وجے کمار مسلمان ہو گیا

کیفیت
مزید جوابات کے لیے دستیاب نہیں
میں تمام محترم دوستوں سے ایک بار پھر عرض کروں گا کہ یہ پوسٹ کسی اسلامی زمرے میں پوسٹ نہیں کی گئی تھی نہ ہی یہ کوئی فتویٰ یا اس سے مشابہ کوئی چیز تھی۔

جو لوگ افسانے پڑھتے ہیں اور افسانوں کا مذاق رکھتے ہیں وہ سمجھ سکتے ہیں کہ تحریر کے آخری حصے میں صرف یہ کہا گیا کہ ہندوؤں نے مسلمانوں کا طرز نہیں اختیار کیا بلکہ مسلمانوں نے ہندوؤں کا طرز اختیار کر لیا ۔ بات چونکہ افسانوی رنگ میں کہی گئی اس لئے اس کا انداز اتنا صریح نہیں ہو سکتا تھا۔ لیکن ہمارے کچھ دوستوں نے لفظ 'ہندو' کو بمعنی 'کافر' ہی سمجھا اور اسی سمجھ کے مطابق جوابات دیئے ۔ پھر کہوں گا کہ افسانوں میں یہ بات اتنی بڑی نہیں ہے کہ شعر و ادب میں آپ کو ایسی ایسی باتیں بھی مل جاتی ہیں جو عام بول چال میں کہی جائیں تو کسی بھی طرح قابلِ قبول نہ ہوں۔

ان تمام باتوں کے باوجود مجھے اس بات کا شدید رنج ہے کہ اس تحریر سے بہت سے دوستوں کی دل آزاری ہوئی، اور میں پہلے بھی بارہا کہہ چکا ہوں اور اب بھی ایسے تمام دوستوں سے دلی معذرت چاہتا ہوں۔ اللہ تعالیٰ ہم سب کو اپنے اختلافات کو اس آیت کی روشنی میں دیکھنے اور عمل کرنے کی توفیق عطا فرمائے ۔

اے ایمان والو الله کی فرمانبرداری کرو اور رسول کی فرمانبرداری کرو اور ان لوگوں کی جو تم میں سے حاکم ہوں پھر اگر آپس میں کوئی چیز میں جھگڑا کرو تو اسے الله اور اس کے رسول کی طرف پھیرو اگر تم الله اور قیامت کے دن پر یقین رکھتے ہو یہی بات اچھی ہے اور انجام کے لحاظ سے بہت بہتر ہے۔

سورۃ النسا۔ آیت نمبر 59

محفل کے جو دوست مجھے پہلے سے جانتے ہیں اُنہیں معلوم ہے کہ میں اختلافی موضوعات سے اجتناب ہی کرتا ہوں یا اپنی سمجھ کے مطابق حصہ لیتا بھی ہوں تو محفل کے تمام تر آداب پیشِ نظر رکھنے کی بھر پور کوشش کرتا ہوں ۔ اگر یہ تھریڈ میری تحریر سے شروع نہ ہوتی تو میں بہت پہلے اس تھریڈ سے کنارہ کش ہوجاتا، لیکن چونکہ یہ تھریڈ میری تحریر سے ہی شروع ہوئی تو میں نے ضروری سمجھا کہ جہاں تک ہوسکے اپنا موقف واضح کردوں۔ مجھے جو کہنا تھا وہ میں اُوپر کہہ چکا ہوں۔ سو میری طرف سے اس تھریڈ میں یہ آخری پوسٹ ہے۔

'دعا ہے اللہ مجھے اور آپ کو ہدایت دے ، ہم سے راضی ہوجائے اور ہمیں اس دین پر قائم کرے جس پر اللہ کے نبی صلی اللہ علیہ وسلم اور اُن کے صحابہ نے اپنی زندگی گزاری۔'

