم ایل کے بعد سی ایس ایس جس میں ڈیزائننگ کے کافی فیچرز کے بارے میں پڑھا ، تجربات کیے اور کامیاب بھی رہا ۔ ان دونوں زبانوں پر تقریبا ایک سال سے پریکٹس کر رہا ہوں اور متعدد بار ٹیمپلیٹ بھی بنا چکا ہوں۔
    اس کے بعد مجھے ضرورت محسوس ہوئی کیوں نہ سرور سائیڈ کسی لینگوئج کے بارے میں پڑھا جائے اور اس سے استفادہ حاصل کیا جائے۔ اسی سلسلے میں میری بات ابن سعید سعود بھائی سے ہوئی تو انہوں نے گراں قدر رہنمائی کی ۔
    کیونکہ میں ایچ ٹی ایم ایل اور سی ایس ایس کے علاوہ کسی اور زبان سے آگاہی نہیں رکھتا تھا اس لیے یہ دھاگہ کھولنا مناسب سمجھا کہ دوسرے احباب جو میری طرح اس فیلڈ میں نئے ہیں انہیں خاطر خواہ رہنمائی فراہم کی جائے۔
    امید ہے کہ احباب اس میں بڑھ چڑھ کر حصہ لیں گے۔
     
    • پسندیدہ پسندیدہ × 3
    • زبردست زبردست × 2
  2. اشتیاق علی

    اشتیاق علی لائبریرین

    مراسلے:
    10,994
    جھنڈا:
    Pakistan
    موڈ:
    Breezy
    اس سلسلہ میں میری اور سعود بھائی کی جو بات ہوئی تھی وہ شامل محفل کر دیتا ہوں۔
     
    • پسندیدہ پسندیدہ × 4
    • زبردست زبردست × 3
  3. محب علوی

    محب علوی لائبریرین

    مراسلے:
    12,236
    جھنڈا:
    Pakistan
    موڈ:
    Bookworm
    بہت اچھا دھاگہ شروع کیا ہے اور میرے خیال سے اس سے بہت سے لوگوں کو فائدہ ہوگا۔

    اب ایک چیز جسے سیکھ رہے ہیں یا سیکھنے کا ارادہ ہے ، اس پر کام شروع کریں اور دھاگہ میں پوسٹ کرتے رہیں۔
     
    • پسندیدہ پسندیدہ × 1
    • متفق متفق × 1
  4. محمد جاوید اختر

    محمد جاوید اختر محفلین

    مراسلے:
    289
    جھنڈا:
    Pakistan
    موڈ:
    Breezy
    میرا کام ڈیکور کا ہے دراصل میں کسی تصویر کو صرف لائن میں دیکھنا چاہتا ہوں
    اگر میرے پاس ایک ڈیزائن کی تصویر ہے اس کو صرف لائن کی ضرورت ہوتی ہے تو کیسے بنا یا جاے گا
    اگر کوئی دوست میری مدد فرما دے تو نوازش ہو گی ۔
     
  5. ابن سعید

    ابن سعید خادم

    مراسلے:
    60,165
    آپ کا سوال سمجھنے سے قاصر ہیں۔ :)
     
    • متفق متفق × 2
  6. اشتیاق علی

    اشتیاق علی لائبریرین

    مراسلے:
    10,994
    جھنڈا:
    Pakistan
    موڈ:
    Breezy
    سیکھنے چاہتے تو ہیں مگر ابھی شروع نہیں کیا۔ پی ایچ پی اور مائی ایس قیو ایل سیکھنے کا ارادہ رکھتے ہیں۔ مگر پھر وہی بات آڑے آ جاتی ہے کہ ان زبانوں سے ناآشنا ہیں۔ :(
     
  7. حسیب نذیر گِل

    حسیب نذیر گِل محفلین

    مراسلے:
    7,241
    جھنڈا:
    Pakistan
    موڈ:
    Innocent
    اچھا دھاگہ شروع کیا ہے چلیں اسی میں ہماری رہنمائی بھی ہو جائیگی
     
