اسد قریشی
محفلین
وہ ہیں دلنواز ہوا کریں ، وہ نوازتے ہیں کِسے؟۔۔۔۔۔۔۔۔۔مجھے؟
وہ ہیں بے قرار ہوا کریں، وہ تلاشتے ہیں کِسے؟۔۔۔۔۔۔۔۔۔مجھے؟
میں تو زخم ، زخم بہار ہوں، نہ تو برگ ہے نہی بار ہے
مجھے کیا خبر کہ وہ اشک اشک سنوارتے ہیں کِسے؟۔۔۔۔۔۔۔۔۔مجھے؟
وہ ہر ایک شخص سے پُوچھنا، وہ پلٹ، پلٹ کے یوں دیکھنا
کبھی چھُپ کے سکھیوں کی اُوٹ سے، وہ نہارتے ہیں کِسے؟۔۔۔۔۔۔۔۔۔مجھے؟
وہ اُداس ہیں، وہ ہیں مضطرب، اُنہیں چاہتوں کی تلاش ہے
سو دُعا میں اپنے اُٹھا کے ہاتھ، وہ مانگتے ہیں کِسے؟۔۔۔۔۔۔۔۔۔مجھے؟
کریں قربتوں سے جو احتراز دبا کے دل میں محبتیں
تو یہ کس طرح سے میں جان لوں، کہ وہ چاہتے ہیں کِسے؟۔۔۔۔۔۔۔۔۔مجھے؟
کہیں حسرتیں کہیں سسکیاں، کہیں ٹوٹے خوابوں کی کرچیاں
مرے دل نے مجھ سے کہا اسد! یہ پُکارتے ہیں کِسے؟۔۔۔۔۔۔۔۔۔مجھے؟
اسد
04 اپریل 2012
