ونڈوز میں اردو انسٹال کرنے کے لئے ”پاک اردو انسٹالر“

بلال

محفلین
بسم اللہ الرحمن الرحیم
ونڈوز میں مکمل اردو سپورٹ انسٹال کرنے کے لئے ”پاک اردو انسٹالر“
ونڈوز میں اردو پڑھنے اور لکھنے کی مکمل سہولت پہلے سے موجود ہوتی ہے۔ ونڈوز ایکس پی (XP) میں اردو بہتر انداز میں پڑھنے اور لکھنے کے لئے تین کام یعنی اردو ایکٹیو (Active)، اردو کی بورڈ لے آؤٹ اور اردو فونٹس انسٹال کرنے پڑتے ہیں جبکہ ونڈوز وسٹا (Vista) اور ونڈوز سیون (7) میں دو کام یعنی اردو کی بورڈ لے آؤٹ اور اردو فونٹس انسٹال کرنے پڑتے ہیں۔ یہ بالکل چھوٹے چھوٹے اور آسان مراحل ہوتے ہیں جو کہ ایک عام کمپیوٹر استعمال کرنے والا بھی نہایت آسانی سے کر سکتا ہے۔ ونڈوز ایکس پی میں اردو ایکٹیو کرنے کے لئے ونڈوز ایکس پی کی سی ڈی کی ضرورت پڑتی ہے۔ اردو کی انسٹالیشن کو مزید آسان بلکہ بہت ہی آسان بنانے کے لئے ”پاک اردو انسٹالر“ تیار کیا ہے۔ ”پاک اردو انسٹالر“ بغیر ونڈوز کی سی ڈی کے تینوں کام خودبخود کر دیتا ہے یعنی اردو ایکٹیو، اردو کی بورڈ لے آؤٹ اور اردو کے چند ضروری فونٹس انسٹال کر دیتا ہے۔ عام طور پر اردو ویب سائیٹس اور دیگر جگہوں پر استعمال ہونے والے اردو کے تین فونٹس ”پاک اردو انسٹالر“ میں شامل کیے گئے ہیں۔ جن میں خوبصورت فونٹ ”جمیل نوری نستعلیق“، کرلپ کا فونٹ ”اردو ویب نسخ“ اور بی بی سی اردو کا فونٹ”اردو نسخ ایشیاء ٹائیپ“ شامل ہیں۔

”پاک اردو انسٹالر“ انسٹال کرنے کے بعد آپ کے کمپیوٹر میں اردو کی مکمل سپورٹ شامل ہو جائے گی۔ جس سے کسی بھی جگہ اردو بہتر انداز میں پڑھنے کے ساتھ ساتھ بالکل آسانی سے اردو لکھی بھی جا سکتی ہے۔ کمپیوٹر پر کسی بھی جگہ جہاں دوسری کوئی زبان لکھی جاتی ہے وہاں پر اردو بھی لکھی جا سکتی ہے۔ حتیٰ کہ ای میل، چیٹ اور کسی فائل یا فولڈر کا نام وغیرہ بھی اردو میں لکھ سکتے ہیں۔ ”پاک اردو انسٹالر“ انسٹال ہونے اور کمپیوٹر ری سٹارٹ کرنے کے بعد Taskbar پر Language bar نظر آنا شروع ہو جاتی ہے۔ جیسا کہ نیچے والی تصاویر میں نظر آرہی ہے۔
ونڈوز ایکس پی
07-task-bar-eng.gif

ونڈوز وسٹا
06-task-bar-eng.gif

ونڈوز سیون
06-task-bar-eng.gif


”پاک اردو انسٹالر“ یہاں سے ڈاؤن لوڈ کریں۔

جس سافٹ ویئر میں اردو لکھنی ہو وہاں پر بائیں طرف کا Alt+Shift دبائیں تو آپ کا کمپیوٹر اس سافٹ ویئر میں اردو موڈ میں ہو جائے گا یعنی جب بھی کوئی Key دبائیں گے تو اردو لکھی جائے گی۔ اسی طرح کسی سافٹ ویئر کا موڈ انگلش میں تبدیل کرنے کے لئے دوبارہ بائیں طرف کا Alt+Shift دبائیں۔ جس سے دوبارہ انگلش موڈ ہو جائے گا۔ اس کے علاوہ لینگوئج بار پر کلک کر کے بھی موڈ تبدیل کیا جا سکتا ہے۔ اگر کسی سافٹ ویئر میں دیکھنا ہو کہ کمپیوٹر اس سافٹ ویئر میں کس موڈ پر ہے تو ٹاسک بار پر موجود لینگوئج بار دیکھیں۔ اگر لینگوئج بار میں ”UR“ لکھا ہو تو اس کا مطلب ہے کہ اردو موڈ پر ہے اور اسی طرح اگر ”EN“ لکھا ہو تو انگلش موڈ پر ہے۔

