وزن بتائیے

[مغزل]

جلّاد کا وزن عام طور شعراء ضرور یعنی فعول کے وزن پر باندھتے ہیں۔ جو کہ درست نہیں۔
جلّاد کا صحیح تلفظ مشدد ہے اور یہ مجبور یا مقدار یعنی فعلان کے وزن پر ہے ۔۔ الخ

 

[زلفی شاہ]

گئی اور کئی کی تقطیع کیا ہوگی؟ کیا ان دونوں الفاظ کو دو میں باندھا جاسکتا ہے کہ نہیں؟؟؟

 

[الف عین]

نہیں۔ یہ فعو ہے، میرے خیال میں 12

 

[مغزل]

شکریہ بابا جانی ۔ گئی کا وزن فعو ہی درست ہے جیسا کہ آپ نے بتایا۔
جب کہ کئی کو دو طرح باندھا جاتا ہے ۔ کئی فعو اور کئی فعل کے وزن پر ۔

 

[متلاشی]

کیا مانگی کا وزن فعلن پر لیا جا سکتا ہے؟ اور کیا اس کی ی گرائی جا سکتی ہے ۔۔۔یعنی بر وزن فعل یعنی 12؟
کیا ہنس کا صحیح وزن فع یعنی 2 ہے۔۔۔؟

 

[مغزل]

مانگی کو فعلن کے وزن پر ہی باندھا جاتا ہے ۔
یائے تانیث ‘‘ ی ’’ کو خفی کرنا یعنی گرانا جائز نہیں ۔
ہنس ۔۔ در یعنی فع کے وزن پر ہے ۔۔
(بشکریہ وارث صاحب، مجھ سے تسامح ہوا تھا میں لاشعوری طور پر ہنس راج ہنس کے طور پر لے گیا۔)
آخر کو ہنس پڑیں گے کسی ایک بات پر
رونا تمام عمر کا بے کار جائے گا !!!!!!!!!

 

[محمد وارث]

میرے خیال میں محمود صاحب ٹائپو ہو گیا، کیونکہ ہنس فع کے وزن پر ہے اور آپ نے جو شعر لکھا ہے اس میں بھی فع کے وزن پر آ رہا ہے، مزید ابنِ انشا

ہم بھی وہیں موجود تھے، ہم سے بھی سب پوچھا کیے
ہم ہنس دیے، ہم چپ رہے، منظور تھا پردا ترا

 

[الف عین]

ہنس بر وزن فعل ایک دو2سرا لفظ ہے، پرندے کا نام۔ معلوم نہیں متلاشی کی کس ہنس کی تلاش تھی؟

 

[متلاشی]

ہنس بر وزن فعل ایک دو2سرا لفظ ہے، پرندے کا نام۔ معلوم نہیں متلاشی کی کس ہنس کی تلاش تھی؟

استاد جی ہنسنے مسکرانے کی باتیں ہو رہی ہیں۔۔۔۔!

 

[متلاشی]

مانگی کو فعلن کے وزن پر ہی باندھا جاتا ہے ۔
یائے تانیث ‘‘ ی ’’ کو خفی کرنا یعنی گرانا جائز نہیں ۔
ہنس ۔۔ درد یعنی فعل کے وزن پر ہے ۔۔

آخر کو ہنس پڑیں گے کسی ایک بات پر
رونا تمام عمر کا بے کار جائے گا !!!!!!!!!

برادرم مغل صاحب آپ پریشان کس لئے ہو گئے ہیں ۔۔۔۔؟

 

[زلفی شاہ]

’’نا آشنا‘‘ کا کیا وزن ہے؟

 

[متلاشی]

مجھ فقیر کے خیال میں مفعولتن( 2122) ہو گا۔۔۔!

 

[محمد وارث]

جی یہ مستفعلن ہے۔

نا آ ش نا - مس تف ع لن - 2 2 1 2

 

[زلفی شاہ]

بلند کی تقطیع کیا ہو گی؟؟

 

[محمد وارث]

بلند کی تقطیع کیا ہو گی؟؟

فعول 1 2 1

 

[زلفی شاہ]

ڈھونڈھ کی تقطیع کیا ہوگی؟؟

 

[محمد وارث]

ڈھونڈھ کی تقطیع کیا ہوگی؟؟

فاع - 2 1

کیونکہ ڈھونڈ میں دو چشمی ھ کا وزن دونوں جگہ نہیں اور نون مخلوظ کا بھی کوئی وزن نہیں سو اس کا عروضی متن ہوگا --ڈُوڈ-- یعنی فاع یعنی 2 1

مثلاً

آئے عشّاق، گئے وعدہٴ فردا لیکر
اب انہیں ڈھونڈ چراغِ رُخِ زیبا لیکر

 

[زلفی شاہ]

فکر اور ذکر کو غلط العام میں کاف کے اوپر زبر کے ساتھ پڑھا جاتا ہے تو کیا ان کو ہنر کے وزن پر باندھا جا سکتا ہے؟؟؟

 

[مغزل]

جی نہیں۔
کیوں کہ فکر اور ذکر فعل یعنی درد ہی ہے وزن پر ہیں ۔
انہیں فعو یا ہنر کے وزن پر باندھنا کسی صورت جائز نہیں۔

 

[زلفی شاہ]

حد، حدیں اور حدوں کی تقطیع کیا ہو گی؟؟