1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $453.00
    اعلان ختم کریں

پاکستان کے جنگلات

الف نظامی نے 'ماحولیات' کی ذیل میں اس موضوع کا آغاز کیا، ‏نومبر 23, 2007

  1. الف نظامی

    الف نظامی لائبریرین

    مراسلے:
    13,933
    جھنڈا:
    Pakistan
    موڈ:
    Cool
    پاکستان کے جنگلات کا نقشہ:
    [​IMG]

    کسی بھی ملک کی آبادی کا 25 فیصد رقبہ جنگلات پر مشتمل ہونا چاہییے۔ پاکستان میں یہ رقبہ 4.224 ملین ہیکٹر پر مشتمل ہے جو کل رقبہ کا 4.8 فیصد ہے۔
     
    • پسندیدہ پسندیدہ × 3
  2. الف نظامی

    الف نظامی لائبریرین

    مراسلے:
    13,933
    جھنڈا:
    Pakistan
    موڈ:
    Cool
    کوئٹہ آکر اگر آپ نے “زیارت” کی زیارت نہیں کی تو سمجھ لیجیے کہ آپ کوئٹہ آئے ہی نہیں۔
    اپنی صحت بخش آب و ہوا اور قدیم ترین صنوبری جنگلات کے باعث ساری دنیا میں مشہور وادی زیارت کوئٹہ سے 133 کلومیٹر شمال میں ، سطح سمندر سے 2449 میٹر کی بلندی پر واقع ہے۔
    اللہ تعالی نے پاکستان کو اس فیاضی سے نوازا ہے کہ اگر دنیا میں کوئی چیز صرف دو ملکوں میں پائی جاتی ہے تو اس میں بھی ایک ملک پاکستان ہوگا۔وادی زیارت میں موجود صنوبر کا قدیم جنگل دنیا میں پائے جانے والے تین قدیم ترین صنوبری جنگلات میں سے ہے۔
    صنوبر کا یہ بے مثال جنگل ہزاروں سال پرانا ہے ، صنوبر کی ایک خصوصیت ہے کہ یہ دنیا کا سب سے زیادہ سست رفتاری سے بڑھنے والا درخت ہے۔ ایک اندازے کے مطابق یہ سو سال میں ایک سے تین انچ تک بڑھتا ہے۔ اس رفتار کو ذہن میں رکھ کر جب درختوں کے قدکاٹھ کا مشاہدہ کیا جائے تو جنگل کی عمر کا بخوبی اندازہ ہوسکتا ہے۔اور ماہرینِ نباتات کے مطابق اس صنوبری جنگل میں کچھ درخت تو پندرہ ہزار سال سے بھی زیادہ قدیم ہیں۔
    وادی زیارت بانی پاکستان قائداعظم محمد علی جناح کی نسبت سے بھی مشہور ہے ، وادی زیارت اور قائداعظم کی شخصیت میں بلا کی مماثلت ہے۔ یہاں کے قدیم صنوبر جنگل میں بھی ایک نظم اور ترتیب پائی جاتی ہے ۔ شور شرابہ تو درکنار ، اونچی آواز میں بات کرنے کو بھی جی نہیں چاہتا۔ وادی کا ماحول آپ کو اپنے اندر جذب کرلیتا ہے اور ایک حصار سا قائم کرلیتا ہے۔ اس کا تاثر اس قدر گہرا ہے کہ آپ اس کے مزاج کے خلاف کوئی حرکت کرنے کا سوچ بھی نہیں سکتے اور اگر سوچ بھی لیں تو ایسا لگتا ہے کہ پہاڑوں کی پیشانیوں پر بل پڑ گئے ہیں۔
    یہ متن مضمون “خوابیدہ شہر” از غلام مصطفی محی الدین ، اردو ڈائجسٹ (سیاحت پاکستان نمبر) سے لیا گیا ہے اور اس کی قدرے تہذیب کی گئی ہے۔
    وادی زیارت اور صنوبری جنگل
     
    • پسندیدہ پسندیدہ × 4
  3. زین

    زین لائبریرین

    مراسلے:
    12,402
    جھنڈا:
    Pakistan
    موڈ:
    Cool
    بہت خوب۔
    دنیا کا صنوبر کا دوسرا بڑا جنگل زیارت میں ہے ۔
    میرے ایک دوست نے بھی زیارت کے صنوبر کے جنگلات پر رپورٹ بنائی تھی ۔ کوشش کرتا ہوں کہ وہ رپورٹ‌یہاں‌بھی شیئر کروں۔
     
    • پسندیدہ پسندیدہ × 1
  4. طالوت

    طالوت محفلین

    مراسلے:
    8,357
    جھنڈا:
    SaudiArabia
    موڈ:
    Bashful
    تاہم پچھلے دنوں پاکستان ٹیلیویژن کی ایک ڈاکیومینٹری کے مطابق یہ جنگل کسی وائرس کی وجہ سے تباہ ہو رہا ہے اور حسب معمول ہماری سرکار سو رہی ہے ۔۔
    وسلام
     
    • پسندیدہ پسندیدہ × 1
  5. الف نظامی

    الف نظامی لائبریرین

    مراسلے:
    13,933
    جھنڈا:
    Pakistan
    موڈ:
    Cool
    juniper forest of ziarat

    [​IMG]

    [​IMG]

    [​IMG]

    Juniper berries
    [​IMG]
     
    • پسندیدہ پسندیدہ × 2

اس صفحے کی تشہیر