یاد رہے ایک وقت میں دو یا زیادہ زبانیں بھی شامل کی جا سکتی ہیں۔ دو سے زیادہ زبانیں ہونے کی صورت میں جب بائیں طرف کا Alt+Shift دبائیں گے تو موڈ ایک زبان سے دوسری اور پھر دبانے سے دوسری سے تیسری اور اسی طرح موڈ آخری زبان تک جائے گا اور پھر دبانے سے واپس پہلی پر آجائے گا۔


ایسا انسٹالر بنانا میری کافی پرانی خواہش تھی جو کہ وقت کے ساتھ ساتھ دم توڑ چکی تھی۔ کچھ دن پہلے ابو شامل صاحب کی تحریر نے اس کام کو کرنے کی تحریک دی اور اللہ کے فضل سے میں ”پاک اردو انسٹالر“ بنانے میں کامیاب ہو گیا۔ پاک اردو انسٹالر بنانے کی کامیابی پر سب سے پہلے اللہ تعالیٰ اور پھر اردو محفل، نبیل نقوی صاحب اور ابو شامل صاحب کا شکر گزار ہوں کیونکہ یہ کام صرف اور صرف انہیں کے تعاون اور حوصلہ افزائی سے ممکن ہو سکا۔

اپڈیٹ نمبر 1 (18 جون 2011ء) :- اب ونڈوز کے تینوں ورژن یعنی ایکس پی، وسٹا اور سیون کے لئے ایک ہی ”پاک اردو انسٹالر“ کام کرے گا۔ یعنی اب ہر ونڈوز کے لئے علیحدہ علیحدہ انسٹالر کی بجائے ایک ہی انسٹالر ڈاؤن لوڈ کریں اور پھر جس ونڈوز پر چاہیں انسٹال کریں۔ مزید تفصیل یہاں دیکھ سکتے ہیں۔

اپڈیٹ نمبر 2 (29 جون 2011ء) :- 64 bitونڈوز پر اردو انسٹال کرنے کی سہولت بھی ”پاک اردو انسٹالر“ میں شامل کر دی گئی ہے۔ یعنی اب چاہے ونڈوز ایکس پی، وسٹا یا سیون 32bit ہو یا 64bit سب کے لئے ایک ہی ”پاک اردو انسٹالر“ کام کرے گا۔
 

نبیل

تکنیکی معاون
جزاک اللہ خیر بلال۔ یہ بہت اچھا کام کیا ہے آپ نے۔ میں اسے آزما کر اس کے بارے میں فیڈ بیک فراہم کرتا ہوں۔
 

نبیل

تکنیکی معاون
میں نے ابھی ونڈوز ایکس پی والے انسٹالر کو ایک ورچوئل مشین پر آزما کر دیکھا ہے اور بظاہر یہ درست کام کر رہا ہے۔ یہ واقعی بہت اچھی پیشرفت ہے اور اس کے ذریعے صارفین کو کمپیوٹر پر اردو کے استعمال میں خاطر خواہ مدد ملے گی۔
 

بلال

محفلین
جزاک اللہ خیر بلال۔ یہ بہت اچھا کام کیا ہے آپ نے۔ میں اسے آزما کر اس کے بارے میں فیڈ بیک فراہم کرتا ہوں۔

میں نے ابھی ونڈوز ایکس پی والے انسٹالر کو ایک ورچوئل مشین پر آزما کر دیکھا ہے اور بظاہر یہ درست کام کر رہا ہے۔ یہ واقعی بہت اچھی پیشرفت ہے اور اس کے ذریعے صارفین کو کمپیوٹر پر اردو کے استعمال میں خاطر خواہ مدد ملے گی۔