(آمین)۔

آمين برحمتك يا أرحم الراحمين ، جزاك الله خيرا ووفقك للخير۔
ايك اقتباس :
"......جو لوگ مذہب کو مصلحت کی انگشتری میں نگینہ کی طرح سجا لیتے ہیں وہ ہدایت اور عقیدہ سے دور ہو جاتے ہیں اور ان کی وجہ سے بے علم اور سادہ دل لوگ بھی راستہ سے بھٹک جاتے ہیں ۔ ایسی نظر بندی ہوتی ہے کہ جو نہیں ہے وہ بھی نظر آنے لگتا ہے ۔ اس مقام پر مذہب اور تجارت کا فرق مٹ جاتا ہے ۔ عبادت اور تماشا ایک ہو جاتے ہیں ۔ توہمات ، بدعات اور خرافات کی ہو حق ہوتی ہے ۔ ایک دن یہ دونوں گروہ آپس میں جھگڑیں گے ۔ ایک دوسرے پر الزام ركھيں گے ۔ اس دن انہیں ياد دلايا جائے گا کہ ایک ہادی (صلی اللہ علیہ وسلم ) آيا تھا ۔ ايك كتاب لايا تھا ۔ ہدایت کی راہ اور عقیدہ کی درستی اسے نصیب ہوئی جس نے صرف ان کی پیروی کی تھی ۔ اے گرفتارِ افسانہ و افسوں ، اے پرستارِ ہیچ و زبوں ، کیا تم نے کتاب اور صاحبِ کتاب ﷺ کا حق ادا کیا تھا ؟ اس خيال سے دل كو قرار آ گيا ۔ کسک کی جگہ سكون نے لے لى ۔ ميرے اور پتھر والوں کے درميان فاصلہ بڑھتا چلا گیا ۔ ۔۔۔۔۔۔۔۔۔ " اقتباس لوحِ ایام : از مختار مسعود
 

کاشفی

محفلین
اگر فرد پر چھوڑ دیا تو دین کے خود ساختہ ٹھیکیدار کیا کریں گے؟

جن کو اس وقت میں اسلام کا دعویٰ ہے کمال
غور سے دیکھا تو اے ذوق ہے اُن کا یہ حال

جیسے محفل میں ہنسانے کو مسلمانوں پر
نقل کرتا ہو مسلماں کی کافر نقال

(ذوق)
 

کاشفی

محفلین
ہمارے کرتوتوں سے مراد یہی ہے کہ ہم کہتے کچھ ہیں اور کرتے کچھ ہیں۔ جانتے ہیں کہ جھوٹ بولنا غلط بات ہے، گناہ ہے پھر بھی بڑے دھڑلے سے جھوٹ بولتے ہیں۔ جانتے ہیں کہ کسی کو دھوکہ دینا گناہ ہے پھر بھی صبح شام دوسروں کو دھوکہ دینے میں مصروف رہتے ہیں۔ جانتے ہیں کہ فلاں طریقے سے کمائی گئی دولت حرام ہے پھر بھی حرام حلال میں فرق نہیں کرتے۔ کیا کیا گنواؤں جناب۔

ویسے بھی تو ہم نام کے ہی مسلمان رہ گئے ہوئے ہیں اور وہ بھی شاید اس لیے کہ مسلمان گھرانے میں جنم لیا۔
لے لے کے خدا کا نام چلّاتے ہیں
پھر بھی اثر دعا نہیں پاتے ہیں

کھاتے ہیں حرام لقمہ پڑھتے ہیں نماز
کرتے نہیں پرہیز دوا کھاتے ہیں
(ابولاعظم سید احمد حسین امجد حیدرآبادی)
 
