"و" کے ذریعے تشکیل پانے والے مرکبات

[عین لام میم]

آپ کا مؤنس و غمخوار، دل و جاں سے حاضر ھے۔ ۔

 

[الف نظامی]

جان و دل ہوش و خرد سب تو مدینے پہنچے
تم نہیں چلتے رضا سارا تو سامان گیا

تیری نگاہ ناز سے دونوں مراد پاگئے
عقل غیاب و جستجو ، عشق حضور و اضطراب

 

[ابن سعید]

داد و تحسین کے مستحق ہیں یہ اشعار۔

 

[شمشاد]

سرور عالم راز صاحب نے کتابِ حج و عمرہ (انگریزی): 1999ء میں لکھ کر شائع کی تھی۔

 

[ابن سعید]

دعوت و تبلیغ کا ایک بہترین ذریعہ نشر و اشاعت بھی ہے۔

 

[شمشاد]

رنج و آلام کا، رسوائی و ناکامی کا
لوگ ہر بات کا افسانہ بناتے کیوں ہیں؟

 

[الف نظامی]

قید حیات و بند غم اصل میں دونوں ایک ہیں
موت سے پہلے آدمی غم سے نجات پائے کیوں

 

[شمشاد]

یا حلقہ مریدان ارادت مند میں کوئی پیر و مرشد

 

[فرذوق احمد]

اتنے امن و سکون سے بھرپور پیغامات پڑھ کر سچ میں بہت اچھا لگا


بہت ہی اچھا دھاگہ ہے ؟؟؟؟؟؟

 

[شمشاد]

سلام اس ذات پر جس کے پریشاں حال دیوانے
سنا سکتے ہیں اب بھی خالد و حیدر کے افسانے
)ماھر القادری)

 

[ابن سعید]

چین و عرب ہمارا ہندوستاں ہمارا
مسلم ہیں ہم وطن ہے سارا جہاں ہمارا

 

[شمشاد]

شیوہ خدا پرستی میں ہر ہر متنفس کو تعلیم و تلقین کی حاجت اور وعظ و نصیحت کی ضرورت ہے۔

 

[ابن سعید]

انسانوں کی رشد و ہدایت اور فلاح و بہبود کی خاطر خدائے عزّ و جلّ نے بہت سے انبیاء و رسل کو مبعوث فرمایا۔

 

[شمشاد]

سعود بھائی "بیشمار" کی جگہ "بہت سے" کر لیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس خوبصورت محفل میں کچھ اراکین شکوک و شبہات پیدا کرنے کی کوشش کر رہے ہیں۔

 

[الف عین]

ہوش و ہواس و تاب و تواں داغ جا چکے
اب ہم بھی جانے والے ہیں سامان تو گیا
کیا خوب کہا ہے داغ نے

 

[شمشاد]

اس وقت تک غیظ و غضب اور رنج و تعجب کے آثار اس کے چہرے سے نمودار تھے۔

 

[الف نظامی]

پردہ سوز و ساز میں یا غمِ جاں نواز میں
یوں کہوں ان کے روبرو درد کا ماجرا کہ یوں

 

[ابن سعید]

اپنے کردار و عمل سے لا جہاں میں انقلاب

 

[شمشاد]

خاکساری و ہمدردی شرط انسانیت ہے۔

 

[ابن سعید]

اپنے ننگ و ناموس کی حفاظت بھی بہت ضروری ہے۔