نوٹو نستعلیق اردو

[سعادت]

بہت شکریہ سعادت۔ اردو ٹائپوگرافی اور خاص طور پر نستعلیق سے متعلقہ کوئی خبر سامنے آ جائے تو گویا سوکھے دھانوں پر پانی پڑ جاتا ہے۔
نوٹو نستعلیق بظاہر تو اچھا نظر آ رہا ہے۔ یہ ٹائپوگرافی کے ماہرین ہی بتا سکیں گے کہ کس موجودہ نستعلیق فونٹ سے اس کی زیادہ مشابہت ہے۔

جی، نبیل بھائی۔ نوٹو نستعلیق کا ڈیزائن مجموعی طور پر فارسی طرزِ نستعلیق کے قریب ہے۔ ڈیزائنر کے بارے میں کچھ خاص علم نہیں، البتہ فونٹ کے میٹا ڈیٹا میں مونوٹائپ امیجنگ کا نام ملتا ہے۔

گوگل کوڈ پر اس پراجیکٹ کی موجودگی سے معلوم ہو رہا ہے کہ اس فونٹ کا سورس بھی دستیاب ہوگا۔ یہ بھی احباب کے لیے دلچسپی کا باعث ہو سکتا ہے۔

ابھی تک تو میں فونٹ کا سورس ڈھونڈنے میں ناکام رہا ہوں کیونکہ نوٹو فونٹس کی ریپازٹری میں صرف کمپائل شدہ فونٹ فائلز ہی موجود ہیں۔ (شاید مجھے مزید ایکسپلور کرنے کی ضرورت ہے۔) ویسے تمام نوٹو فونٹس اپاچی لائسنس کے تحت ہیں، سو ان کے ساتھ چھیڑ چھاڑ مکمل طور پر جائز ہے۔

نیز اسکا وولٹ سورس بھی اگر مل جائے سونے پہ سہاگا۔

میرا اندازہ تو یہ ہے کہ اس فونٹ کی تیاری میں اڈوب کی AFDKO کا استعمال کیا گیا ہے، اور fonttools کا استعمال تو ہے ہی (جیسا کہ اس کمِٹ پیغام سے ظاہر ہے)۔

بھی نوٹو فونٹ پراجیکٹس کی رپازٹری ڈاؤنلوڈ کی ہے اور اس میں ان فونٹس کی تیاری کے دوران استعمال کیے گئے ٹولز بھی شامل ہیں۔ ان کا مطالعہ بھی اردو ٹائپوگرافی کے ماہرین کے لیے کافی مفید ثابت ہو سکتا ہے۔

آجکل فونٹ اور ٹائپ ڈیزائن انڈسٹری میں کافی دلچسپ سرگرمیاں جاری ہیں۔ اڈوب کی AFDKO آزاد مصدر ہو چکی ہے، fonttools کا استعمال بھی کافی عام ہو گیا ہے (پائتھون پروگرامنگ زبان تو عرصے سے فونٹ انڈسٹری کی لاڈلی رہی ہے)، اور فونٹ فورج کا بھی حال ہی میں نیا ورژن سامنے آیا ہے۔ عربی سکرپٹ کے علاوہ دیگر پیچیدہ سکرپٹس (جیسے دیوناگری یا کانجی وغیرہ) میں بھی ٹائپ ڈیزائنرز کی دلچسپی کافی بڑھ رہی ہے۔

 

[سعادت]

علاوہ ازیں نوٹو فونٹ کے ایشو ٹریکر پر علی اعتراز کے مراسلات نظر آئے ہیں جس سے معلوم ہوتا ہے کہ اردو ویب کے علاوہ بھی کچھ لوگ انفرادی طور پر اردو کی کاز کے لیے مخلصانہ کوشش کر رہے ہیں۔

علی اعتراض کا ذکر یہاں بھی آ گیا!