واہ کیا ہی خوبصورت تحریر ہے محمد احمد بھائی۔۔۔ بس ایک اعتراض ہے کہ ایسی جگہوں پر اتنے اخلاص کا مظاہرہ نہیں کیا جاتا۔۔۔ اگر میں آپ کی جگہ ہوتا تو فُٹ نوٹ میں "معذرت" کے احمقانہ لفظ کی بجائے یوں لکھتا:
اس تحریر سے کسی کی دل آزاری ہرگز ہرگز مقصود نہیں ہے کہ اردو محفل کے تمام دوست مجھے دل و جان سے عزیز ہیں. اگر پھر بھی یہ تحریر کسی کی دل شکنی کا باعث بنے تو بنے۔ ہماری بلا سے۔
یہ جاہلانہ و ہندوانہ رسوم ہماری گھٹی میں پڑی ہوئی ہیں جو آسانی سے نہیں جانے والی۔ سعودی عرب اور متحدہ عرب امارات میں کسی عرب مسلمان کو میں نے سوئم چہلم مناتے نہیں دیکھا لیکن ہمارے پاکستانی و ہندوستانی مسلمانوں نے نیا ہی اسلام گھڑا ہے۔
(مجھے معلوم ہے یہاں جو ہڑبونگ مچنے والی ہے لہٰذا ہم اس دھاگے پر "نظر انداز" کا آپشن استعمال کر چکے ہیں۔۔۔ جسے جو "فرمانا" ہے "فرماتا" رہے۔ لگے رہو منّا بھائی! :laughing: )
اگر حق اور باطل کا معیار یہی ہے جو آپ نے بیان کیا یعنی سعودی عرب اور متحدہ عرب مسلمان، تو پھر تو بات بڑی آسان ہوگئی، کس کو پڑی ہے کہ علمی تحقیقات کرتا پھرے، بس یہ دیکھنے کی ضرورت ہے کہ سعودی اور متحدہ عرب امارات کے مسلمان کیا کہتے ہیں، اور کیا کرتے ہیں۔۔۔بہت خوب۔ آپ نے تو بہت آسان اور علمی حل پیش کردیا اور پڑھنے والوں کو غیر ضروری مشقّت سے بچا لیا۔۔۔کافی مسئلے حل ہوگئے، چنانچہ اس نسخہءِ کیمیا سے کچھ اور مسائل کے حل کرنے میں بھی بہت مدد مل سکتی ہے۔ مثال کے طور پر قادیانی مسئلے کو ہی لے لیجئے، کیا ضرورت ہے لمبی چوڑی کتابیں پڑھنے کی اور فریقین کے دلائل کو پرکھنے کی، بس یہ دیکھتے ہیں کہ سعودی عرب اور متحدہ عرب امارات والوں کا کیا نقطہءِ نظر ہے ختم نبوت کے بارے میں، تشریعی یا غیر تشریعی نبوت کے بارے میں۔۔۔چنانچہ میں اسی بات کو آپکے الفاظ کے پیرائے میں لکھوں تو کچھ یوں ہوگا:
"یہ جاہلانہ و ہندوانہ عقائد و رسوم ہماری گھٹی میں پڑے ہوئیےہیں جو آسانی سے نہیں جانے والے۔ سعودی عرب اور متحدہ عرب امارات میں کسی عرب مسلمان کو میں نےمرزا غلام احمد کو نبی مانتے ہوئے اور جلسہِ سالانہ مناتے نہیں دیکھا لیکن ہمارے پاکستانی و ہندوستانی مسلمانوں نے نیا ہی اسلام گھڑا ہے۔"
بہت بہت شکریہ جناب، میں آپکی اس جادوئی کنجی کی افادیت کا قائل ہوگیا ہوں۔۔۔بہت بہت شکریہ:) اور آخر میں آپ ہی کا جملہ بغیر کسی تبدیلی کے من و عن لکھ رہا ہوں:
"اس تحریر سے کسی کی دل آزاری ہرگز ہرگز مقصود نہیں ہے کہ اردو محفل کے تمام دوست مجھے دل و جان سے عزیز ہیں. اگر پھر بھی یہ تحریر کسی کی دل شکنی کا باعث بنے تو بنے۔ ہماری بلا سے۔"
 
اشعار کی محفل تو نہیں یاں پہ سجی تھی
بتلاؤ جو کردی ہے یہاں کس کی کجی تھی

چلو یار احمد بھائی کچھ اور لکھو ویسے بھی یہ گفتگو میں ایئرپورٹ سے کر رہا ہوں ۔ چند گھنٹے اور پھر لاہور انشاء اللہ
 

