تعارف (نہیں) پوچھتے ہیں وہ کہ راحلؔ کون ہے

[ماہی احمد]

جی، میں سوڈانی ہوں، ملازمت کے سلسلے میں پاکستان میں رہتا ہوں

دیکھا۔۔۔ کہا تھا نا عمران خان نے۔۔۔ باہر کے ملکوں سے لوگ آئیں گے نوکریوں کے لئیے۔۔۔۔

 

[شمشاد]

شکریہ شمشاد بھائی۔
محفل پر چار میں سے دو سال تو بن باس کاٹتے گزرے۔ بارِ دگر جب آنا ہوا تو چھ آٹھ ماہ تک یہی معلوم نہیں تھا کہ تعارف کا الگ سے زمرہ بھی ہے
شہادت (شادی) کا تذکرہ نہ کرنے کی وجہ تسمیہ آخری پیرا میں دے دی گئی ہے ۔۔۔ کہ کہیں کوئی سچ مچ متاثر ہو کر انگلی کٹوانے نہ نکل کھڑا ہو

سرگوشی

الحمد للہ خانہ آبادی کو 7 سال سے کچھ اوپر ہو چکے ہیں۔ بیگم صاحبہ چونکہ ہم سے زیادہ اہل ہیں سو ان کو اہلیہ لکھنا درست ہوگا ۔۔۔ یوں تو میڈیکل ڈاکٹر ہیں، تاہم ان کا میدان تحقیق بر صحتِ عامہ ہے۔ الحمدللہ دو اچھے بچے ہیں ۔۔۔ بڑی بیٹی ہے، عمر ۶ سال ماشاءاللہ اور چھوٹا بیٹا ہے عمر ۴ سال ماشاءاللہ)

ماشاء اللہ ماشاء اللہ۔ اللہ تعالٰی سے دعا ہے کہ بچوں کو دین اور دنیا والی عمر دراز عطا فرمائے اور آپ کی اہلیہ کا سایہ آپ کے سر پر قائم و دائم رکھے۔
آپ بھی خوف الٰہی و اہلیہ سے ڈر کر زندگی گزاریں۔ اللہ تعالٰی برکت دینے والا ہے۔

 

[محمد عبدالرؤوف]

دیکھا۔۔۔ کہا تھا نا عمران خان نے۔۔۔ باہر کے ملکوں سے لوگ آئیں گے نوکریوں کے لئیے۔۔۔۔

اب راحل بھائی کا بیان آپ وائرل کر دیں گی اس مضمون کے ساتھ "دیکھیے عمران خان نے اپنا "ایک اور وعدہ" پورا کر دیا"
اور اگر ویڈیو بنائی تو بیک گراؤنڈ میں گانا چل رہا ہو گا "یہ دیکھو پورا ہوا جو خواب تھا کپتان کا"

 

[ماہی احمد]

اب راحل بھائی کا بیان آپ وائرل کر دیں گی اس مضمون کے ساتھ "دیکھیے عمران خان نے اپنا "ایک اور وعدہ" پورا کر دیا"
اور اگر ویڈیو بنائی تو بیک گراؤنڈ میں گانا چل رہا ہو گا "یہ دیکھو پورا ہوا جو خواب تھا کپتان کا"

میری سُستی کے ثبوت محفل کی لائیبریری میں جابجا بکھرے پڑے ہیں۔۔۔۔

 

[محمد عبدالرؤوف]

میری سُستی کے ثبوت محفل کی لائیبریری میں جابجا بکھرے پڑے ہیں۔۔۔۔

یعنی صرف سست روی آڑے آ رہی ہے

 

[محمد عبدالرؤوف]

اب راحل بھائی کا بیان آپ وائرل کر دیں گی اس مضمون کے ساتھ "دیکھیے عمران خان نے اپنا "ایک اور وعدہ" پورا کر دیا"
اور اگر ویڈیو بنائی تو بیک گراؤنڈ میں گانا چل رہا ہو گا "یہ دیکھو پورا ہوا جو خواب تھا کپتان کا"

ایسا لگتا ہے کہ Ali Baba کو کسی نے اردو محفل میں ٹاسک دے کر بھیجا ہے

 

[مقدس]

بھائی اردو میں لکھتے ناں

 

[فاخر رضا]

خوش آمدید

 

[فاخر رضا]

محمد احسن سمیع راحل ، اردو محفل میں خوش آمدید!
امید ہے یہاں آپ کا وقت اچھا گزرے گا ۔ کسی بھی قسم کا کوئی مسئلہ ہو تو بلا تکلف مجھے مت بتائیے گا ۔ میں خود یہاں کے مسائل سے تنگ ہوں ۔

میں بھی

 

[سید عمران]

ویسے تو چار سال اور چودہ سو مراسلوں کے بعد رسمی تعارف کروانا شدید قسم کا تکلف معلوم ہوتا ہے

سب سے پہلے تو ہمیں اپنے آپ پہ حیرت ہے کہ آج تک یہ لڑی ہماری دست اندازی سے کیوں کر محروم رہی!!!

 

[سید عمران]

ہم ٹھہرے ایک قدامت پسند اور روایت پرست انسان (یہاں لفظ انسان کے استعمال پر اشکال ہو سکتا ہے

سوڈان میں رہنے کے باعث ہمارے شک کو یقین کی چنگاریوں سے نہ نوازیں!!!

