نفیس نستعلیق کی مدد سے لگیچر بیسڈ فانٹ کی تیاری 2

نبیل نے 'اردو نستعلیق فونٹ پراجیکٹ' کی ذیل میں اس موضوع کا آغاز کیا، ‏مارچ 12, 2010

  1. محمد سعد

    محمد سعد محفلین

    مراسلے:
    2,857
    جھنڈا:
    Pakistan
    موڈ:
    Bored

    آج کا سوال:
    اگر نبیل بھائی کے حوالے کے فریم (frame of reference) میں ابھی تک صرف تین گھنٹے گزرے ہیں تو وہ زمین کے لحاظ سے کس رفتار سے سفر کر رہے ہیں؟ :mad3: :tongueout4:

    نوٹ: حوالے کے فریم کو حلوے کا فریم پڑھنے سے اور اس نوٹ کو روپوں والا نوٹ سمجھنے سے گریز کیا جائے۔ خلاف ورزی کرنے والے کو حلوے کا تقدس پامال کرنے کے جرم میں حوالۂ پولیس کیا جائے گا۔
     
  2. محمد سہیل

    محمد سہیل مہمان

    جی یہ ہونا چاہئیے۔
    شاید کوئی جینیس کوئی نئی چیز سامنے لے آئے۔۔۔
     
  3. نبیل

    نبیل محفلین

    مراسلے:
    16,748
    جھنڈا:
    Germany
    موڈ:
    Depressed
    پیوستہ رہ شجر سے امید بہار رکھ۔۔
     
  4. محمد سعد

    محمد سعد محفلین

    مراسلے:
    2,857
    جھنڈا:
    Pakistan
    موڈ:
    Bored
    بہار کا موسم تو کب کا گزر گیا۔ اب تو سیلابوں کا موسم ہے۔ اور کتنا انتظار کرواؤ گے بھائی؟
     
  5. محسن حجازی

    محسن حجازی محفلین

    مراسلے:
    2,513
    موڈ:
    Breezy
    نبیل بھائی جو سکرین شاٹس میں نے دیکھے ہیں ان کے لحاظ سے تو یہ کام مکمل ہو چکا ہے۔ اب ہیں دو مسئلے۔ ایک تو جو ایک ہی ترسیمےمیں ٹوٹے ہوئے جوڑ نظر آ رہے ہیں ان کا مسئلہ ہے اور دوسرا مسئلہ ترسیمے کی اپنی چوڑائی کا ہے جو کہ صفر نظر آرہی ہے۔ یہ دونوں مسئلہ فونٹ لیب میں Python کے سکرپٹ سے بہت آسانی سے کیے جا سکتے ہیں۔

    پہلا مسئلہ
    اس کے لیے ترسمیہ جات کے ٹکڑوں کو ویلڈ کرنا ہوگا۔ فونٹ لیب میں ترسیمہ کے باکس پر (مین ونڈو جہاں تمام ترسیمہ جات نظر آرہے ہوں) کلک کر کے ٹرانسفارمیشنز میں دیکھیں کچھ مل جائے گا غالبا weld کے نام سے۔

    دوسرا مسئلہ
    دوسرے مسئلے کے لیے پھر سے کلک کریں اور ٹرانسفارمیشن ہی میں غالبا width سے متعلق ایک آّپشن آتا ہے ۔ اب مجھے بہت عرصہ ہوگيا فونٹ لیب دیکھے بلکہ فونٹ لیب تو کیا اب تو ونڈوز سے بھی کافی دوری ہوگئی لیکن بہرطور یہ ممکن ہے اور ایسے ہی ہوگا۔ میں ونڈوز انسٹال کرتا ہوں اگر وقت ملتا ہے۔
    فونٹ لیب کے لیے سکرپٹ لکھا جا سکتا ہے جو اس سارے کام کو خودکار طریقے سے کر دے گا۔
     
    • پسندیدہ پسندیدہ × 2
  6. نبیل

    نبیل محفلین

    مراسلے:
    16,748
    جھنڈا:
    Germany
    موڈ:
    Depressed
    محسن، اس جانب توجہ کرنے کا شکریہ۔ اگر تم اپنی ماہرانہ رائے سے ہمیں آگاہ کرتے رہو تو اس سے ہمیں کافی مدد مل سکتی ہے۔ جہاں تک ترسیمہ جات کی اشکال جنریٹ کرنے کا تعلق ہے تو میں اس کے متبادل طریقوں پر بھی غور کر رہا ہوں۔ ترسیموں میں جوڑ کے علاوہ ان کے سائز اور بیس لائن کا بھی مسئلہ ہے۔ میرے خیال میں pango-view کے علاوہ کوئی اور طریقہ تلاش کرنا پڑے گا۔ جب مجھے وقت ملا تو میں دیکھوں گا کہ کس طرح کسی ویکٹر پروگرام جیسے کہ انک سکیپ، السٹریٹر یا کورل میں آٹومیشن کے ذریعے یہ اشکال جنریٹ کی جا سکتی ہیں۔ اس کے بعد میری کوشش یہی ہوگی کہ پائتھون کے فونٹ فورج ماڈیول کو استعمال کرکے فونٹ ڈیویلپ کیا جائے۔ فونٹ لیب کے لیے بھی پائتھون کی روبوفیب لائبریری موجود ہے لیکن مجھے اس کا استعمال کا تجربہ نہیں ہے۔ اگر یہ ورک فلو کامیاب ثابت ہوتا ہے تو اسے کئی فونٹس کو بہتر بنانے کے لیے استعمال کیا جا سکتا ہے۔ بلکہ میں تو یہ بھی چاہا ہوں کہ نوری نستعلیق کی اشکال پر مبنی ایک کیریکٹر بیسڈ فونٹ تیار کرکے اسی سے اس کے باقی ترسیمہ جات جنریٹ کروائے جائیں تاکہ ان اشکال کی قانونی حیثیت کے معاملے سے جان چھڑائی جا سکے۔
     