فاتح

لائبریرین
اگر حق اور باطل کا معیار یہی ہے جو آپ نے بیان کیا یعنی سعودی عرب اور متحدہ عرب مسلمان، تو پھر تو بات بڑی آسان ہوگئی، کس کو پڑی ہے کہ علمی تحقیقات کرتا پھرے، بس یہ دیکھنے کی ضرورت ہے کہ سعودی اور متحدہ عرب امارات کے مسلمان کیا کہتے ہیں، اور کیا کرتے ہیں۔۔۔ بہت خوب۔ آپ نے تو بہت آسان اور علمی حل پیش کردیا اور پڑھنے والوں کو غیر ضروری مشقّت سے بچا لیا۔۔۔ کافی مسئلے حل ہوگئے، چنانچہ اس نسخہءِ کیمیا سے کچھ اور مسائل کے حل کرنے میں بھی بہت مدد مل سکتی ہے۔ مثال کے طور پر قادیانی مسئلے کو ہی لے لیجئے، کیا ضرورت ہے لمبی چوڑی کتابیں پڑھنے کی اور فریقین کے دلائل کو پرکھنے کی، بس یہ دیکھتے ہیں کہ سعودی عرب اور متحدہ عرب امارات والوں کا کیا نقطہءِ نظر ہے ختم نبوت کے بارے میں، تشریعی یا غیر تشریعی نبوت کے بارے میں۔۔۔ چنانچہ میں اسی بات کو آپکے الفاظ کے پیرائے میں لکھوں تو کچھ یوں ہوگا:
"یہ جاہلانہ و ہندوانہ عقائد و رسوم ہماری گھٹی میں پڑے ہوئیےہیں جو آسانی سے نہیں جانے والے۔ سعودی عرب اور متحدہ عرب امارات میں کسی عرب مسلمان کو میں نےمرزا غلام احمد کو نبی مانتے ہوئے اور جلسہِ سالانہ مناتے نہیں دیکھا لیکن ہمارے پاکستانی و ہندوستانی مسلمانوں نے نیا ہی اسلام گھڑا ہے۔"
بہت بہت شکریہ جناب، میں آپکی اس جادوئی کنجی کی افادیت کا قائل ہوگیا ہوں۔۔۔ بہت بہت شکریہ:) اور آخر میں آپ ہی کا جملہ بغیر کسی تبدیلی کے من و عن لکھ رہا ہوں:
"اس تحریر سے کسی کی دل آزاری ہرگز ہرگز مقصود نہیں ہے کہ اردو محفل کے تمام دوست مجھے دل و جان سے عزیز ہیں. اگر پھر بھی یہ تحریر کسی کی دل شکنی کا باعث بنے تو بنے۔ ہماری بلا سے۔"
ہاہاہا
یوں تو ہم نے نظر انداز کا آپشن استعمال کر لیا تھا اس دھاگے پر اور منا بھائی کو لگے رہنے کی تلقین بھی فرما چکے تھے لیکن آپ چونکہ منا بھائی نہیں بلکہ ہمارے دوست ہیں لہٰذا بادلِ نخواستہ ہمیں اپنی تشریف کا ٹوکرا ادھر لانا پڑا۔۔۔ اب آتے ہیں آپ کی بات کے جواب پر۔۔۔
بالکل درست کرتے ہیں سعودی اور اماراتی اگر نہیں مانتے تو اور ماننا بھی نہیں چاہیے۔ ہُن آرام اے؟ ہاہاہاہا
 

ساجد

محفلین
پہلے پنج پیارے تھے اب چہار یار ہیں:)۔
ایک وضاحت کرنا مطلوب ہے کہ "پنج پیارے" اور "چہار یار" دونوں اصطلاحات قرآن و حدیث سے ماخوذ نہیں ہیں۔
"پنج پیارے " کی اصطلاح کا تو اسلامی معاشرے کے کسی مسلک سے بھی کوئی تعلق نہیں یہ سکھ مت کی اصطلاح ہے اور ان پانچ عقیدتمندوں کے لئے استعمال ہوتی ہے جنہوں نے گُرو گوبندھ سنگھ کے کہنے پر اپنی زندگیوں کو سکھ مت کے لئے وقف کر دیا۔ یہ ہیں 1: بھائی دایا سنگھ 2: بھائی دھرم سنگھ 3: بھائی ہمت سنگھ 4: بھائی محکم سنگھ 5: بھائی صاحب سنگھ۔
"چہار یار" یہ لفظ الہامی ہے نہ آفاقی۔ مسلمان اپنے مسلکی عقائد کے سبب مختلف حوالوں سے اس لفظ سے متعارف ہیں۔ کچھ اسے خلفائے راشدین یعنی حضرت ابوبکر صدیق رضی اللہ عنہ ، حضرت عثمان رضی اللہ عنہ ، حضرت عمر رضی اللہ عنہ ، اور حضرت علی رضی اللہ عنہ کی باہمی اخوت کا ستعارہ مانتے ہیں ۔
ازمی اور مذہبی اصطلاحات کے علاوہ یہ الفاظ پنجابی اور اردو لغت میں بالکل آسان اور واضح معانی بھی رکھتے ہیں۔ ہم اپنے عزیزوں کو پیارے کہتے ہیں اور دوستوں کو یار کے نام سے بھی بلاتے ہیں۔ میں نے انہی معانی کے تناظر میں اردو محفل کے منتظمین کو "پنج پیارے" اور "چہار یار" لکھا ہے جو کہ غلط نہیں۔ لہذا انہیں مذہبی رنگ دینے سے پرہیز فرمایا جائے۔ وضاحت کرنے سے یہی مقصود ہے کہ اگر کسی رکن کو میرے الفاظ کے متعلق غلط فہمی ہے تو اس کا ازالہ ہو جائے۔
 

