وزن کم کرنے میں مدد

فلسفی

محفلین
بڑے بھائی جو کافی خوش خوراک ہیں، نے ایک مرتبہ ڈائٹنگ کا پروگرام بنایا۔ تین دن بے چارے کسی کے بتائے ہوئے چارٹ کے مطابق ہلکا پھلکا کھاتے رہے۔ چوتھے دن فجر کی نماز میں چکر آنے لگے۔ نماز سے واپسی پر ڈائٹنگ پر تین حرف بھیجے چار کلچے مرغ چنے کے ساتھ نوش فرمائے، بڑا گلاس لسی کا پیا اور ڈکار مار کر صبح کا قیلولہ فرمانے لگے۔ ہم تو فورا عبرت پکڑنے والوں میں سے ہیں۔ لہذا ایسے کسی بھی چارٹ یا جدول سے ہمیشہ دور ہی رہے۔

لیکن اب توند ثوپ (عربی چوغہ) میں سے بھی نظر آنے لگی ہے لہذا چارو ناچار ڈائٹنگ کا سوچتے ضرور ہیں لیکن ابھی تک باقاعدہ طور پر کسی نسخے پر عمل کرنے سے قاصر ہیں۔ احباب اگر کوئی مفید مشورہ دیں اور ساتھ تھوڑی بہت شرم بھی دلانے کی کوشش کریں تو شاید افاقہ ہو ورنہ ہم تو سب سے کہہ دیتے ہیں کہ ہم نے اپنے سِکسْ پیک موٹی سی چربی کی تہہ کے نیچھے حفاظت سے رکھے ہوئے ہیں۔
 

زیک

مسافر
بڑے بھائی جو کافی خوش خوراک ہیں، نے ایک مرتبہ ڈائٹنگ کا پروگرام بنایا۔ تین دن بے چارے کسی کے بتائے ہوئے چارٹ کے مطابق ہلکا پھلکا کھاتے رہے۔ چوتھے دن فجر کی نماز میں چکر آنے لگے۔
وزن کم کرنے کے لئے خوراک کا بہترین پلان وہ ہے جس پر آپ ہمیشہ عمل کر سکیں۔
 

عرفان سعید

محفلین
بڑے بھائی جو کافی خوش خوراک ہیں، نے ایک مرتبہ ڈائٹنگ کا پروگرام بنایا۔ تین دن بے چارے کسی کے بتائے ہوئے چارٹ کے مطابق ہلکا پھلکا کھاتے رہے۔ چوتھے دن فجر کی نماز میں چکر آنے لگے۔ نماز سے واپسی پر ڈائٹنگ پر تین حرف بھیجے چار کلچے مرغ چنے کے ساتھ نوش فرمائے، بڑا گلاس لسی کا پیا اور ڈکار مار کر صبح کا قیلولہ فرمانے لگے۔ ہم تو فورا عبرت پکڑنے والوں میں سے ہیں۔ لہذا ایسے کسی بھی چارٹ یا جدول سے ہمیشہ دور ہی رہے۔

لیکن اب توند ثوپ (عربی چوغہ) میں سے بھی نظر آنے لگی ہے لہذا چارو ناچار ڈائٹنگ کا سوچتے ضرور ہیں لیکن ابھی تک باقاعدہ طور پر کسی نسخے پر عمل کرنے سے قاصر ہیں۔ احباب اگر کوئی مفید مشورہ دیں اور ساتھ تھوڑی بہت شرم بھی دلانے کی کوشش کریں تو شاید افاقہ ہو ورنہ ہم تو سب سے کہہ دیتے ہیں کہ ہم نے اپنے سِکسْ پیک موٹی سی چربی کی تہہ کے نیچھے حفاظت سے رکھے ہوئے ہیں۔
توند شریف کو کسی چھوٹی بحر میں لائیں۔
تقطیع سے کچھ اجزا گرانا ہوں گے۔
چربی بھرتی کی ہے، جو کہ معائبِ حسن میں شمار کی جاتی ہے۔
 

فرقان احمد

محفلین
بڑے بھائی جو کافی خوش خوراک ہیں، نے ایک مرتبہ ڈائٹنگ کا پروگرام بنایا۔ تین دن بے چارے کسی کے بتائے ہوئے چارٹ کے مطابق ہلکا پھلکا کھاتے رہے۔ چوتھے دن فجر کی نماز میں چکر آنے لگے۔ نماز سے واپسی پر ڈائٹنگ پر تین حرف بھیجے چار کلچے مرغ چنے کے ساتھ نوش فرمائے، بڑا گلاس لسی کا پیا اور ڈکار مار کر صبح کا قیلولہ فرمانے لگے۔ ہم تو فورا عبرت پکڑنے والوں میں سے ہیں۔ لہذا ایسے کسی بھی چارٹ یا جدول سے ہمیشہ دور ہی رہے۔

لیکن اب توند ثوپ (عربی چوغہ) میں سے بھی نظر آنے لگی ہے لہذا چارو ناچار ڈائٹنگ کا سوچتے ضرور ہیں لیکن ابھی تک باقاعدہ طور پر کسی نسخے پر عمل کرنے سے قاصر ہیں۔ احباب اگر کوئی مفید مشورہ دیں اور ساتھ تھوڑی بہت شرم بھی دلانے کی کوشش کریں تو شاید افاقہ ہو ورنہ ہم تو سب سے کہہ دیتے ہیں کہ ہم نے اپنے سِکسْ پیک موٹی سی چربی کی تہہ کے نیچھے حفاظت سے رکھے ہوئے ہیں۔
بھیا! اگر زیادہ کھانا کھا لیں تو اس دن زیادہ دیر چہل قدمی کر لیں۔ اگر کم کھانا کھائیں تو ذرا سا چل پھر لیں۔ بہت زیادہ ورزش اور بے جا مشقت سے گریز فرمائیں۔ بس بہت شوق ہو تو دن میں تین چار بار سیڑھیاں چڑھ لیا کریں یا اُتر لیا کریں۔ اس سے زیادہ مشقت کرنا چاہتے ہوں تو پھر مستقل مزاجی سے ہی کیجیے گا وگرنہ رہنے ہی دیجیے تو زیادہ بہتر ہے۔ :)
 