علی اعتراض کے مضمون، ’اردو سکرپٹ کی موت‘، نے پچھلے سال کے دوران کافی شہرت حاصل کی تھی، جس میں انہوں نے ڈیجیٹل میڈیمز (سوشل نیٹورکس، موبائل پلیٹ فارمز، عام ویب سائٹس وغیرہ) میں نستعلیق کی عدم موجودگی کو اردو کے لیے موت قرار دیا تھا۔ نوٹو فونٹس کے اجرا کے وقت بھی نستعلیق فونٹ کی غیر دستیابی پر علی نے گوگل پر کافی تنقید کی تھی (اور پھر اس تنقید کے اوپر جواباً تنقید ہوئی تھی!)۔ خود میری علی کے ساتھ کافی گفت و شنید ہوتی رہی ہے، جس کے دوران میں نے انہیں اردو ویب اور اردو ویب کے رضاکاروں کی کوششوں کے بارے میں مطلع بھی کیا تھا۔ برادرم ابو شامل نے علی کے موقف سے تھوڑا سا اختلاف کرتے ہوئے ایک مضمون لکھا تھا (جس کا حال ہی میں انگریزی ترجمہ بھی ہوا ہے)، اور میں خود کو ابو شامل ہی کی بات سے زیادہ اتفاق کرتا ہوا پاتا ہوں، گو علی اعتراض کے نکات بھی اپنی جگہ پر اہم ہیں۔

علی اعتراض کے مضمون کے نتیجے میں مدثر عظیمی نے ایپل کے موجودہ سی-ای-او، ٹِم کُک، کو ای-میل اور خط بھیجا، جس میں انہوں نے ایپل کی مصنوعات میں اردو اور نستعلیق کی سپّورٹ بہتر کرنے کی درخواست کی۔ شاندار بات یہ ہے کہ مدثر عظیمی کو ٹِم کُک کے دفتر سے جواب بھی آیا، جس میں انہیں بتایا گیا کہ ایپل کے آنے والے اپڈیٹس میں اردو کی صورتحال کو بہتر کرنے کے لیے کوششیں کی جائیں گی۔

اعتراض۔ کافی پرانی جان پہچان ہے اس سے بلاگنگ کے دور سے۔

دلچسپ۔ مجھے حیرت ہے کہ آپ کے ساتھ جان پہچان ہونے کے باوجود علی اعتراض کو اردو ویب کے بارے میں کافی کم معلومات تھیں۔

 

[سعادت]

ارے واہ۔۔۔ بہداد کی ویب سائٹ پر تو اینڈرائڈ میں بھی ایمبیڈڈ نستعلیق نستعلیق ہی دکھائی دے رہا ہے۔

اگر اپنے منہ میاں مٹھو بننے کی اجازت ہو تو میرے بلاگ کا ربط بھی حاضر ہے، البتہ وہاں پر آپ کو نفیس نستعلیق نظر آئے گا۔

 

[محمد شعیب]

اگر اپنے منہ میاں مٹھو بننے کی اجازت ہو تو میرے بلاگ کا ربط بھی حاضر ہے، البتہ وہاں پر آپ کو نفیس نستعلیق نظر آئے گا۔

یہ کیسے ہوا؟

 

[سعادت]

یہ کیسے ہوا؟

سی-ایس-ایس کے فونٹ فیس رُول کی مدد سے۔

 

[نبیل]

بہت شکریہ سعادت۔ علی اعتراض اور مدثر عظیمی کی کاوشوں کے بارے میں میں خود لکھنا چاہتا تھا لیکن آپ نے میرا کام آسان کر دیا ہے۔ مدثر کا ٹم کک سے رابطہ کرنے کے بارے میں علم ضرور تھا لیکن یہ جاننے سے قاصر رہا ہوں کہ اس سے حاصل کیا ہوا۔ اگر مقصد آئی او ایس میں اردو کی بورڈ شامل کروانا تھا تو وہ مقصد پورا ہو گیا، لیکن نستعلیق فونٹ کی سپورٹ کا تو وہی حال ہے۔ اینی ٹائپ کے ذریعے جیسے تیسے آئی او ایس 8 پر نوری نستعلیق فونٹ انسٹال ضرور ہو جاتا ہے لیکن ویب سائٹس وہی پرانے ڈیفالٹ نسخ فونٹ میں نظر آتی ہیں۔ شاید صرف پیجز وغیرہ میں نستعلیق فونٹ دستیاب ہو جاتے ہیں۔ بہرحال اب آئی او ایس پر اردو کی بورڈ کی دستیابی بھی غنیمت ہے۔ پہلے محفل فورم پر لکھ کر کاپی پیسٹ کرنا پڑتا تھا۔ مدثر اور علی کی کاوشوں کو بھی خراج تحسین پیش کیا جانا چاہیے۔ بڑی آئی ٹی کمپنیز پر لوگ انفرادی حیثیت میں جب اثر انداز ہو سکتے ہیں تو مشترکہ طور پر مہم چلا کر بہتر نتائج بھی حاصل کیے جا سکتے ہیں۔