فاتح

لائبریرین
"پنجتن پاک" یہ لفظ میں نے نہیں لکھا۔ اس کی وضاحت فاتح بھائی کر سکتے ہیں۔:)
ایک وضاحت کرنا مطلوب ہے کہ "پنج پیارے" اور "چہار یار" دونوں اصطلاحات قرآن و حدیث سے ماخوذ نہیں ہیں۔
چہار یار" یہ لفظ الہامی ہے نہ آفاقی۔
اور "پنجتن پاک" کیا کوئی الہامی یا آفاقی اصطلاح ہے یا قرآن و حدیث سے ماخوذ ہے ساجد بھائی؟ مجھے واقعی نہیں معلوم تھا۔ :)
 

نایاب

لائبریرین
پنج پیارے کی اصطلاع سکھ مذہب کی تعلیمات میں مذکور ہے ۔
چار یار کی اصطلاع ان چار اصحاب کبار سے منسوب ہے ۔
حضرت ابوبکر صدیق ۔ حضرت عمر فاروق ۔ حضرت عثمان غنی ۔ حضرت علی باب العلم (رضوان اللہ علیھم )
پنجتن پاک کی اصطلاع
محمد ۔ علی ۔ فاطمہ ۔ حسن ۔ حسین( علیہ الصلوات و السلام ) سے منسوب ہے ۔
آیات "مباہلہ اور تطہیر " کی تفاسیر میں اکثر مفسران کرام نے ان پانچ کو اس آیات سے مراد قرار دیا ہے ۔
 

فاتح

لائبریرین
نہ تو ہم نے یہ پوچھا کہ اہلِ بیت کون ہیں اور نہ ہی یہ کہ ان کا مقام کیا ہے جو اس حدیث میں بیان ہوا ہے۔لگتا ہے اسے لائک فرمانے والوں نے ربط کھول کر دیکھنا بھی مناسب نہیں جانا۔ :)
میں نے سوال کیا تھا کہ کیا "پنجتن پاک" کی "اصطلاح" قرآن و حدیث سے ماخوذ ہے۔ اس حدیث میں کہیں "پنجتن پاک" کی اصطلاح کا ذکر نہیں۔ پس ثابت ہوا کہ یہ ہماری اپنی بنائی ہوئی ایک اصطلاح ہے جسے آپ اپنے معنوں میں برت سکتے ہیں اور ہم اپنے معنوں میں۔
 

فاتح

لائبریرین
پنجتن پاک کی اصطلاع
محمد ۔ علی ۔ فاطمہ ۔ حسن ۔ حسین( علیہ الصلوات و السلام ) سے منسوب ہے ۔
آیات "مباہلہ اور تطہیر " کی تفاسیر میں اکثر مفسران کرام نے ان پانچ کو اس آیات سے مراد قرار دیا ہے ۔
جی ہاں درست! ان آیاتِ کی تفسیر میں اکثر مفسرین نے ان پانچ کو مراد لیا ہے لیکن یہ تو بحث ہی نہیں ہے قبلہ۔
حضور بات تو "پنجتن پاک" کی اصطلاح کی ہو رہی ہے کہ یہ "اصطلاح" ہماری اپنی گھڑی ہوئی ہے یا قرآن و حدیث میں موجود ہے؟
 

نایاب

لائبریرین
جی ہاں درست! ان آیاتِ کی تفسیر میں اکثر مفسرین نے ان پانچ کو مراد لیا ہے لیکن یہ تو بحث ہی نہیں ہے قبلہ۔
حضور بات تو "پنجتن پاک" کی اصطلاح کی ہو رہی ہے کہ یہ "اصطلاح" ہماری اپنی گھڑی ہوئی ہے یا قرآن و حدیث میں موجود ہے؟
میرے محترم بھائی
میں کسی بھی صورت یہ یقین نہیں کر سکتا کہ آپ جیسی وسیع المشرب علم و فضل کی حامل ہستی
اس حقیقت سے آگاہ نہ ہو گی کہ
یہ لفظ " پنجتن پاک " کچھ مسالک اور مکاتب فکر کے علماء نے خاص ان ہستیوں کے لیئے مخصوص کر رہا ہے ۔
اور ان مسالک و مکاتب فکر سے اختلاف رکھنے والے بھی اس حقیقت سے بخوبی آگاہ ہیں ۔
مجھے یقین ہے کہ آپ " مختلف مجموعہ احادیث و تفاسیر " کے گہری نظر کے حامل مطالعے سے اپنی روح کو مشرف و منور کر چکے ہیں ۔
 