    • پسندیدہ پسندیدہ × 1
  8. محب علوی

    محب علوی لائبریرین

    مراسلے:
    12,236
    جھنڈا:
    Pakistan
    موڈ:
    Bookworm
    پی ایچ پی کی بجائے اب بہتر ہوگا کہ روبی یا پائتھون سیکھ لیں ۔

    مائی ایس کیو ایل بہت اچھی ڈیٹا بیس ہے مگر اب اوریکل کے پاس جانے کے بعد اس کا مستقبل تابناک نہیں ہے۔

    آپ پائتھون والے دھاگے پر ذرا زیادہ توجہ دیں تو آپ کے بہت سے شکوے دور ہو جائیں گے۔ پائتھون سیکھنے کے بعد روبی سیکھنا کافی سہل ہے۔

    مائی ایس کیو ایل یا پوسٹ گریس پر مستقبل میں ایک دھاگہ شروع کرنے کا میرا ارادہ ہے مگر ابھی پائتھون پر توجہ مرکوز ہے۔

    آپ HTML اور CSS پر دھاگہ شروع کریں وہ بھی بہت دلچسپ ہیں اور اس میں شروع کرکے آپ کافی کچھ مزید سیکھیں گے۔
     
    • زبردست زبردست × 1
    • متفق متفق × 1
  9. محمدصابر

    محمدصابر محفلین

    مراسلے:
    7,160
    جھنڈا:
    Pakistan
    موڈ:
    Brooding
    میں نے کوئی تحقیق تو نہیں کی لیکن اس دھاگے کا فائدہ اٹھاتے ہوئے پوچھ لیتا ہوں کہ بڑے موبائل آپریٹنگ سسٹم جیسے اینڈرائیڈ یا آئی او ایس کے ساتھ کونسی ڈیٹا بیس چل سکتی ہیں۔ پھر میں وہی سیکھوں :)
     
  10. محب علوی

    محب علوی لائبریرین

    مراسلے:
    12,236
    جھنڈا:
    Pakistan
    موڈ:
    Bookworm
  11. ابن سعید

    ابن سعید خادم

    مراسلے:
    60,165
    اس کو ڈیٹا بیس کہنے ے بجائے ڈیٹا بیس ایپلیکیشن کہنا زیادہ مناسب ہوگا۔ کیوں کہ یہ غالباً ایک ہوسٹیڈ سروس ہے کوئی ڈیٹا بیس انجن نہیں۔ :)
     
    • متفق متفق × 2
  12. ابن سعید

    ابن سعید خادم

    مراسلے:
    60,165
    ہماری معلومات کی حد تک ان میں ایس کیو لائٹ ڈیٹا بیس استعمال ہو رہا ہوتا ہے۔ جو کہ کلائنٹ سرور ماڈل پر کام نہیں کرتا اور پوری طرح ریلیشنل ڈیٹا بیس ہے۔ پورٹیبل بھی ہے یعنی اس کا ڈیٹا ایک ایس کیو لائٹ فائل کی شکل میں ذخیرہ ہو رہا ہوتا ہے اور اس کو آسانی سے بیک پا کیا جا سکتا ہے۔ عموماً آپ ایک کیو لائٹ سے براہ راست انٹریکٹ نہیں کرتے بلکہ ان ڈیوائسیز کی اے پی آئی استعمال کرتے ہوئے ڈیٹا اسٹور اور ریٹریو کر رہے ہوتے ہیں۔ اس صورت میں آپ کو او آر ایم یعنی آبجیکٹ ریلیشنل میپنگ کے کانسیپٹ کا مطالعہ کرنا چاہیے۔ :) :) :)
     
    • پسندیدہ پسندیدہ × 1
    • معلوماتی معلوماتی × 1
  13. حسیب نذیر گِل

    حسیب نذیر گِل محفلین

    مراسلے:
    7,241
    جھنڈا:
    Pakistan
    موڈ:
    Innocent
    اگر ورڈپریس تھیم پر کام کرنا ہو تو پھر ؟​
     
