گلزار نٹ کھٹ - گلزار

[فرخ منظور]

نٹ کھٹ


گیلی گیلی سی دھوپ کے گچھّے
ٹھنڈی ٹھنڈی سی آگ کی لپٹیں
سرخ چمکیلا گُل مہر کا پیڑ


نیم تاریک بند کمرے سے
جب بھی دروازہ کھول کر نکلوں
سرخ چمکیلی دھوپ کا چھینٹا
ایسے لگتا ہے آنکھ پر آ کر
جیسے چنچل شریر اِک بچّہ
چوری چوری کواڑ سے کودے
"ہاہ" کہہ کر ڈرائے اور ہنس دے

 

[سارہ خان]

بہت خوب سخنور ۔۔

 

[فرخ منظور]

شکریہ سارہ خان!

 

[محمد وارث]

شکریہ جناب شیئر کرنے کیلیئے

 

[ملائکہ]

نہایت ہی بےکار نظم ہے۔عجیب وغریب ہے

 

[فرخ منظور]

شکریہ وارث صاحب، اعجاز صاحب، محسن اور شمشاد صاحب-

 

[فرخ منظور]

نہایت ہی بےکار نظم ہے۔عجیب وغریب ہے

اچھی بات ہے - ناپسندیدگی کا بھی اظہار کرنا چاہیے -

 

[محمداحمد]

بہت اچھی نظم ہے۔ پڑھ کر لطف آیا!

 

[فرخ منظور]

پسندیدگی کے لیے بہت شکریہ محمد احمد صاحب!

 

[عمران خان]

ہمیشہ کی طرح دل موہ لینے والی نظم ۔ بہت شکریہ جی
​

 

[فرخ منظور]

بہت شکریہ عمران بھائی۔ اور اردو محفل میں خوش آمدید۔ تعارف کے زمرے میں اپنا تعارف ضرور کروائیں۔

 

[عمران خان]

بس حضرت آپ کی کرم فرمائی ہے۔۔۔خوش رہیئے ہمیشہ​

 

[فرخ منظور]

بس حضرت آپ کی کرم فرمائی ہے۔۔۔خوش رہیئے ہمیشہ​

بہت شکریہ جناب۔ اردو محفل میں بھی آتے جاتے رہا کیجئے۔ آپ کو یہاں دیکھ کر بہت خوشی ہوئی۔

 

[فاتح]

قبلہ فرخ صاحب! ہماری نا پسندیدگی بھی ریکارڈ کر لی جائے محترمہ ملائکہ کے ساتھ ساتھ

نہایت ہی بےکار نظم ہے۔عجیب وغریب ہے

یوں 1 اور 1 گیارہ ارکان نے اس نظم کو پسند نہیں کیا۔ ہاہاہاہاہاہا

 

[فرخ منظور]

قبلہ فرخ صاحب! ہماری نا پسندیدگی بھی ریکارڈ کر لی جائے محترمہ ملائکہ کے ساتھ ساتھ


یوں 1 اور 1 گیارہ ارکان نے اس نظم کو پسند نہیں کیا۔ ہاہاہاہاہاہا

حضور بہت شکریہ ناپسند کرنے کے لئے۔ شکر ہے یہاں کچھ لوگ ناپسندیدگی کا کھلم کھلا اظہار کرتے ہیں۔ بجائے منفی پوائینٹس دینے کے۔