 

[arifkarim]

بڑی آئی ٹی کمپنیز پر لوگ انفرادی حیثیت میں جب اثر انداز ہو سکتے ہیں تو مشترکہ طور پر مہم چلا کر بہتر نتائج بھی حاصل کیے جا سکتے ہیں۔

آپکی بات درست ہے۔ قریباً یہی مسئلہ ایک عرصہ دراز سے یونیکوڈ کنسورشیم کیساتھ چلا آرہا ہے کہ پاک و ہند کی مشترکہ کاوش نہ ہونے کی وجہ سے ابھی تک برصغیری رسم الخط پر مبنی قرآن کے تمام رموز اوقاف کیریکٹرز یونیکوڈ اسٹینڈرڈ میں موجود ہی نہیں ہیں

 

[سید ذیشان]

بہت اچھی خبر ہے۔ دیکھنے میں تو کافی اچھا لگ رہا ہے۔

 

[سعادت]

بهداد اسفهبد نے اپنی ویب سائٹ پر نوٹو نستعلیق اردو کے صفحے پر مزید معلومات (بالخصوص مختلف براؤزرز میں نوٹو نستعلیق اردو کی رینڈرنگ) کا اضافہ کیا ہے: http://behdad.org/urdu/

 

[سید ذیشان]

فائر فاکس میں اس فونٹ کیساتھ مسئلہ آتا ہے۔ بھداد کے مطابق اس کو فائرفاکس کی اگلی ریلیز میں درست کر دیا جائے گا۔

 

[قیصرانی]

بهداد اسفهبد نے اپنی ویب سائٹ پر نوٹو نستعلیق اردو کے صفحے پر مزید معلومات (بالخصوص مختلف براؤزرز میں نوٹو نستعلیق اردو کی رینڈرنگ) کا اضافہ کیا ہے: http://behdad.org/urdu/

اردو رینڈرنگ کے ساتھ فانٹ بہت بہتر دکھائی دے رہا ہے

 

[ابن سعید]

ہمیں لگ رہا ہے کہ اس نوٹو فونٹ سیریز کا سارا قصہ گوگل نے اپنے آپریٹنگ سسٹم گوگل کروم کے لیے شروع کیا تھا، ممکن ہے کچھ اور مقاصد بھی رہے ہوں۔ اس بات کا اندازہ ہمیں ایک ایسی خبر سے ہوا جس میں مستقبل قریب میں گوگل کروم میں نوٹو سینس یو آئی کے بجائے روباٹو فونٹ کے استعمال کی بات کی گئی ہے۔ واضح رہے کہ روباٹو فانٹ ابتدا میں اینڈرائڈ کے لیے بنایا گیا تھا۔

 

[سعادت]

ہمیں لگ رہا ہے کہ اس نوٹو فونٹ سیریز کا سارا قصہ گوگل نے اپنے آپریٹنگ سسٹم گوگل کروم کے لیے شروع کیا تھا، ممکن ہے کچھ اور مقاصد بھی رہے ہوں۔ اس بات کا اندازہ ہمیں ایک ایسی خبر سے ہوا جس میں مستقبل قریب میں گوگل کروم میں نوٹو سینس یو آئی کے بجائے روباٹو فونٹ کے استعمال کی بات کی گئی ہے۔ واضح رہے کہ روباٹو فانٹ ابتدا میں اینڈرائڈ کے لیے بنایا گیا تھا۔

اینڈرائیڈ کی ریلیز کے وقت اس کے یوزر انٹرفیس میں استعمال ہونے والےڈرائیڈ فونٹس سامنے آئے تھے، جن میں سے ایک ڈرائیڈ سینز بھی تھا۔ نوٹو سینز اسی ڈرائیڈ سینز پر مبنی ہے:

[Noto Sans] is derived from Droid, and like Droid it has a serif sister family, Noto Serif.