فاتح

لائبریرین
میرے محترم بھائی
میں کسی بھی صورت یہ یقین نہیں کر سکتا کہ آپ جیسی وسیع المشرب علم و فضل کی حامل ہستی
اس حقیقت سے آگاہ نہ ہو گی کہ
یہ لفظ " پنجتن پاک " کچھ مسالک اور مکاتب فکر کے علماء نے خاص ان ہستیوں کے لیئے مخصوص کر رہا ہے ۔
اور ان مسالک و مکاتب فکر سے اختلاف رکھنے والے بھی اس حقیقت سے بخوبی آگاہ ہیں ۔
مجھے یقین ہے کہ آپ " مختلف مجموعہ احادیث و تفاسیر " کے گہری نظر کے حامل مطالعے سے اپنی روح کو مشرف و منور کر چکے ہیں ۔
انھوں نے کیا ہو گا۔۔۔ ہم محفل کے مسلک و مکتبۂ فکر کے عالم ہیں لہٰذا ہم نے محفل کے پانچ لوگوں کے لیے مخصوص کر دیا۔۔۔ کیا گناہ کر دیا بھیا؟
ہم قبل ازیں بھی ارشاد فرما چکے ہیں کہ
پس ثابت ہوا کہ یہ ہماری اپنی بنائی ہوئی ایک اصطلاح ہے جسے آپ اپنے معنوں میں برت سکتے ہیں اور ہم اپنے معنوں میں۔
 

نایاب

لائبریرین
انھوں نے کیا ہو گا۔۔۔ ہم محفل کے مسلک و مکتبۂ فکر کے عالم ہیں لہٰذا ہم نے محفل کے پانچ لوگوں کے لیے مخصوص کر دیا۔۔۔ کیا گناہ کر دیا بھیا؟
ہم قبل ازیں بھی ارشاد فرما چکے ہیں کہ
میرے محترم بھائی
سو کچھ بعید نہیں کہ کل کلاں کو کسی محفل کے پیارے کے لیئے لفظ
" رسول ۔ صحابی " بھی مختص فرما سکتے ہیں محفل کے مسلک اور مکتبہ فکر کے عالم
ملحوظ رہے کہ " رسول کا لفظی ترجمہ ڈاکیا ہے ۔
اور صحابی کا ترجمہ صحبت سے فیضیاب ہونے والا ۔۔۔
گناہ و ثواب تو وہ جانے جس نے حساب لینا ہے ۔
اب منشی کو بھی (نعوذباللہ ) اللہ کا لقب دیں کیا ۔؟
کہ منشی بھی حساب کتاب رکھتا ہے ۔۔
 

فاتح

لائبریرین
میرے محترم بھائی
سو کچھ بعید نہیں کہ کل کلاں کو کسی محفل کے پیارے کے لیئے لفظ
" رسول ۔ صحابی " بھی مختص فرما سکتے ہیں محفل کے مسلک اور مکتبہ فکر کے عالم
ملحوظ رہے کہ " رسول کا لفظی ترجمہ ڈاکیا ہے ۔
اور صحابی کا ترجمہ صحبت سے فیضیاب ہونے والا ۔۔۔
گناہ و ثواب تو وہ جانے جس نے حساب لینا ہے ۔
اب منشی کو بھی (نعوذباللہ ) اللہ کا لقب دیں کیا ۔؟
کہ منشی بھی حساب کتاب رکھتا ہے ۔۔
آپ اٹکل پچو کر رہے ہیں سوال سے ہٹ کر۔۔۔ سوال تیسری مرتبہ لکھ دیتا ہوں کہ کیا پنجتن پاک کی اصطلاح قرآن و حدیث سے اخذ کی گئی ہے؟
جب کہ آپ نے جذباتی ہو کر جواباً جو اصطلاحات یا اسم لکھے ہیں ان تمام کا استعمال قرآن و حدیث سے ماخوذ ہے۔ یعنی اللہ، رسول اور صحابی۔:)
ویسے ایک بات عرض کرتا چلوں کہ اللہ اور منشی کے معانی میں بہت فرق ہے۔۔۔ اللہ کا لفظی مطلب ہے "تمام خوبیوں کی جامع اور تمام برائیوں سے پاک ذات"۔
 
کیفیت
مزید جوابات کے لیے دستیاب نہیں
Top