میری چھوٹی سی کاوش کو پسند کرنے کا بہت بہت شکریہ۔ ویسے یہ انسٹالر تو خاص طور پر آپ کی رہنمائی، تعاون اور حوصلہ افزائی سے تکمیل تک پہنچ پایا ہے۔ شاید آپ نہیں جانتے لیکن اس انسٹالر کو بنانے میں آپ کی تحقیق سے کافی مدد ملی ہے۔
اللہ تعالیٰ آپ کو بے شمار خوشیاں دے اور اسی طرح دوسروں کی مدد کرنے کی مزید توفیق عطا فرمائے۔۔۔آمین
بہت عمدہ کام کیا ہے۔اللہ کریم آپ کو جزائے خیر عطا فرمائیں۔

بہت شکریہ جناب۔ اللہ تعالیٰ آپ کو خوش رکھے۔۔۔آمین
جزاک اللہ۔ بہت عمدہ کام!

پسند کرنے کا بہت شکریہ۔ اللہ تعالیٰ آپ کو خوش رکھے۔۔۔آمین
 

ابوشامل

محفلین
بلال صاحب، آپ نے ہمیشہ کی طرح ایک بہت بڑا کام کیا ہے۔ میری کوشش ہوگی کہ آئندہ آپ جو بھی کام کریں اس کا معاوضہ بھی آپ کو ملے کیونکہ یہ محنت کا حق ہے۔
 

بلال

محفلین
اپڈیٹ نمبر 1 (18 جون 2011ء) :- اب ونڈوز کے تینوں ورژن یعنی ایکس پی، وسٹا اور سیون کے لئے ایک ہی ”پاک اردو انسٹالر“ کام کرے گا۔ یعنی اب ہر ونڈوز کے لئے علیحدہ علیحدہ انسٹالر کی بجائے ایک ہی انسٹالر ڈاؤن لوڈ کریں اور پھر جس ونڈوز پر چاہیں انسٹال کریں۔ مزید تفصیل یہاں دیکھ سکتے ہیں۔
 

باذوق

محفلین
بلال ! آپ کا بہت بہت شکریہ۔

اردو ویب فانٹ سرور (مع اردو لاگ + القلم) کے ذمہ داران سے یہ امر دریافت طلب ہے کہ کیا یہ انسٹالر اس مشترکہ فانٹ سرور پر ڈاؤن لوڈنگ کے لیے رکھا نہیں جا سکتا؟
براہ مہربانی اس کے متعلق ضرور غور کیجئے۔ شکریہ۔
 

بلال

محفلین
اپڈیٹ نمبر 2 (29 جون 2011ء) :- 64 bitونڈوز پر اردو انسٹال کرنے کی سہولت بھی ”پاک اردو انسٹالر“ میں شامل کر دی گئی ہے۔ یعنی اب چاہے ونڈوز ایکس پی، وسٹا یا سیون 32bit ہو یا 64bit سب کے لئے ایک ہی ”پاک اردو انسٹالر“ کام کرے گا۔
 
بلال ! آپ کا بہت بہت شکریہ۔

اردو ویب فانٹ سرور (مع اردو لاگ + القلم) کے ذمہ داران سے یہ امر دریافت طلب ہے کہ کیا یہ انسٹالر اس مشترکہ فانٹ سرور پر ڈاؤن لوڈنگ کے لیے رکھا نہیں جا سکتا؟
براہ مہربانی اس کے متعلق ضرور غور کیجئے۔ شکریہ۔
شمشاد بھائی کدھر ہو یہ باذوق بھائی نے کب سے دوبارہ اردو محفل کو جوائن کیاہے؟؟؟؟
 

بلال

محفلین
اگر کوئی ”پاک اردو انسٹالر“ کو زیادہ سے زیادہ پھیلانے میں اپنا حصہ ڈالنے کی خاطر ”پاک اردو انسٹالر“ کا بینر اپنی ویب یا بلاگ پر لگانا چاہتا ہے تو اس کے لئے پاک اردو انسٹالر کے بینر والا دھاگہ دیکھیں۔
 

انجانا

محفلین
بہت اچھا سافٹ ویئر ہے بہت بہت شکریہ میں نے انسٹال کیا اردو سپورٹ تو مہیا ہو گئی ہے مگر عربی کی بورڈ کی سپورٹ نہیں ہے ۔ اس کو بھی شامل کر لیں تو سونے پہ سہاگا والی بات ہوگی۔ عربی سپورٹ عربی کے علاوہ پشتو اور سندھی جیسے علاقائی کی بورڈ کے لئے بھی ضروری ہے۔ شکریہ
 
Top