فرقان احمد

محفلین
میرے ساتھ یہی مسئلہ ہے۔
اکثریت کے ساتھ یہی مسئلہ ہے اس لیے کسی ڈائیٹ پلان پر یا ایکسرسائز پلان پر عمل درآمد سے قبل اچھی طرح سوچ بچار کر لیں کہ آیا آپ مستقل مزاجی سے اس پر عمل پیرا ہو سکتے ہیں یا نہیں۔ چونکہ آپ کے تبصرہ جات سے اندازہ ہوا کہ آپ مستقل مزاج نہ ہیں اس لیے کوشش فرمائیے کہ خود کو زیادہ مشقت میں نہ ڈالیں۔ :) کم کھائیں، کم چلیں پھریں۔ زیادہ کھا لیں تو پھر زیادہ چل پھر لیں۔ :) یا ورزش وغیرہ اسی حساب سے کر لیں۔
 

فلسفی

محفلین
اکثریت کے ساتھ یہی مسئلہ ہے اس لیے کسی ڈائیٹ پلان پر یا ایکسرسائز پلان پر عمل درآمد سے قبل اچھی طرح سوچ بچار کر لیں کہ آیا آپ مستقل مزاجی سے اس پر عمل پیرا ہو سکتے ہیں یا نہیں۔ چونکہ آپ کے تبصرہ جات سے اندازہ ہوا کہ آپ مستقل مزاج نہ ہیں اس لیے کوشش فرمائیے کہ خود کو زیادہ مشقت میں نہ ڈالیں۔ :) کم کھائیں، کم چلیں پھریں۔ زیادہ کھا لیں تو پھر زیادہ چل پھر لیں۔ :) یا ورزش وغیرہ اسی حساب سے کر لیں۔
ان شاء اللہ پوری کوشش کروں گا۔ آج کل صبح کے وقت دفتر میں پانج فلور تک سیڑھیاں استعمال کرنے کی عادت ڈالی ہے۔ واک کے لیے کوئی وقت مختص کرنا پڑے گا۔ جزاک اللہ خیر

ویسے ابھی تو سارے موڈ کی ایسی کی تیسی ہوگئی ہے۔ اس لڑی کی وجہ سے ابھی اپنا وزن کیا ہے تو 107 کلو گرام دکھا رہا ہے۔ شاید مشین میں سیل نئے ڈالے تھے اس لیے۔ کچھ دن بعد دیکھوں گا جب مشین کے سیل مناسب انرجی کے ساتھ کام کریں گے۔
 

فلسفی

محفلین
ہم اسے یوں پڑھ گئے تھے، 'اس لڑی کی وجہ سے اپنا وزن کم کیا ہے'؛ ہمیں یک گونہ حیرت ہوئی۔دوبارہ پڑھنے پر معاملہ 'کلیئر' ہوا۔ ابھی ابھی خود سے بھی معذرت کر لی ہے۔ :)
بھائی یقین کیجیے میں بھی انسان ہوں (وہ علیحدہ بات ہے کہ بیگم صاحبہ کبھی کبھار کسی اور مخلوق کا ذکر کرتی ہیں لیکن میں ان کو سنجیدہ نہیں لیتا۔) اتنی جلدی تو شاید جن بھی وزن کم نہ کر سکے۔
 

زیک

مسافر
آج کل صبح کے وقت دفتر میں پانج فلور تک سیڑھیاں استعمال کرنے کی عادت ڈالی ہے۔ واک کے لیے کوئی وقت مختص کرنا پڑے گا
بہترین طریقہ یہ ہے کہ آپ اپنے روزانہ کے روٹین میں چلنا شامل کریں۔ کار پارکنگ کے کونے میں کھڑی کریں۔ لفٹ کی بجائے سیڑھیاں استعمال کریں۔ قریب کا سفر پیدل کریں۔ یہ سب کافی نہ ہو (ہمارے لائف سٹائل کی وجہ سے زیادہ امکان اسی بات کا ہے) تو پھر ورزش بھی شامل کریں۔
 

فلسفی

محفلین
بہترین طریقہ یہ ہے کہ آپ اپنے روزانہ کے روٹین میں چلنا شامل کریں۔ کار پارکنگ کے کونے میں کھڑی کریں۔ لفٹ کی بجائے سیڑھیاں استعمال کریں۔ قریب کا سفر پیدل کریں۔ یہ سب کافی نہ ہو (ہمارے لائف سٹائل کی وجہ سے زیادہ امکان اسی بات کا ہے) تو پھر ورزش بھی شامل کریں۔
جزاک اللہ خیر، ان شاء اللہ عمل کی پوری کوشش کروں گا ۔
 

شکیب

محفلین
لیونل میسی: 72 کلوگرام
ہائٹ: 5 فٹ 7 انچ
images

کائلین امباپے: 78 کلو گرام
ہائٹ: 5 فٹ 10 انچ
images

کرسچیانو رونالڈو: 84 کلو گرام
ہائٹ: 6 فٹ 2 انچ
images

گیرتھ بیل، سرجیو راموس: 82 کلو گرام
ہائیٹ: 6 فٹ 2 انچ، 6 فٹ بالترتیب
images
 
Top