    • پسندیدہ پسندیدہ × 2
  7. محسن حجازی

    محسن حجازی محفلین

    مراسلے:
    2,513
    موڈ:
    Breezy
    ورک فلو والی بات بالکل درست ہے اور یہی میرے ذہن میں بھی بہت پہلے سے تھا کہ اگر ایک سیٹ آف ٹولز اور ورک فلو بن جائے تو پھر نئے فونٹس کا معاملہ فقط کوکی کٹر کا سا ہوگا۔ خیر ابھی تو میں آپ کا وہ تھریڈ ڈھونڈ رہا ہوں جس میں آّپ نے ایس وی جی جنریٹ کیےہیں۔
     
  8. نبیل

    نبیل محفلین

    مراسلے:
    16,748
    جھنڈا:
    Germany
    موڈ:
    Depressed
    یہ رہا وہ دھاگہ جہاں میں نے فونٹ فورج میں ایس وی جی امپورٹ کا ذکر کیا ہے۔ ابھی میں اس سکرپٹ کا کوڈ پوسٹ نہیں کیا ہے، اسے بھی جلد ہی شئیر کر دوں گا۔
     
  9. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    نوری نستعلیق فانٹس کا لائسنس 1981 کا ہے۔ اتنے عرصہ میں تو بڑی بڑی ٹیکنالوجیز ایکسپائر ہو جاتی ہیں تو یہ خطوط کیا چیز ہیں؟ انپیج والے انکو اپنی پراپرٹی کہتے ہیں حالانکہ انکی آمد سے پہلے یہ لگیچرز کئی ڈاس پروگرامز میں موجود تھے اور یہ پروگرامز مارکیٹ میں بغیر کسی قانونی مسئلہ کے بک بھی رہے تھے۔۔ نیز میرا پکا خیال ہے کہ اگر ہم ایسا کرتے ہیں جیسا آپ کہہ رہے ہیں تو انپیج کے نمائدے اس کے باوجود شور مچائیں گے۔
     
  10. محمد سعد

    محمد سعد محفلین

    مراسلے:
    2,857
    جھنڈا:
    Pakistan
    موڈ:
    Bored
    مجھے تجربات کے لیے جمیل نستعلیق یا فیض نستعلیق جیسا ترسیموں پر مبنی ایک چھوٹا سا فانٹ چاہیے جس میں ترسیموں کی تعداد سو، دو سو سے زیادہ نہ ہو۔ کیونکہ فی الحال مجھے ترسیموں والے فانٹس کو سمجھنے کے لیے جمیل نستعلیق یا فیض نستعلیق کو فانٹ فورج میں چلانا پڑتا ہے اور یہ دونوں فانٹ اپنی مکمل حالت میں اتنے بڑے ہیں کہ میرا کمپیوٹر ان کا بوجھ نہیں اٹھا پاتا۔ چنانچہ ترقی کی رفتار بہت متاثر ہو رہی ہے۔ اگر کوئی جمیل نستعلیق کا ایک "ذیلی سیٹ" فراہم کر دے تو میں اس کی ساخت کو اچھی طرح سمجھ کر اس کام کو مزید آگے بڑھا سکتا ہوں۔ یہ کام جتنا جلدی ہو، اتنا بہتر ہے۔ ایسا نہ ہو کہ پھر امتحانات کے دن آ جائیں۔
    میرا جانی دشمن عارف کریم کہاں ہے؟ :grin:
     
  11. دوست

    دوست محفلین

    مراسلے:
    13,075
    جھنڈا:
    Germany
    موڈ:
    Fine
    محمد سعد دس ہزار میں ایک جی بی ریم کے ساتھ 3 گیگا ہرٹز تک کمپیوٹر آجاتا ہے۔ جان چھوڑ دو اب اس کباڑ خانے کی۔ لازمی 5سال پرانا پی تھری ہوگا، 600 میگا ہرٹز والا۔
     