اینڈرائیڈ ۴ (آئس کریم سینڈوچ) میں ڈرائیڈ سینز کی جگہ روبوٹو نے لے لی تھی۔

گوگل کی جانب سے ’نوٹو‘ کی وجۂ تسمیہ کچھ یوں بیان ہوئی ہے:

جب کمپیوٹر کی جانب سے متن کو رینڈر کیا جاتا ہے، تو کبھی کبھار متن میں ایسے حروف بھی ہوں گے جو ڈسپلے نہیں ہو سکتے، کیونکہ کمپیوٹر کے پاس ان کو سپّورٹ کرنے والا کوئی بھی فونٹ دستیاب نہیں ہوتا۔ ایسی صورتحال میں ان حروف کی جگہ چھوٹے سے ڈبے ظاہر ہوتے ہیں۔ ہم ان چھوٹے سے ڈبوں کو ”ٹوفو“ کہتے ہیں، اور چاہتے ہیں کہ ویب پر ٹوفو کبھی نظر نہ آئیں۔ نوٹو فونٹ فیمیلیز کو یوں اپنا نام حاصل ہوا ہے۔

یعنی No tofu۔

(انگریزی وکشنری پر ’ٹوفو‘ بھی دیکھیے، جو ویسے دودھ سے بنی کوئی ڈش ہوتی ہے۔)

 

[ابن سعید]

اینڈرائیڈ کی ریلیز کے وقت اس کے یوزر انٹرفیس میں استعمال ہونے والےڈرائیڈ فونٹس سامنے آئے تھے، جن میں سے ایک ڈرائیڈ سینز بھی تھا۔ نوٹو سینز اسی ڈرائیڈ سینز پر مبنی ہے:

اینڈرائیڈ ۴ (آئس کریم سینڈوچ) میں ڈرائیڈ سینز کی جگہ روبوٹو نے لے لی تھی۔

گوگل کی جانب سے ’نوٹو‘ کی وجۂ تسمیہ کچھ یوں بیان ہوئی ہے:

یعنی No tofu۔

(انگریزی وکشنری پر ’ٹوفو‘ بھی دیکھیے، جو ویسے دودھ سے بنی کوئی ڈش ہوتی ہے۔)

ڈرائڈ فونٹس اور روباٹو کے معاملات سے تو آگاہی تھی، لیکن نوٹو کی وجہ تسمیہ دلچسپ لگی۔ یہ بات ہمارے علم میں نہیں تھی کہ ان چوکور خانوں کو ٹوفو کہتے ہیں۔ ویسے ٹوفو ڈش کھائی بھی ہے جو کہ دیسی پنیر سے ملتی جلتی چیز ہے اور عموماً دوسرے کھانوں میں ملا کر استعمال کی جاتی ہے۔ سب سے پہلے ہم نے اسے ایک تھائی ریسٹورینٹ میں کھایا تھا۔

 

[زیک]

(انگریزی وکشنری پر ’ٹوفو‘ بھی دیکھیے، جو ویسے دودھ سے بنی کوئی ڈش ہوتی ہے۔)

دودھ نہیں بلکہ سویا مِلک

 

[arifkarim]

فائر فاکس میں اس فونٹ کیساتھ مسئلہ آتا ہے۔ بھداد کے مطابق اس کو فائرفاکس کی اگلی ریلیز میں درست کر دیا جائے گا۔