 

[سید عمران]

اپنے بارے میں کچھ نالائقِ بیان باتیں بتائے دیتے ہیں۔

اس رنگین و سنگین بیان کے جھانسے میں ہم آخر تک پورا مراسلہ پڑھ گئے۔۔۔
اور آخر میں کف افسوس ملتے رہ گئے۔۔۔
کہاں رہ گئیں وہ نالائق بیان باتیں؟؟؟

 

[سید عمران]

انسان چونکہ فطرتاً حریص اور زیادہ کا طلبگار ہے، سو ہمیں بھی لگا کہ نام کی طوالت میں کچھ کسر باقی ہے۔ گویا دل میں ایک خلش سی رہتی تھی جو پیہم ایک ادھورے پن کا احساس جگائے رکھتی۔ ظاہر ہے کہ باپ دادا کے ناموں کے ساتھ تو کوئی چھیڑ چھاڑ ممکن نہیں تھی، سو نام کو مزید لمبا کرنے کا ایک ہی طریقہ سوجھا کہ اگر اردو شاعری کو زیرِ مشق (یہاں مشق کو ستم پڑھیں گے) لے آیا جاوے تو مزید ایک نام کا لاحقہ تخلص کی رعایت سے اپنے نام کے ساتھ جوڑا جا سکتا ہے۔ ویسے تو اس جہان میں بڑا نام کرنے کے اور بھی طریقے معروف اور رائج ہیں جیسے کوئی علمی کارنامہ سر انجام دینا یا عوامی فلاح و بہبود کا کوئی کام کرنا۔ تاہم ہمارے خیال یہ سب غیر ضروری ہیں اور اضاعتِ وقت کا باعث ہیں۔ جب خود نام کو بڑا کیا جاسکتا ہو، تو بڑا نام کرنے کی مشقت میں کیوں پڑا جائے!!!

بڑا نام کمانے کی خواہش کو مزید پورا کیا جاسکتا ہے۔۔۔
مثال کے طور پر محمد احسن سمیع راحل کراچوی ثم سوڈانی!!!

 

[سید عمران]

ہم نے اللہ کے فضل و کرم سے کافی دبیز چمڑی پائی ہے (جس کو ایک آپریشن کے دوران اطبا نے باقاعدہ سندِ تصدیق عطا کی)

قبل از تعارف سند یافتہ ہونے کے باعث ہماری تصدیق کی چنداں ضرورت باقی نہیں رہی!!!

 

[سید عمران]

رمضان المبارک جیسے بابرکت مہینے میں پیدائش کا (خوشگوار) اثر انسان کے اعمال و اخلاق پر پڑتا ہے۔ ہمارے کردار پر پڑے اثرات میں سے اب تک جو اثر سامنے آیا ہے، جس کی سرکاری سطح پر تصدیق کی جاسکے، وہ محض بسیار خوری، ہمارا مطلب ہے کہ وہ خوش خوراکی ہے

خدا نظر بد سے بچائے رکھے!!!

 

[سید عمران]

اگرچہ دیکھنے والے بالوں کی سفیدی اور پیٹ کی ’’فربگی‘‘ کے سبب اس بات کو تسلیم کرنے سے انکاری ہوجاتے ہیں، تاہم ہمارے خیال میں ہمیں ایسی کوئی ضرورت لاحق نہیں کہ جس کی وجہ سے ہمیں اپنی عمر چھپانے کی جھنجھٹ میں پڑنا پڑے۔ بلکہ جب کوئی ہمارے جثے کو دیکھ کر مرعوب ہونے لگتا ہے تو ہم واقعی یہ تمنا کرنے لگتے ہیں کہ کاش ہم آٹھ دس سال پہلے پیدا ہو چکے ہوتے تو آج کم از کم ذہنی سطح ہی کسی ۳۷ سالہ شخص کے مساوی ہوتی!

کچھ کہتے مگر کمسنی دیکھتے ہوئے درگزر کیا!!!

 

[سید عمران]

بچپن محلے میں کرکٹ کھیلتے اور ڈی سلوا کی مشہور کوئلہ کڑھائی اور دال فرائی کھاتے گزرا۔

آہ کیا کیا یادیں تازہ کرادیں!!!

 

[سید عمران]

چونکہ ہم انسانی مساوات کے قائل ہیں اس لیے امتیازی نمبروں سے امتحان پاس کرنے کے ہمیشہ مخالف رہے ہیں کہ اس سے امتیازی سلوک کی بُو آتی ہے۔

ہاہ، حق ہے، سچ ہے!!!

 

[سید عمران]

مگر شاعری اتنے عرصے میں زیر زمین جا کر کامیابی سے روپوش ہوچکی تھی۔

آج پلٹ کر دیکھیں تو معلوم ہوگا یہ نرا واہمہ ہی تھا!!!

 

[سید عمران]

اگرچہ ہماری اوصافِ ذاتیہ کی کامل آگہی کے لیے یہ چند سطور ناکافی ہیں، تاہم مزید کچھ بیان کرنے پر امکان ہے کہ کوئی ہم سے سچ مچ متاثر نہ ہو جائے۔

ہم تو اس ناکافی پر ہی کافی متاثر ہوگئے۔۔۔
آپ کی ساری محنت پر پانی پھر گیا!!!