  12. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    آپکو جمیل نستعلیق کی بنیاد جوہر نستعلیق فراہم کی جا سکتی ہے گو کہ اسمیں کچھ سو کے قریب لگیچرز ہوں گے۔ رابطہ کے لئے اس جانی دشمن کو اپنا گوگل ٹالک کا پتا پی ایم کرو جلدی! :)
     
  13. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    فانٹ فارج میں اپنا جمیل تو 3 جی بی کیساتھ بھی بیٹھ گیا تھا :(
     
  14. نبیل

    نبیل محفلین

    مراسلے:
    16,748
    جھنڈا:
    Germany
    موڈ:
    Depressed
    ہمم۔۔
    میں نے تو 512 ایم بی ریم والی لینکس ورچوئل مشین میں فونٹ فورج میں چالیس ہزار کے قریب ترسیمہ جات والا فونٹ لوڈ کیا تھا اور یہ ٹھیک چل رہا تھا۔
     
  15. محمد سعد

    محمد سعد محفلین

    مراسلے:
    2,857
    جھنڈا:
    Pakistan
    موڈ:
    Bored
    دراصل ہوا یوں تھا کہ میں نے اپنے اس مراسلے سے پہلے آخری بار فانٹ فورج کو فیڈورا 12 پر چلایا تھا جہاں ان فانٹس کو لوڈ کرنا کمپیوٹر پر کافی بھاری پڑ رہا تھا، اگرچہ اس سے کچھ عرصہ پہلے ہی مجھے اس سے کافی بہتر کمپیوٹر دستیاب ہو گیا تھا جس کی شاکر بھائی بات کر رہے ہیں۔ اب میں فیڈورا 14 پر ہوں۔ میں نے جب دوبارہ اپنا کام آگے بڑھانے کا سوچا تو یہاں فانٹ فورج کو نصب کرنے سے پہلے ہی مراسلہ بھیج دیا کہ ایک ہلکے فانٹ کی ضرورت ہے۔ لیکن جب میں نے اسے نصب کر کے چلایا تو معلوم ہوا کہ اب یہ جمیل نستعلیق کو پہلے سے بہتر طور پر چلا رہا ہے اور پہلے کی نسبت کافی کم میموری استعمال کر رہا ہے۔ شاید فانٹ فورج یا اس کی کسی انحصاریت میں کوئی سافٹ وئیر کا مسئلہ تھا جسے حل کر دیا گیا۔ اگرچہ چالیس ہزار ترسیموں والا زیرِ تعمیر فانٹ اب بھی کچھ بھاری پڑتا ہے اس پر۔
     
  16. محمد سعد

    محمد سعد محفلین

    مراسلے:
    2,857
    جھنڈا:
    Pakistan
    موڈ:
    Bored
    اب جمیل نستعلیق تو ٹھیک ٹھاک چل رہا ہے لیکن پھر بھی فانٹ سازی کی الف بے سیکھنے کے لیے کسی ماہر کی ضرورت پڑے گی۔ چنانچہ پتا بھیج دیا ہے۔ :)
     
  17. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    بے شک۔ میں اکثر آن لائن ہوتا ہوں پاک وقت کے مطابق رات کو۔ اور صبح کو۔
     
  18. محمد سعد

    محمد سعد محفلین

    مراسلے:
    2,857
    جھنڈا:
    Pakistan
    موڈ:
    Bored
    ابھی تک جمیل نستعلیق کے ساتھ ہمارے "نفیس ترسیمی" کا موازنہ کرنے اور محسن حجازی کا دماغ کھانے کے بعد مجھے تو بس یہی سمجھ آئی ہے کہ ہمارے تیار کردہ فانٹ میں شامل ترسیموں کے استعمال نہ ہو پانے کی وجہ لک اپ ٹیبل کی کمی ہے۔ جمیل نستعلیق کا جائزہ لیتے ہوئے دیکھا کہ اس میں کئی طرح کے لک اپ ٹیبلز تھے جیسے rlig، ccmp وغیرہ وغیرہ۔۔۔ تو مجھے کوئی یہ سمجھا سکتا ہے کہ یہاں ہمیں لک اپ ٹیبلز کا استعمال کس انداز سے کرنا ہے؟ اور سمجھاتے وقت خیال رکھنا کہ میں فانٹ سازی میں بالکل مبتدی ہوں۔
     
  19. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    آپکو چیٹ پر کچھ کچھ تو سمجھ آگئی تو، گو کہ واپڈا بار بار ہمارے درمیان "پھڈا" کر رہا تھا :)
     
    • پسندیدہ پسندیدہ × 1
  20. محمد سعد

    محمد سعد محفلین

    مراسلے:
    2,857
    جھنڈا:
    Pakistan
    موڈ:
    Bored
    جی اب کافی اچھی طرح سمجھ آ گئی ہے۔ اب آخر کار ایسا محسوس ہو رہا ہے کہ میں اس فانٹ کی تیاری میں کچھ مدد کرنے کے قابل ہو گیا ہوں۔ :)
     

اس صفحے کی تشہیر