یہ بگ درست ہے۔ شاید فانٹ لوڈنگ میں تاخیر کی وجہ سے ایسا ہوتا ہے۔ خیر مجھے آجکل کروم میں اردو اسپیس کی رینڈرنگ سے متعلق کچھ مسائل درپیش ہیں۔ ایسا پہلے تو نہیں تھا البتہ جب سے انہوں نے حرف باز کااستعمال شروع کیا ہے تب سے اردو اسپیس کروم میں درست رینڈر نہیں ہو رہی: کروم بمقابلہ دیگر براؤزرز:

میں نے جمیل نوری نستعلیق کی ساری پروگرامنگ چیک کی ہے اور چونکہ دیگر براؤزرز اور ڈیسکٹاپ پبلشنگ سافٹوئیرز میں ایسا کوئی مسئلہ نہیں مطلب کروم میں کوئی اسپیس رینڈرنگ بگ موجود ہے۔ کیا بھداد اس سلسلے میں ہماری مدد کر سکتا ہے؟

اینڈرائیڈ ۴ (آئس کریم سینڈوچ) میں ڈرائیڈ سینز کی جگہ روبوٹو نے لے لی تھی۔

لگتا ہے یہ پروگرامر حضرات اتنے Geeky ہوتے ہیں کہ کوڈنگ کرتے وقت جو کھاپی رہے ہوتے ہیں اسی کے نام پر اپنا پراڈکٹ لانچ کر دیتے ہیں

 

[arifkarim]

نوٹو نستعلیق کا آفیشل اجراء:

Today, we are excited to release an early version of Noto Nastaliq Urdu.

Nastaliq’s rich typographic tradition presents particular challenges to computerized typography. We’ve been working over a year to solve technical and design issues for an Urdu Nastaliq (aka Nastaleeq) font. This early version is by no means complete and perfect. We expect to work closely with the community to incorporate comments and suggestions.

This preview font can be downloaded from the Noto homepage or the Noto repository, and is also available as a webfont on Google Fonts Early Access.

This is a sample web page to showcase Noto Nastaliq Urdu as a webfont. Go ahead open it. If your browser renders it correctly, you will see something like this:

Text in the image is from a poem by Urdu poet Mirza Ghalib. It means “I can get another if I break it / so a clay cup trumps a grail.” This font can be challenging to the current generation of browsers and font renderers. It partially broke a few of them; we have been working with browser manufacturers to fix all those issues.

We are looking forward to your feedback and bug reports. Please contact us throughhttps://code.google.com/p/noto/issues/entry. Known issues can be found here.

Posted by Behdad Esfahbod, Software Engineer, Fonts & Text Rendering, Google Internationalization Engineering
http://googledevelopers.blogspot.no/2014/11/i-can-get-another-if-i-break-it.html​

 

[سید ذیشان]

یہ بگ درست ہے۔ شاید فانٹ لوڈنگ میں تاخیر کی وجہ سے ایسا ہوتا ہے۔ خیر مجھے آجکل کروم میں اردو اسپیس کی رینڈرنگ سے متعلق کچھ مسائل درپیش ہیں۔ ایسا پہلے تو نہیں تھا البتہ جب سے انہوں نے حرف باز کااستعمال شروع کیا ہے تب سے اردو اسپیس کروم میں درست رینڈر نہیں ہو رہی: کروم بمقابلہ دیگر براؤزرز:

میں نے جمیل نوری نستعلیق کی ساری پروگرامنگ چیک کی ہے اور چونکہ دیگر براؤزرز اور ڈیسکٹاپ پبلشنگ سافٹوئیرز میں ایسا کوئی مسئلہ نہیں مطلب کروم میں کوئی اسپیس رینڈرنگ بگ موجود ہے۔ کیا بھداد اس سلسلے میں ہماری مدد کر سکتا ہے؟


لگتا ہے یہ پروگرامر حضرات اتنے Geeky ہوتے ہیں کہ کوڈنگ کرتے وقت جو کھاپی رہے ہوتے ہیں اسی کے نام پر اپنا پراڈکٹ لانچ کر دیتے ہیں

اس کے لئے اپنے سی ایس ایس میں یہ تبدیلیاں کریں:

 -webkit-font-feature-settings: "ccmp" 0;
    -moz-font-feature-settings: "ccmp" 0;
    font-feature-settings: "ccmp" 0; /* Firefox 4.0 to 14.0 */

