ٌلڑکپن کے زمانے کی ایک غزل

محمّد احسن سمیع :راحل: نے 'آپ کی شاعری (پابندِ بحور شاعری)' کی ذیل میں اس موضوع کا آغاز کیا، ‏دسمبر 10, 2019

  1. محمّد احسن سمیع :راحل:

    محمّد احسن سمیع :راحل: محفلین

    مراسلے:
    266
    جھنڈا:
    Pakistan
    موڈ:
    Confused
    عزیزان گرامی، آداب!

    پرانے اوراق کو کھنگالتے کل لڑکپن کے زمانے کی ایک عامیانہ غزل پر نظر پڑی تو ذہن میں آیا کہ شاید یہ واحد مسلسل غزل ہے جو میں نے کہی ہے۔ آپ سب کی بصارتوں کی نذر۔ ایک مصرعے میں لفظ ’’مسکاتی‘‘ مجھے اب اتنا اچھا نہیں لگ رہا، مگر ’’مسکراتی‘‘ یا ’’کھلکھلاتی‘‘ وغیرہ بھی کسی طور بحر میں موزوں نہیں ہو پارہے۔ احباب اور اساتذہ میں سے گزارش ہے کہ اگر کوئی صورت بنتی نظر آئے، یا کسی اور مقام کے لئے کوئی صلاح ہو تو ضرور شکرگزاری کا موقع عنایت فرمائیں۔

    دعاگو،
    راحلؔ
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
    ایک تھی لڑکی، بہت اچھی، بڑی پیاری تھی وہ
    اوس میں بھیگی ہوئی پھولوں کی ڈالی سی تھی وہ

    تھا پسند اس کو بہت بارش میں گانا، بھیگنا
    ہاں ذرا پت جھڑ میں تھوڑا روکھ سی جاتی تھی وہ

    سیڑھیوں پر کتنے ہی گھنٹے اکیلے بیٹھتی
    اس کا شانہ جو میں چھوتا، کانپ سی جاتی تھی وہ

    میری کچھ غزلیں اسے شاید تھیں یاد اچھی طرح
    آئینے کے سامنے آتی تو مسکاتی تھی وہ

    دیر تک روتی، مری ’گپّوں‘ کو وہ سچ مان کر
    تھا کچھ ایسا ہی، بہت ہی بھولی بھالی سی تھی وہ

    یار راحلؔ، اور کتنے شعر اس پر میں کہوں
    گر کہوں اتنا تو کافی ہے، بہت پیاری تھی وہ
     
    • دوستانہ دوستانہ × 3
    • پسندیدہ پسندیدہ × 1
    • زبردست زبردست × 1
  2. الف عین

    الف عین لائبریرین

    مراسلے:
    33,972
    جھنڈا:
    India
    موڈ:
    Psychedelic
    روکھ سا جانا... محاورہ سمجھ میں نہیں آیا۔ شاید مقامی محاورہ ہو
    'مسکاتی' اچھا ہی لگ رہا ہے، ہاں، اگر زبان فارسی آمیز ہوتی تو اعتراض درست تھا، پوری غزل ہی 'ہندوستانی' زبان میں ہے
     
    • دوستانہ دوستانہ × 1
  3. محمّد احسن سمیع :راحل:

    محمّد احسن سمیع :راحل: محفلین

    مراسلے:
    266
    جھنڈا:
    Pakistan
    موڈ:
    Confused
    استاذی و مرشدی اعجاز صاحب، آداب!

    نظرِ عنایت کے لئے بے انتہاء ممنون ہوں۔ روکھ جانا ۔۔۔ روکھے سے اخذ کیا تھا جو عموماً خشک کے معنی میں بھی استعمال ہوتا دیکھا ہے۔ روکھے کی جگہ سوکھا استعمال کرنے سے کیا بیان بہتر ہوسکتا ہے؟

    دعاگو،
    راحلؔ
     
    آخری تدوین: ‏دسمبر 11, 2019
  4. الف عین

    الف عین لائبریرین

    مراسلے:
    33,972
    جھنڈا:
    India
    موڈ:
    Psychedelic
    سوکھ جانا تو دبلا ہو جانے کے لیے کہا جاتا ہے، میرے خیال میں یہ مطلب ہرگز نہیں ہے شعر کا!
     
    • دوستانہ دوستانہ × 1

اس صفحے کی تشہیر