  14. ابن سعید

    ابن سعید خادم

    مراسلے:
    60,165
    ایچ ٹی ایم ایل، سی ایس ایس، جا وا اسکرپٹ اور پی ایچ پی! :) :) :)
     
    • پسندیدہ پسندیدہ × 2
  15. حسیب نذیر گِل

    حسیب نذیر گِل محفلین

    مراسلے:
    7,241
    جھنڈا:
    Pakistan
    موڈ:
    Innocent
    شکریہ۔لیکن محب علوی بھائی تو پائتھون،روبی کے ہی گن گاتے نظر آتے ہیں
     
  16. ابن سعید

    ابن سعید خادم

    مراسلے:
    60,165
    کیوں کہ وہ ورڈ پریس اور جوملہ وغیرہ کی کسٹمائزیشن کے بجائے جنرل پرپز ویب ڈیویلپمنٹ کو ذہن میں رکھ کر بات کر رہے ہیں۔ :)
     
    • پسندیدہ پسندیدہ × 1
  17. محمدصابر

    محمدصابر محفلین

    مراسلے:
    7,160
    جھنڈا:
    Pakistan
    موڈ:
    Brooding
    یعنی سرور سے ڈیٹا کسی اور طرح سے آئے گا اورموبائل میں کنورٹ کیا جائے گا اور ایس کیو لائٹ میں محفوظ کیا جائے گا۔
     
  18. محمدصابر

    محمدصابر محفلین

    مراسلے:
    7,160
    جھنڈا:
    Pakistan
    موڈ:
    Brooding
    ویسے سرور سے ڈیٹا موبائل میں حاصل کرنے کے لئےکون کون سے طریقے ہیں ؟
     
  19. ابن سعید

    ابن سعید خادم

    مراسلے:
    60,165
    اوہ! تو آپ اس لحاظ سے پوچھ رہے تھے۔ ہم سمجھے کہ ان ڈیوائسیز میں ہی ڈیٹا بیس استعمال کرنا چاہتے ہیں۔ ویسے تو مختلف ڈیٹا بیسیز سے کنکٹ کرنے کے لیے لائبریریز موجود ہوں گی جن کی مدد سے آپ ریموٹ ڈیٹا بیس سرور سے کنکٹ کر کے اس سے براہ راست انٹریکٹ کر سکیں گے لیکن ویب اسٹائل میں اس کام کو کرنے کا ایک طریقہ یہ ہے کہ ڈیٹا بیس سرورع سے ڈائریکٹ کنیکٹ کرنے کے بجائے ایک عدد اے پی آئی سروس لکھ کر کہیں ہوسٹ کر لیں جو آپ کے ڈیٹا بیس سرور سے رابطے میں رہے اور وہاں سے حاصل شدہ ڈیٹا کو اسٹینڈرڈ جے سان یا ایکس ایم ایل وغیرہ جیسے فارمیٹ میں تبدیل کر کے موبائل ایپلیکیشن کو مہیا کرائے جو اسے کنزیوم کر سکے۔ :) :) :)
     
  20. محمدصابر

    محمدصابر محفلین

    مراسلے:
    7,160
    جھنڈا:
    Pakistan
    موڈ:
    Brooding
    یعنی اگر میں ایسی فیس بک ایپلیکیشن ڈیزائن کرنا چاہ رہا ہوں جو میرے کچھ چنے ہوئے دوستوں کی "حرکات و سکنات" کو فیس بک میں سے لے کر محفوظ کرے اس کے لئے میں ڈیٹا فیس بک کے اے پی آئی کی مدد سے حاصل کروں گا۔ اور اپنے موبائل کے ایس کیو لائٹ میں اے پی آئی کی مدد سے محفوظ کروں گا۔ :)
     

اس صفحے کی تشہیر