سعادت بھائی نے محفل کی کسی پوسٹ میں اس کی تفصیل بتائی تھی۔ البتہ فائر فاکس کے لئے درج ذیل کوڈ کا اضافہ کرنا پڑتا ہے، جس کا ذکر اس پوسٹ میں شائد نہیں تھا۔

    -moz-font-feature-settings: "ccmp" 0;

فائرفاکس میں نوٹ کریں کہ سپیس سرے سے ہی غائب ہیں۔ آپ عروض سائٹ کو دیکھیں گے تو اس میں ایسا مسئلہ نہیں ہے۔



فائرفاکس والے بگ کی تفصیل یہاں دیکھیں:
https://code.google.com/p/noto/issues/detail?id=186

 

[arifkarim]

فائرفاکس میں نوٹ کریں کہ سپیس سرے سے ہی غائب ہیں۔ آپ عروض سائٹ کو دیکھیں گے تو اس میں ایسا مسئلہ نہیں ہے۔

اس کوڈ کا شکریہ البتہ میرا مسئلہ کچھ اور ہے۔ یہ کوڈ دراصل ccmp فیچر کو ڈس ایبل کر دیتا ہے جو کہ جمیل نوری نستعلیق کے اولین ورژنز میں اردو اسپیس کی کھینچائی صفر کرنے کیلئے استعمال کیا گیا تھا۔ یہ فیچر چونکہ دیگر سافٹوئیرز جیسے اڈوبی انڈیزائن میں بھی مسئلہ کر رہا تھا اس لئے اسکو نکال کر اسکی جگہ سیدھا اسپیس کیریکٹر کو kern فیچر کی مدد سے اردو کیلئے سیٹ کر لیا گیا۔ اب یہ تبدیل شدہ فانٹ بالکل درست کام کر رہا ہے سوائے گوگل کروم کے۔ چونکہ بہداد حرف باز کا خالق ہے اور کروم میں یہی استعمال ہو رہا ہے اسلئے میں نے سوچا کہ شاید اس سےکوئی مدد مل جائے؟ نوٹ: آپکا عروض اس تبدیل شدہ فانٹ میں ایسے رینڈر ہوتا ہے:

یعنی مسئلہ کروم براؤزر میں ہے نہ کہ فانٹ میں۔

 

[سید ذیشان]

اس کوڈ کا شکریہ البتہ میرا مسئلہ کچھ اور ہے۔ یہ کوڈ دراصل ccmp فیچر کو ڈس ایبل کر دیتا ہے جو کہ جمیل نوری نستعلیق کے اولین ورژنز میں اردو اسپیس کی کھینچائی صفر کرنے کیلئے استعمال کیا گیا تھا۔ یہ فیچر چونکہ دیگر سافٹوئیرز جیسے اڈوبی انڈیزائن میں بھی مسئلہ کر رہا تھا اس لئے اسکو نکال کر اسکی جگہ سیدھا اسپیس کیریکٹر کو kern فیچر کی مدد سے اردو کیلئے سیٹ کر لیا گیا۔ اب یہ تبدیل شدہ فانٹ بالکل درست کام کر رہا ہے سوائے گوگل کروم کے۔ چونکہ بہداد حرف باز کا خالق ہے اور کروم میں یہی استعمال ہو رہا ہے اسلئے میں نے سوچا کہ شاید اس سےکوئی مدد مل جائے؟ نوٹ: آپکا عروض اس تبدیل شدہ فانٹ میں ایسے رینڈر ہوتا ہے:

یعنی مسئلہ کروم براؤزر میں ہے نہ کہ فانٹ میں۔

یہ مسئلہ بھی اس پرانے مسئلے کی طرح لگ رہا ہے۔

میرے پاس شائد پرانا فانٹ ہی ہے، اس میں درست کام کرتا ہے۔ نیا فانٹ کہاں سے ملے گا؟

بھداد سے ٹویٹر پر رابطہ کر سکتے ہیں، یا پھر حرف باز پر بگ رپورٹ کر دیں۔

https://twitter.com/behdadesfahbod